Dagblaðið Vísir - DV - 30.01.2015, Blaðsíða 4

4 Fréttir Helgarblað 30. janúar–2. febrúar 2015
Ráðherra færð
táknræn gjöf
Fulltrúar frá Ferðafélaginu Útivist,
Ferðafélagi Íslands, Ferðaklúbbn-
um 4x4, Samtökum útivistarfélaga
og Landvernd færðu Ragnheiði
Elínu Árnadóttur, iðnaðar- og
viðskiptaráðherra, táknræna gjöf
á fimmtudag til þess að minna
hana á „hið mikilvæga hlutverk
hennar sem alþingismanns og
ráðherra að standa vörð um al-
mannarétt fólks til frjálsrar farar
og dvalar á óræktuðu landi.“
Gjöfin var sjálft Ísland, ef svo
má segja, en á gjöfinni stóð: „Al-
menningi er heimil för um landið
og dvöl þar í lögmætum tilgangi.“
Tilefnið var að sjálfsögðu
frumvarp til laga um náttúru-
passa sem Ragnheiður Elín Árna-
dóttir iðnaðarráðherra mælti fyrir
á Alþingi á fimmtudag og styr hef-
ur staðið um.
Ragnheiður Elín hitti fulltrúa
ferðafélaganna fyrir utan Al-
þingishúsið á fimmtudags-
morgun og tók á móti gjöfinni.
60 milljóna króna
starfslokagreiðslur
Greiddi 22,4 milljónir vegna starfsloka Páls Magnússonar fyrrverandi útvarpsstjóra
R
ÚV greiddi 60,2 milljónir
króna í starfslokagreiðslur
vegna þeirra breytinga sem
urðu á yfirstjórn félagsins á
síðasta rekstrarári. Félagið
greiddi samtals 22,4 milljónir króna
vegna starfsloka Páls Magnússonar,
fyrrverandi útvarpsstjóra, en RÚV
telur sér ekki heimilt að veita upp-
lýsingar um frekari sundurliðun á
greiðslum til annarra fyrrverandi
starfsmanna félagsins.
„Þessi upphæð skýrir að hluta
hærri kostnað við yfirstjórn í árs-
reikningi síðasta rekstrarárs (2013–
2014) en á þar síðasta rekstrarári
(2012–2013). Greiðslur til stjórnend-
anna sem létu af störfum voru í sam-
ræmi við ráðningarsamninga þeirra
og fól kostnaðurinn í sér áunnið orlof
auk launatengdra gjalda,“ segir í svari
RÚV við fyrirspurn DV þar sem ósk-
að var eftir upplýsingum um starfs-
lokagreiðslur RÚV vegna stjórnenda-
skipta.
Breytingarnar lækki kostnað
Í síðasta tölublaði DV var fjallað um
að rekstrargjöld yfirstjórnar RÚV
hefðu aukist um 98 milljónir króna á
tímabilinu frá 1. september 2013 til
31. ágúst 2014 miðað við árið á undan.
Vitnað var í orð Illuga Gunnarssonar,
mennta- og menningarmálaráðherra,
og Magnúsar Geirs Þórðarsonar út-
varpsstjóra um að aukinn rekstrar-
kostnað félagsins mætti að mestu
rekja til mannabreytinga á yfirstjórn-
inni. DV hafði þann 19. janúar ósk-
að eftir nákvæmari upplýsingum um
hversu mikið af þeim 336 milljónum
króna sem fóru í rekstur yfirstjórn-
arinnar á tímabilinu mætti rekja til
starfsloka fyrrverandi starfsmanna
RÚV. Engin svör höfðu borist þegar
blaðið fór í prentun en þau bárust
síðan seint á mánudagskvöld og á
þriðjudag.
„Hvað varðar kostnaðaraukningu
milli síðasta og þar síðasta rekstrarárs
má geta þess að fyrir utan greiðslur til
fyrri stjórnenda og lögbundnar kjara-
samningshækkanir kemur til aukinn
kostnaður vegna fjölgunar í stjórn
Ríkisútvarpsins sem ákveðin var á
Alþingi með breytingu á lögum um
Ríkisútvarpið í júlí 2013. Sú aðgerð
hefur áhrif til hækkunar og einnig er
breyting milli ára á lífeyrisframlögum
upp á 16 milljónir króna auk kostn-
aðar vegna breytinga á tölvukerfum,“
segir í svari RÚV.
Þar segir einnig að breytingar á
skipulagi yfirstjórnar RÚV á síðasta
rekstrarári feli í sér kostnaðarlækkun
til framtíðar sem ætti að verða ljós
strax á yfirstandandi rekstrarári sem
lýkur 31. ágúst næstkomandi.
Öllum sagt upp
Miklar mannabreytingar urðu á yfir-
stjórn RÚV á síðasta rekstrarári. Páll
Magnússon, fyrrverandi útvarps-
stjóri, lét af störfum að eigin ósk í
desember 2013. Eins og kom fram
í síðasta tölublaði DV þá greindi
Morgunblaðið frá því að Páll hefði
verið með tólf mánaða uppsagnar-
frest og 1.220.777 krónur í mánaðar-
laun. Það gerir samtals 14,6 milljón-
ir króna. Í svörum RÚV til DV kemur
hins vegar fram að RÚV hafi greitt
samtals 22,4 milljónir króna vegna
starfsloka Páls þegar áunnið orlof og
launatengd gjöld hafi verið tekin með
í reikninginn.
