Gerðir kirkjuþings - 2007, Síða 7

Gerðir Kirkjuþings 2007
Hefðir, saga, samtíð
„Aldrei er sólskinið skærara en fyrir framan hvíta sveitakirkju," sagði Selma Lagerlöf
forðum. Já, sólin skín yfir skím og fermingum og brúðkaupum kirkjunnar, þó svo sé
ekki endilega almennt raunin með messu sunnudagsins. Hvers vegna skyldi það nú
vera? Við skulum vera þolinmóð og bíða og biðja, ef til vill munum við sjá messuna
lifna. Það má víða sjá í sóknum landsins. Nú sjáum við að unga kynslóðin sækir í
hefðir kirkjunnar og vill bera þær áfram.
Þjóðkirkjunni er mikilvægt að gæta þess að gefa einstaklingnum rými fyrir leit
og þrá og svör. Og hún þarf að stuðla að því að efla guðfræðiiðkun, hugsun og
rökræðu. Og hún þarfnast boðunar sem kveikir í, sem hrífur og eflir fólk í trú og
breytni. Og hún þarfnast trúarvitnisburðar hins almenna sóknarmanns, og að gefa færi
fyrir hann á vettvangi kirkjustarfsins.
Þjóðkirkjan vill varðveita samhengið í menningu og minningu kynslóðanna.
Vitandi um leið að hún verður að gefa rými fyrir margbreytileikann. Kirkjan á að hafa
margar vistarverur. En hún má aldrei gleyma því hver eigind hennar og grundvöllur
er. Það er Jesús Kristur, krossfestur og upprisinn. Og sú viska, speki, náð sem
boðskapur hans ber með sér.
Við viljum sækja fram á nýjum vettvangi og styrkja stofnanir og starfseiningar
kirkjunnar til að mæta því breytta landslagi sem fjölmenningin vitnar um og mótar æ
meir íslenskt samfélagi. í því samhengi vil ég nefna að fyrir Kirkjuþingi liggur tillaga
um kaup á Kapellu ljóssins á Keflavíkurflugvelli og kynntar hugmyndir um að sett
verði á laggirnar rannsókna- og kennslustofnun í tengslum við alþjóðaháskólann sem í
mótun er á Keflavíkurflugvelli. Stofnuninni væri ætlað að einbeita sér að
friðarrannsóknum, samræðu trúarbraga og samkirkjulegu starfi.
Það að setja slíka stofnun á laggirnar á þessari fyrrverandi herstöð væri
mikilvæg táknræn aðgerð, og yfirlýsing okkar kirkju um þátttöku í að byggja og móta
menningu friðar og sáttargjörðar hér á landi og í heiminum.
í Kapellu ljóssins á Keflavíkurflugvelli var frá upphafi gert ráð fyrir aðstöðu
fyrir ólík trúarbrögð. Það er eina guðshúsið sem byggt hefur verið á Islandi í slíku
augnamiði. Þegar Þjóðkirkjan hefur eignast kapelluna vill hún halda því tákngildi á
lofti og minna á sátt og skilning milli trúarbragða og þátt þeirra í að byggja menningu
friðar og sáttargjörðar í stað haturs og hefnda.
Eins skal minna á að einn þáttur starfsemi alþjóða skólans á Keflavíkurflugvelli er
umhverfis og orkumál. Það er málaflokkur sem ætla má að verði æ fyrirferðarmeiri í
alþjóðasamskiptum. Rannsóknastofnunin gæti veitt tækifæri til rannsókna og fræðslu
um kristna umhverfissiðfræði og sköpunarguðfræði.
Ef svo fer sem horfir þá verður senn þróttmikið samfélag risið á
Keflavíkurflugvelli, þar sem fjöldi ungs fólks er að takast á við nám og störf. Með því
að eignast Kapellu ljóssins er Þjóðkirkjan líka að búa í haginn fyrir safnaðarstarf,
helgihald og kærleiksþjónustu við íbúana þar. Þetta eru framtíðarsýnir fyrir kirkju sem
er í sókn!
Sama er að segja um framkvæmdimar í Skálholti sem nú fara senn að hefjast,
og kynnt verður hér á Kirkjuþingi. Það er uppbygging sem felur í sér bætta aðstöðu
fyrir móttöku ferðamanna og þjónustu við þann mikla fjölda sem sækir staðinn heim,
bókhlaða og fræðimannaaðstaða. Ég þakka stjómvöldum og þeim öðrum sem koma
að þeirri framkvæmd með myndarlegum hætti.
í Evrópu er ljóst að þreifingar eiga sér stað milli hugsuða þvert yfir áður óbrúanlegar
gjár. Kirkjulistahátíðir og hvers kyns listastarfsemi í kirkjum landsins ber vitni um
samtal trúar og lista. Trú og vísindum er iðulega teflt fram sem ósættanlegum
andstæðum. Trúin og akademían hafa lifað við gagnkvæma tortryggni um langt skeið.
5