Tímarit um menntarannsóknir - 01.01.2007, Síða 165

163
Tímarit um menntarannsóknir, 4. árgangur 2007
verkamannastétt hafa alla tíð unnið og þetta
var leið upp á við en fyrir millistéttarkonur var
þetta leiðin út af heimilinu. Af þessum helmingi
þjóðarinnar, konum, lagði rjóminn fyrir sig
kennslu. Því má segja að einungis toppfólk
hafi lagt fyrir sig kennslu. Þessar konur voru
mjög metnaðargjarnar og höfðu líka metnað
fyrir hönd annarra kvenna, stúlkna sem þær
kenndu. Þær ólu upp kynslóð kvenna sem gat
áorkað enn meiru en þær sjálfar höfðu gert.
Ég þykist viss um að þetta sé eins hér á landi.
Sögur af einstökum kennslukonum sem hvöttu
aðrar konur áfram. Þetta var gott fyrir skólana.
Þeir fylltust af afburðakonum sem gáfu sig
allar í kennsluna. Kannski leiddi þetta til þess
að kennslan var áhrifarík. Ef gera má ráð fyrir
að það skipti máli að kennarinn kunni eitthvað
og sé góður er óhætt að fullyrða að skólarnir
höfðu aðgang að öflugri mannskap þá en nú.
Mjög snemma urðu konur stjórnendur, fyrst í
skólum fyrir yngri börn, síðan í stúlknaskólum
á unglinga- og framhaldsskólastigi og loks í
skólum fyrir bæði stelpur og stráka. Það var
stórkostlegt. Ennþá sækja mun fleiri konur
en karlar í kennarastéttina. Ekki vegna þess
að þær hafi svo gífurlega þörf fyrir að vera
sífellt að hugsa um ungviðið heldur vegna
þess að þær eiga sjálfar börn og kennarastarfið
býður upp á að blanda saman barneignum og
starfsframa.
En þær sækja ekki í kennarastéttina í sama
mæli og áður og þetta eru ekki jafnhæfar konur
og áður. Ef litið er á einkunnir kvenna sem fara
í kennslu núna í samanburði við þær sem gerðu
það fyrir 50 árum þá standast þessar yngri þeim
eldri ekki snúning. Ég veit ekki hvað best er að
gera í þessu. Það virðist erfitt að fá verulega
gott fólk í kennslu en á sama tíma stækkar
skólakerfið stöðugt. Varla er mikið vit í því.
Um leið og konum opnast fleiri leiðirfara
þær ekki lengur allar í kennslu. Önnur afleiðing
er að konur eignast færri börn, sérstaklega
menntakonur.
TUM: Finnst þér að yfirvöld eigi að hvetja
konur til að eiga börn?
AW: Já, það verður ekki hjá því komist. Í
Skandinavíu er mun meira gert til þess að
auðvelda barnafjölskyldum lífið fjárhagslega
en til dæmis í Englandi eða Þýskalandi.
Ég átti fyrstu börnin mín tvö þegar í bjó í
Bandaríkjunum og ég er viss um að ég hefði
aldrei eignast þriðja barnið ef ég hefði ekki
komið aftur til Englands. Þar hafði ég aðgang
að tveimur ömmum sem hjálpuðu til, sem
skipti gríðarlegu máli því eiginmaður minn býr
um borð í flugvél.
Heimild
Wolf, A. (2006). Working girls. Prospect
magazine, 121. Sótt 25.8.2007 http://
www.prospect-magazine.co.uk/
printarticle.php?id=7398
Viðtal við Alison Wolf