Peningamál - 01.06.2005, Blaðsíða 22
ÞRÓUN OG HORFUR
Í EFNAHAGS- OG PEN INGAMÁLUM
P
E
N
I
N
G
A
M
Á
L
2
0
0
5
•
2
22
Innflutningur
Spáð er heldur minni vexti innflutnings á þessu og næsta ári en í mars.
Áhrif lægra gengis vega þar þyngra en áhrif ívið meiri vaxtar inn-
lendrar eftirspurnar. Spáð er 18½% vexti innflutnings á þessu ári, sem
er u.þ.b. prósentu minni vöxtur en spáð var í mars. Stóriðjufram-
kvæmdir kalla á mikinn innflutning og spáð er áframhaldandi vexti
einkaneyslu. Á næsta ári er reiknað með að innflutningur dragist
saman um rúma prósentu, en þá mun innflutningur tengdur stóriðju-
framkvæmdum verða minni en í ár, auk þess sem hægja mun á vexti
einkaneyslu.
Á fyrstu fjórum mánuðum ársins 2005 jókst vöruinnflutningur af
miklum krafti, eða um 21% frá sama tíma í fyrra á föstu gengi. Inn-
flutningur flutningatækja, bæði fólksbíla og flutningatækja til atvinnu-
rekstrar, jókst sérlega mikið. Einnig jókst innflutningur eldsneytis, var-
anlegrar neysluvöru og annarrar fjárfestingarvöru töluvert. Hátt raun-
gengi og væntanlega hraður vöxtur einkaneyslu hafa ýtt undir inn-
flutning það sem af er ári. Gengi krónunnar hefur þó lækkað nokkuð
að undanförnu. Í spánni er engu að síður gert ráð fyrir að gengi krón-
unnar á þessu ári verði tæplega 6% hærra en á síðasta ári.
Hagvöxtur og framleiðsluspenna
Vöxtur landsframleiðslunnar í fyrra var ríflega 5% samkvæmt áætlun
Hagstofunnar. Miðað við óbreytta stýrivexti og gengi eru horfur á að
hagvöxtur verði einnig kröftugur í ár og á næsta ári. Spáð er að lands-
framleiðslan aukist um rúmlega 6½% í ár, og rúmlega 6% á næsta ári.
Þetta er svipuð spá og birt var í mars. Munurinn liggur einkum í meiri
vexti fjármunamyndunar í ár, einkum fjárfestingar í íbúðarhúsnæði. Á
næsta ári er reiknað með ívið meiri vexti einkaneyslu en áður, auk þess
sem fjárfesting hins opinbera er talin verða meiri en áður var gert ráð
fyrir. Lægra gengi dregur úr innflutningi, en á móti kemur að spáð er
að útflutningur vaxi hægar bæði árin en reiknað var með í mars.
Ofangreint endurmat á hagvaxtarhorfum leiðir til heldur meiri fram-
leiðsluspennu næstu tvö árin en spáð var í mars.
Mynd IV-10
Vöxtur innflutnings 1997-2006 1
1. Spá Seðlabankans 2005-2006.
Heimildir: Hagstofa Íslands, Seðlabanki Íslands.
1997 1998 1999 2000 2001 2002 2003 2004 2005 2006
0
5
10
15
20
25
-5
-10
Magnbreyting frá fyrra ári (%)
Mynd IV-11
Vöruinnflutningur fyrstu fjóra mánuði ársins
1997-2005
Heimild: Hagstofa Íslands.
1997 1998 1999 2000 2001 2002 2003 2004 2005
0
5
10
15
20
25
30
35
-5
-10
-15
Breyting frá fyrra ári á föstu gengi (%)
Mynd IV-12
1992 1994 1996 1998 2000 2002 2004 2006
0
1
2
3
4
5
6
-1
-2
-3
-4
-5
% af framleiðslugetu
Framleiðsluspenna/framleiðsluslaki
1992-20061
1. Spá Seðlabanka Íslands fyrir árin 2005-2006.
Heimild: Seðlabanki Íslands.