Peningamál - 21.05.2014, Blaðsíða 65
ÞRÓUN OG HORFUR
Í EFNAHAGS- OG PENINGAMÁLUM
P
E
N
I
N
G
A
M
Á
L
2
0
1
4
•
2
65
Hreinar þáttatekjur lyfjafyrirtækja, sem lengi vel vógu þungt í þátta
tekjujöfnuði þjóðarbúsins, voru jákvæðar í fyrra í fyrsta sinn eftir fjár
málakreppuna og námu tæpum 29 ma.kr. en höfðu verið neikvæðar
um 38 ma.kr. árið áður. Að sama skapi voru neikvæð áhrif stóriðju
á þáttatekjujöfnuð minni á árinu í samanburði við fyrri ár. Samfelld
lækkun álverðs frá árinu 2012 hefur leitt til þess að hagnaður stóriðju
fyrirtækja hefur dregist saman. Minni arðsemi þeirra hefur jákvæð
áhrif á þróun þáttatekjujafnaðar.
Rekstrarframlög námu um 12 ma.kr. í fyrra og jukust um 1,8
ma.kr. frá fyrra ári og var undirliggjandi þáttatekjujöfnuður að með
töldum rekstrarframlögum því neikvæður um 21 ma.kr. eða sem
nemur 1,2% af landsframleiðslu, samanborið við 55 ma.kr. halla árið
2012.
Betri horfur um undirliggjandi viðskiptajöfnuð í ár en í
febrúarspánni
Jöfnuður á vöru og þjónustuviðskiptum var jákvæður um 132 ma.kr.
á síðasta ári og undirliggjandi þáttatekjujöfnuður ásamt rekstrarfram
lögum neikvæður um 21 ma.kr. Undirliggjandi viðskiptajöfnuður var
því jákvæður um tæpa 111 ma.kr. í fyrra eða sem nemur 6,2% af
landsframleiðslu ársins. Það er um 1 prósentu meiri afgangur en gert
hafði verið ráð fyrir í febrúar og skýrist af hagstæðari þróun undir
liggjandi þáttatekjujafnaðar, einkum vegna hagfelldari áhrifa beinnar
erlendrar fjárfestingar eins og áður hefur verið rakið.
Eins og áður hefur komið fram er gert ráð fyrir að afgangur af
vöru og þjónustuviðskiptum verði um 5½% af landsframleiðslu í ár.
Talið er að undirliggjandi þáttatekjuhalli verði minni en gert var ráð
fyrir í febrúarspánni en töluvert meiri en í fyrra þar sem ekki er reiknað
með að sá bati sem varð á jöfnuði ávöxtunar hlutafjár á síðasta ári sé
varanlegur enda byggðist hann að stórum hluta af einskiptisáhrifum
erlendra lyfjafyrirtækja á þáttatekjujöfnuðinn. Þá er gert ráð fyrir að
skipti á búum fyrirtækja í slitum verði einum ársfjórðungi seinna en
áætlað var í febrúarspánni og eru neikvæð áhrif á þáttatekjujöfnuð
minni í ár sem því nemur.1 Vaxtajöfnuður sem hlutfall af landsfram
leiðslu verður hins vegar óbreyttur í ár frá fyrra ári. Áætlað er að undir
liggjandi þáttatekjujöfnuður með rekstrarframlögum verði neikvæður
um sem nemur 4,8% af landsframleiðslu í ár. Því verður undirliggjandi
viðskiptajöfnuður jákvæður um 0,7% af landsframleiðslu sem er
nokkru minni afgangur en í fyrra en svipaður afgangur og gert var ráð
fyrir í febrúarspánni.
1. Spá um undirliggjandi þáttatekjujöfnuð gengur út frá þeirri forsendu að eignum fyrirtækja
í slitameðferð, sem skilgreind eru sem innlendir aðilar, sé skipt á milli kröfuhafa samkvæmt
kröfuhafaskrá (þar sem 95% kröfuhafa eru erlendir aðilar) og er áætluðum tekjum og
gjöldum sem af skiptunum leiðir bætt við þáttatekjujöfnuð. Þetta hefur þau áhrif að undir
liggjandi þáttatekjujöfnuður verður neikvæðari en ella frá og með öðrum ársfjórðungi í ár
þegar áhrif fyrirtækja í slitameðferð á undirliggjandi þáttatekjujöfnuð fara frá því að vera
engin í að hafa full áhrif á jöfnuðinn. Tímasetning á skiptum búanna er forsenda og segir
ekki hvenær þau munu eiga sér stað í raun. Eftir að slitin hafa átt sér stað verður enginn
munur á opinbera þáttatekjujöfnuðinum og undirliggjandi þáttatekjujöfnuði. Eins og rakið
er í Peningamálum 2013/3 er lyfjafyrirtækið Actavis ekki lengur undanskilið við mat á
undirliggjandi þáttatekjujöfnuði þar sem hrein skuldastaða fyrirtækisins hefur ekki lengur
sömu áhrif á þáttatekjujöfnuðinn og áður. Staðan hefur batnað verulega í kjölfar sölunnar til
bandaríska lyfjarisans Watson Pharmaceuticals og ef það væri undanskilið við mat á undir
liggjandi þáttatekjujöfnuði hefði undirliggjandi viðskiptajöfnuður verið 4,6% í fyrra í stað
rúmlega 6%.