Dagblaðið Vísir - DV - 15.08.2008, Page 31

DV Helgarblað Föstudagur 15. ágúst 2008 31
Það er stóísk ró yfir henni er hún
útskýrir að staðan sé einföld. „Þeg-
ar fólk nýtur velgengni í starfi, eins
og ég, saknar maður minna. „Það er
skrýtið að vera móðir með þrjú börn
og vera í burtu frá þeim alla daga og
öll kvöld. Nú hef ég átt meiri tíma
með fjölskyldunni mér til mikillar
ánægju, þeim einkum til hrellingar,“
gantast hún.
Eftir afmælisveislu Atla Heimis fer
Edda til Bandaríkjanna að prófa nýtt
lyf sem verið er að þróa við taugasjúk-
dómum. „Í fyrstu var ég pínu hrædd,
en í dag hlakka ég til,“ segir Edda. Hún
segir það spennandi að fá að taka þátt
í þessari rannsókn.
Í Bandaríkjunum mun hún taka
þátt í tilraunameðferð en þetta nýja lyf
á að draga úr eyðileggingu af völdum
sjúkdómsins. „Það eru ofboðslegar
framfarir í rannsóknum á taugasjúk-
dómum, eins og Parkinson, Alzheim-
er og MS. Þetta vinnur allt saman.“
Þetta leiðir samræðurnar að rann-
sóknum á stofnfrumum og þar hefur
Edda mjög sterkar skoðanir. „Ég vil
að við Íslendingar setjum á laggirn-
ar alheimsrannsóknarstofnun. Við
Íslendingar erum frjálslyndir og mér
finnst að við eigum að ríða á vaðið og
gera Ísland að eftirsóttum stað fyrir
helstu vísindamenn heims. Við erum
með góða og hreina orku og gott
súkkulaði,“ laumar Edda brosandi
inn í samræðurnar.
Börnin erfa áhugann
Börnin skipta hana miklu máli.
Það heyrist á röddu hennar. Öll eru
þau listræn rétt eins og foreldrarnir.
Arnmundur Ernst, sá elsti, stefnir á
leiklist. Dansinn heillar fósturdóttur
hennar og sú yngsta elskar að leika
og mála – alveg eins og mamma og
pabbi.
„Börn erfa áhugann, kannski ekki
hæfileikana, en hundrað prósent
áhugann,“ viðurkennir Edda. Hún
segir listabrautina gefa manneskj-
unni gott færi til þess að þroskast á
miklum hraða en margar séu hætt-
urnar og að sú sem leggur fyrir sig
listina þurfi að vera býsna klár. Hún
tekur einnig fram að spennandi tímar
séu fram undan í íslensku menning-
arlífi. Hún setur þó nokkra fyrirvara.
„Ég held að það hafi verið Þórbergur
Þórðarson sem sagði að það yrði ekki
langt þangað til að við getum heyrt
sögur alls staðar úr heiminum, um
leið og þær gerast, en maður fær leið
á því. Við eigum eftir að snúa til baka
því engin er sagan merkilegri en sú
sem gerist beint fyrir framan okkur,“
segir Edda.
Bíður eftir kraftaverki
Edda Heiðrún stendur vaktina í
versluninni alla daga vikunnar. Hún
ber miklar væntingar til búðarinn-
ar og Hverfisgötunnar. „Ég vil að fólk
geti leitað hingað í rólegheit. Það er
hátt til lofts, vítt til veggja og vandaðar
vörur,“ segir Edda og bætir við: „Hverf-
isgatan er að lifna við. Þetta horn hér
er orðið fallegt. Mig langar til þess að
mála alla ljósastaurana rauða og setja
rauða bekki á víð og dreif. Þetta er fal-
leg gata. Hér er Þjóðleikhúsið, Þjóð-
menningarhúsið, Súkkulaði og rósir,
Arnarhóll, Listaháskólinn mun rísa
hér. Gatan verður glæsileg.“
Inni í verslun Eddu má ekki ein-
ungis finna gjafir og blóm. Edda er
ávallt með listamann mánaðarins og
skreyta falleg listaverk veggi verslun-
arinnar. Edda velur einnig rithöfunda
til að kynna í verslun sinni. Henni var
boðið að taka þátt í Dönskum dög-
um á Menningarnótt. Fjörið fer fram
á Óðinsgötu og þar mun Edda selja
heitt súkkulaði og kryddað súkku-
laði. Einnig ætlar hún að bjóða upp
á skemmtilegar uppákomur frá hin-
um ýmsu leikurum. Næsti listamað-
ur mánaðarins verður eiginmaður
hennar Jón Axel, uppáhaldslistamað-
urinn hennar.
Veggirnir í Súkkulaði og rósum eru
einstakir. Þeir eru bláir, túrkisbláir, og
gefa verlsuninni sterkan blæ. „Þetta
er litur Inkanna og Astekanna. Svo
er þetta líka litur Maríu meyjar,“ seg-
ir Edda og bætir við: „En enginn veit
það betur en hún eftir hverju ég er að
bíða – kraftaverki.“
hanna@dv.is
„Ég vil að við Íslendingar setjum á laggirnar alheims­
rannsóknarstofnun. Við Íslendingar erum frjálslyndir og
mér finnst að við eigum að ríða á vaðið og gera Ísland að
eftirsóttum stað fyrir helstu vísindamenn heims.“
Prófar tilraunalyf Edda Heiðrún fer til
Bandaríkjanna í haust þar sem hún prófar
nýtt lyf gegn taugasjúkdómum. Hún segist
vera óhrædd og hlakka meira til en hitt.
Ástríða frá eiginmanninum Jón
axel Björnsson, listmálari og
eiginmaður Eddu, hefur gefið henni
blóm í hverri einustu viku, en þau hafa
verið saman í 13 ár og gift í 11.