Níu framkvæmdastjórum á yfir-
stjórn RÚV var sagt upp í mars 2014. Á
meðal þeirra voru Bjarni Guðmunds-
son, framkvæmdastjóri sjónvarps,
Þorsteinn Þorsteinsson markaðs-
stjóri og Óðinn Jónsson, fyrrverandi
fréttastjóri. RÚV hafði þá sent frá sér
tilkynningu þar sem kom fram að tap
á rekstri félagsins hefði verið um 305
milljónir króna á fyrstu sex mánuð-
um rekstrarársins og að áætlan-
ir gerðu ráð fyrir 357 milljóna króna
tapi á öllu árinu.
Magnús Geir Þórðarson tilkynnti
rúmum mánuði síðar að ráðið hefði
verið í níu framkvæmdastjórastöður
og að sex starfsmenn færu nýir inn í
yfirstjórn félagsins. Voru þeir Skarp-
héðinn Guðmundsson, núverandi
dagskrárstjóri sjónvarps og íþrótta,
og Ingólfur Bjarni Sigfússon, vef- og
nýmiðlastjóri RÚV, þá endurráðn-
ir. DV er að skoða hvort grundvöllur
sé fyrir því að kæra þessa neitun um
sundurliðun á starfslokagreiðslum
RÚV til úrskurðarnefndar um upp-
lýsingamál. n
Haraldur Guðmundsson
haraldur@dv.is
Páll Magnússon Útvarpsstjórinn fyrrverandi lét af störfum að eigin ósk í desember 2013.
Ríkisútvarpið Miklar
mannabreytingar urðu á
yfirstjórn RÚV á síðasta
rekstrarári. MyndiR SiGtRyGGuR ARi
Útvarpsstjóri
Magnús Geir Þórðarson
tilkynnti í mars 2014
að níu framkvæmda­
stjórum á yfirstjórn RÚV
hefði verið sagt upp.
Neita að
upplýsa
22,4 milljónir
Segja skilið við ferðaþjónustuna
n Sambýli með sinn eigin bíl n Lausn til bráðabirgða
D
æmi eru um að sambýli
og búsetukjarnar á höfuð-
borgarsvæðinu séu komnir
með sinn eigin bíl til þess
að keyra íbúum á milli
staða því nýtt fyrirkomulag í ferða-
þjónustu fatlaðs fólks hentar þeim
ekki. „Það var samkomulag milli
okkar og þess hluta velferðarsviðs
sem sér um ferðaþjónustuna að
leysa okkar mál með þessum
hætti,“ segir Kristrún Sigurjóns-
dóttir, forstöðukona Sambýlisins í
Jöklaseli, í samtali við DV. „Í fullri
samvinnu við ferðaþjónustuna höf-
um við fengið rekstrarleigubíl sem
leysir hluta af vandamálinu en
einnig höfum við gert samning við
fastan bílstjóra. Við erum með við-
kvæman hóp sem þolir illa svona
almennt skipulag. Við erum með
fólk sem þarf sérhæfða þjónustu og
helst fólk sem það þekkir. Skipulag-
ið þarna gengur ekki út frá því.“
Hún segir íbúa sambýlisins hafa
notað ferðaþjónustuna fram að
þessu en fyrir áramót hafi íbúarn-
ir haft fastan bílstjóra. Nú sé ekki
hægt að treysta á það. „Við hefðum
einnig þurft að fylgja þeim í bílana
og þá má kannski segja að það sé
eðlilegra að við keyrum þeim. Með
þessu fyrirkomulagi höfum við
einnig aðgang að bíl bæði kvöld og
helgar. Allir voru því sammála um
að þetta væri mjög góður kostur,“
segir Kristrún.
Stefán Eiríksson, sviðsstjóri vel-
ferðarsviðs Reykjavíkurborgar, seg-
ir fyrirkomulagið hugsað til að byrja
með sem lausn til bráðabirgða, á
meðan rekstraraðilar hinnar nýju
þjónustu séu að ná fullkomnum
tökum á henni. „Það eru einungis
örfáir einstaklingar sem þurfa á
sérstökum ráðstöfunum að halda af
þessum toga vegna fötlunar sinnar
og verið er að skoða hvar og hvern-
ig best er að vinna það í hverju og
einu tilviki af hálfu okkar fagfólks,“
segir Stefán í svari við fyrirspurn
DV. n aslaug@dv.is
Viðkvæmur hópur „Við erum með fólk
sem þarf sérhæfða þjónustu,“ segir Kristrún
Sigurjónsdóttir, forstöðukona Sambýlisins í
Jöklaseli. Mynd ReykjAVíkuRBoRG.
300 íbúðir á
Kirkjusandsreit
Undirritaður hefur verið samn-
ingur milli Íslandsbanka og
Reykjavíkurborgar um upp-
byggingu, skipulag og skiptingu
Kirkjusandsreits þar sem höf-
uðstöðvar bankans eru og
Borgar túns 41, betur þekkt sem
Strætólóð. Gert er ráð fyrir um
300 nýjum íbúðum á svæðinu en
um helmingur byggingarmagns
verður atvinnuhúsnæði, skrifstof-
ur og þjónusta.
Þetta kemur fram í fréttatil-
kynningu en á Kirkjusandsreit er
fyrirhuguð blönduð miðborgar-
byggð sem verður skipt upp í
nokkrar lóðir og er byggingar-
magn í heild áætlað um 75–85
þúsund fermetrar. Allar núver-
andi byggingar á reitnum, fyrir
utan aðalskrifstofuhúsnæði Ís-
landsbanka, munu víkja til að
rýma fyrir uppbyggingu.
Íslandsbanki hyggst sameina
höfuðstöðvastarfsemi sína á ein-
um stað á Kirkjusandi. Áætlað er
að framkvæmdir við viðbyggingu
hefjist í lok ársins og að þær taki
um tvö ár.