Dagblaðið Vísir - DV - 30.05.2014, Blaðsíða 60

Helgarblað 30. maí –2. júní 201460 Fólk
Góð vinkona
fyrrverandi
Angelina Jolie sagði frá því í nýju
viðtali að hún héldi góðu vina­
sambandi við fyrrverandi eigin­
mann sinn, Jonny Lee Miller.
„Hann er enn góður vinur minn,“
sagði hún í viðtalinu þegar hún
var spurð út í myndina Hackers
sem hún lék í árið 1995. „Þar hitti
ég Jonny,“ sagði hún. „Ég hugsa
um hann þegar ég hugsa um
myndina. Það er örugglega mjög
fyndið að sjá þessa mynd í dag,“
sagði hún. Þegar þau giftu sig var
Jolie íklædd bol sem skrifað var í
með blóði: þú ert að fara að gift­
ast honum.
Heit saman
á Cannes
Justin Bieber og Adriana Lima
eru sögð hafa átt rómantíska
stund saman á Cannes­kvik­
myndahátíðinni. Heimildarmað­
ur tímaritsins US Weekly segir að
Justin hafi sóst hart eftir því að
spjalla við Adriönu. Þau hafi svo
í einkapartíi seint um nótt talað
stanslaust saman og farið heim
saman úr partíinu um klukkan
fimm um nóttina. Þetta sama
kvöld setti Justin mynd af þeim
Adriönu saman á Instagram­síðu
sína og skrifaði undir texta úr lagi
sínu Confident. Vinur Biebers
segir í samtali við tímaritið:
„Hann var að skemmta sér með
henni en það verður ekkert meira
úr því.“
Dansaði
ber að ofan
Lily Allen hefur engu gleymt þrátt
fyrir að hafa dregið sig í hlé frá
sviðsljósinu um tíma. Í vikunni
deildi hún á Instagram­síðu sinni
myndbandi af sér þar sem hún
dansar nakin að ofan í sokkabux­
um. Lily heldur fyrir brjóstin með­
an hún dansar furðulegan dans
fyrir framan spegil og tekur upp á
símann um leið. Lily gaf nýlega út
plötu en hún, eins og áður sagði,
tók sér frí frá sviðsljósinu um tíma
til að sinna barnauppeldi.
Ástfangin Hayden og
Wladimir trúlofuðust fyrir
þremur árum og eru nú
sögð eiga von á barni.
Á von á barni
Hayden og Wladimir sögð vera að stofna fjölskyldu
H
ayden Panettiere á von
á sínu fyrsta barni með
unnusta sínum, boxaranum
Wladimir Klitschko. US
Weekly heldur þessu fram og hefur
eftir ónafngreindum vini parsins
að Hayden sé barnshafandi. Parið
trúlofaðist í fyrra eftir að hafa verið
sundur og saman í þrjú ár. Hayden
hefur áður sagt frá því að hana langi
til þess að stofna fjölskyldu og finn­
ist eins og hún sé fædd til þess að
verða móðir.
Hún sagði í samtali við Glamour­
tímaritið: „Ég hef lifað viðburðaríku
lífi og mér líður ekki eins og ég sé á
þeim aldri sem ég er á og mér líð­
ur eins og ég hafi fæðst til þess að
verða móðir.“ Hayden er 24 ára en
unnustinn 36 ára.
„Stundum talar fólk eins og
það að eignast börn sé endir á lífi
manns og maður geti aldrei gert
neitt eftir það. Og ég hugsa bara:
Hvað eruð þið að tala um!“ sagði
Hayden í viðtalinu.
„Móðurhlutverkið er fallegasti
og mest spennandi hlutur sem ég
veit um. Mér finnst eins og það
sé ekkert sem ég gæti ekki afrek­
að með börn í lífi mínu,“ sagði hún
einnig í fyrrgreindu viðtali. n
Glæsileg Brúðkaupið var glæsilegt í alla staði og hjónin
klæddust bæði hönnun Givenchy.
n Kim og Kanye fóru í bíó á Írlandi n Tvær sýningar sama kvöldið
B
rúðkaup Kim Kardashian
og Kanye West hefur líklega
farið fram hjá fáum sem
fylgjast með fréttum af
stjörnunum. Þau gengu í það
heilaga síðasta laugardag í sextándu
aldar virki í Flórens á Ítalíu. Allt hjá
þeim var með glæstum brag og ekk­
ert til sparað. Brúðhjónin klæddust
bæði hönnun Givenchy og margir
frægir gestir voru í veislunni.
Brúðkaupsferð á Írlandi
Brúðkaupsferð hjónakornanna virð­
ist þó vera ívið tilkomuminni en
brúðkaupið. Hjónin skelltu sér í
bæinn Portlaoise á Írlandi þar sem
þau hafa eytt fyrstu hveitibrauðs­
dögunum. Það er ekkert sérstaklega
rómantískur bær en það hefur vakið
athygli að þau stunda bíóhúsin
grimmt í brúðkaupsferðinni. Til að
mynda sást til þeirra tvisvar sama
kvöld á leið í bíó – sitthvort bíóið.
Það er talið að starfsmaður annars
bíóhússins hafi smellt mynd af þeim
og sent á vin sin sem setti myndina
svo á netið.
Létu lítið fyrir sér fara
Hjónin reyndu að láta lítið fyrir sér
fara þegar þau mættu í bíó. Þau
komu þangað í svartri Mercedes
Benz­bifreið, bæði klædd í svart
og með sólgleraugu. Ekki er vitað
á hvaða mynd þau fóru en nokkrar
koma til greina, Godzilla, X­Men:
Days of Future Past, Bad Neigh­
bours, Blended og Maleficent.
Af hverju Írland?
Þykir mörgum þetta vera óvenju­
leg brúðkaupsferð hjá fólki sem
hefur efni á að fara hvert sem er
í heiminum. „Þau gætu keypt sér
eyju og verið þar en þau ákveða
að koma til Írlands, af hverju?“
skrifar einn netverji í athugasemd
undir frétt um bíóferðir hjónanna.
Kim og Kanye hafa birt fyrstu
myndir úr brúðkaupinu en sýnt
verður frá því öllu í raunveruleika­
þætti Kim og fjölskyldu hennar:
Keeping up with the Kardashians. n
Óvenjuleg
brúðkaupsferð
Nýgift Kim
og Kanye birtu
þessar mynd
af sér eftir
brúðkaupið.
Að fara úr bíóinu
Kim og Kanye
reyndu að láta lítið
fyrir sér fara.
Í bíó Kim og
Kanye elska bíó.