Dagblaðið Vísir - DV - 13.06.2014, Side 46

Helgarblað 13.–16. júní 201446 Lífsstíll
Þetta skaltu ekki
geyma í ísskápnum
V
issar matartegundir
geymast betur í kulda
en aðrar. Oft gætir líka
ákveðins misskilnings um
hvaða tegundir geymist
best í kæli. Þessar til dæmis gera
það ekki:
Tómatar
Flestir geyma tómata í ísskáp. Það
er hins vegar alls ekki besti staður­
inn því tómatar elska hita en hata
kulda. Í ísskáp verða þeir fljótt lin­
ir en halda sér mun lengur ef þeir
eru geymdir fyrir utan ísskápinn.
Best er að geyma þá til dæmis í
skúffu eða skáp þar sem sólin skín
ekki beint á þá.
Basilika
Basilika hefur svipaðar geymslu­
þarfir og tómaturinn. Hann má
ekki vera í of miklum hita og held­
ur ekki of miklum kulda. Sama og
með tómatinn þá veldur kuldinn
því að basilikan helst ekki ferskt
jafn lengi. Þess vegna er betra að
geyma hana á heitum stað. Hægt
er að geyma hana í glasi með vatni
í og setja smá plast yfir en passa
samt að þekja það ekki alveg því
það verður að komast loft inn.
Laukur
Laukur á frekar til að mygla í ís­
skáp heldur en utan hans. Hann á
samt að geyma á köldum stað og
í burtu frá sólarljósi. Kjósir þú að
geyma hann í ísskápnum passaðu
þá að hafa hann ekki nálægt kart­
öflunum því séu þessar tegundir
geymdar saman þá skemmast þær
hraðar. Það sama á við um hvítlauk
en vor­, gras­ og blaðlaukar geym­
ast vel í ísskáp og er það vegna þess
að vatnsmagnið er meira í þeim.
Ólífuolía
Olían geymist ekki vel í ísskáp.
Þar harðnar hún og því á ekki að
geyma hana þar. Hún endist lang­
best ef hún er geymd inni í skáp
þar sem er ekki of heitt og ekki of
kalt.
Brauð
Brauð geymist afar illa í ísskáp.
Það þurrkast mjög fljótt upp. Það
er hins vegar í góðu lagi að geyma
brauð í frysti, þar geymist það
nefnilega vel sé passað upp á að
það sé í lokuðum og góðum um­
búðum. Brauð geymist best í plast­
poka í venjulegum stofuhita.
Kaffi
Því er oft haldið fram að kaffi
geymist betur í ísskáp og þurrk­
ist síður. Það er þó ekki raunin.
Sé kaffi geymt í ísskáp tapar það
nefnilega fljótt bragðgæðum sín­
um. Besti staðurinn til að geyma
kaffi er á köldum og dimmum
stað. Þess vegna henta álkrukkur
til dæmis vel til geymslu þess.
Lárpera
Lárperu, eða avokadó, er ekki
sniðugt að geyma í ísskáp. Hún
skemmist mun fyrr. Hins vegar, sé
búið að opna hana og rífa af henni
börkinn er í lagi að geyma hana í
ísskápnum. n
Tómatar, laukur og brauð eru meðal þess sem geymist illa í ísskápnum heima eða í vinnunni
Viktoría Hermannsdóttir
viktoria@dv.is
Bestu matar-
bloggin
Saveur velur á hverju ári bestu
matar­ og vínbloggin í nokkrum
flokkum. Hér má sjá þau blogg
sem unnu verðlaunin í ár.
iamafoodblog.com/
Stephanie heldur úti matar­
blogginu iamafoodblog.com.
Hún hefur unun af því að elda
og deilir ástríðunni með lesend­
um sínum. Bloggið hennar hefur
slegið í gegn og hún á fjölmarga
fylgjendur. Stephanie tekur fal­
legar myndir af réttunum og er
með sniðugar hugmyndir. Sjón er
sögu ríkari.
Love and lemons
Jeanine er með bloggsíðuna Love
and Lemons. Flestar uppskrift­
irnar sem hún deilir með lesend­
um myndu líklega flokkast sem
hollustuuppskriftir enda hefur
Jeanine unun af því að fá fólk til
þess að nota grænmeti á skap­
andi og skemmtilegan hátt. Hún
ferðast líka mikið ásamt eigin­
manni sínum og uppskriftirnar
eru í takt við það.
www.loveandlemons.com/
Top with cinnamon
Hin 18 ára gamla Izy heldur úti
bloggsíðunni Top with cinna­
mon. Izy býr í London og hefur
frá blautu barnsbeini haft mik­
inn áhuga á bakstri enda þrátt
fyrir ungan aldur er hún gríðar­
lega fær í því. Hún lærði listina
að baka frá mömmu sinni sem
er bandarísk en ættuð frá Ítalíu.
Aðaláherslan er á bakstur en hún
birtir þó stundum matarupp­
skriftir líka.
www.topwithcinnamon.com/
The Vanilla Bean
Það er einlægur ástríðubakari
sem heldur úti þessari síðu. Mik­
ið af skemmtilegum og öðruvísi
bakstursuppskriftum og bloggar­
inn tengir uppskriftirnar gjarnan
fjölskyldu sinni og deilir sögum
með lesendum.
http://thevanillabeanblog.com/
Mikilvægt að bera sólarvörn á augnsvæði
Orsakavaldur 10 prósenta húðkrabbameinstilvika
V
issirðu að það má rekja tíu
prósent tilvika húðkrabba­
meins til augnsvæðis­
ins? Julie Woodward, sér­
fræðingur hjá Duke University
Medical Center greinir frá þessu í
Cosmopolitan­tímaritinu en hún
segir að gjarnan gleymist að vernda
augnsvæðið þegar fólk setur á sig
sólarvörn.
Mörg tilvik húðkrabbameins eiga
uppruna sinn í húð augnlokanna og
svæðisins fyrir neðan augun vegna
þess að fólk ber síður sólarvörn á þau
svæði af ótta um að sólarvörnin fari
í augun sjálf. Húðsvæðið í kringum
augun er mun næmara fyrir útfjólu­
bláum geislum og er húðin á því
svæði tíu sinnum þynnri en önnur
húð sem gerir skaða vegna útfjólu­
blárra geisla mun líklegri þar en
annars staðar á líkamanum. Þannig
að þrátt fyrir að augnsvæðið sé inn­
an við eitt prósent af húðinni eru tíu
prósent tilvika húðkrabbameins af­
leiðing skorts á vörn á því svæði.
Hægt er að slá á áhyggjur um að
sólarvörnin leiti inn í augun með
því að kaupa sólarvörn sem er sér­
staklega ætluð augnsvæðinu. Hún er
ekki skaðleg augunum ef svo vill til
að hún leki þangað.
Sólgleraugu eru einnig fyrir­
byggjandi í þessu samhengi en þau
þurfa að innihalda gler með vörn
fyrir útfjólubláum geislum til þess
að gera gagn. n
Viðkvæmt svæði Augnlokin og
húðsvæðið undir augunum er næmara
fyrir útfjólubláum geislum.