Dagblaðið Vísir - DV - 30.01.2015, Blaðsíða 10

Helgarblað 30. janúar–2. febrúar 201510 Fréttir
Hannes smárason og gleymskunnar dá
n Farið fram á allt að þriggja ára fangelsisdóm vegna 2,8 milljarða fjárdráttar n Stjórn FL Group var ókunnugt um millifærsluna n Verjandinn krefst sýknu
É
g man það ekki. Það er ekki
hægt að ætlast til þess að ég
muni vel það sem gerðist fyrir
10 árum. Ég kannast ekkert við
þessi viðskipti. Ég man ekkert
eftir þessari undirritun. Ég man það
ekki en hafi ég sagt það í skýrslutöku
hjá lögreglu hlýtur þetta að standa.
En jú, ætli ég verði ekki að kannast
við að þetta sé mín undirritun.“
Svör á þessa leið mátti heyra
daglangt í sal 101 í Héraðsdómi
Reykjavíkur síðastliðinn miðviku-
dag. Til aðalmeðferðar var mál
ákæruvaldsins gegn Hannesi Smára-
syni, fyrrverandi stjórnarformanni
og forstjóra FL Group. Honum er
gefið að sök að hafa dregið sér um
2,8 milljarða króna af reikningi FL
Group í apríl 2005 sem notaðir voru
til að taka þátt í kaupum Pálma Har-
aldssonar og Fons, eignarhaldsfélags
hans, á danska flugfélaginu Sterling.
Saksóknari telur hafið yfir skynsam-
legan vafa að Hannes sé sekur og fer
fram á tveggja til þriggja ára fangelsi.
Hannes neitar sök.
Þetta er mál sérstaks saksóknara
gegn „útrásarvíkingi“.
Duga gögnin til sakfellingar?
Hvaðan kom hugmyndin um að
kaupa Sterling flugfélagið? Frá KB
banka eins og flest annað, sagði
Pálmi Haraldsson pirraður í vitna-
stúku og vandaði bankanum ekki
kveðjurnar. Kvaðst hann enn í dag
glíma við þann banka. „Ég set spurn-
ingar við allt sem kom frá þeim
banka.“ Reyndar er Pálmi erlend-
is og svaraði spurningum Finns Vil-
hjálmssonar sækjanda í síma eins og
fleiri. Það hafa einmitt orðið örlög
margra útrásarvíkinga eftir hrunið
2008, að setjast að erlendis.
Athyglisvert er að Gunnar Sturlu-
son, sem annaðist fjárfestingar á
vegum Hannesar á þessum tíma, bar
KB banka einnig illa söguna í vitna-
stúku. „Það var ergjandi staðreynd
að skjalagerð í bankanum var ábóta-
vant.“
FL Group var ekkert smáfyrirtæki
árið 2005; rekstrar- og fjárfestingar-
félag sem átti og rak meðal annars
Icelandair og stundaði stórfelldar
fjárfestingar, hér á landi sem erlend-
is.
Í apríl 2005 var Hannes stjórn-
arformaður FL Group. Pálmi Har-
aldsson var aðaleigandi Fons. Pálmi
sagði fyrir réttinum að á þeim tíma
hefðu þeir Hannes lítið þekkst.
Hinn 25. apríl þetta ár voru nær
2,8 milljarðar króna millifærðir af
reikningi FL Group inn á sérstak-
an reikning KB banka í Lúxemborg.
Ljóst er að þetta var gert án vitund-
ar og samþykkis stjórnar FL Group.
Það átti eftir að draga dilk á eftir sér;
nokkrir sögðu sig úr stjórninni þegar
spurðist innan hópsins að upp-
hæðin hefði verið færð af reikningi
FL Group án vitundar hans og fjár-
hæðin væri auk þess tengd kaupum
Pálma Haraldssonar og Fons á helm-
ingshlut í danska flugfélaginu Sterl-
ing.
Kannast ekki við Fons-viðskipti
Þegar Guðjón Marteinsson dómari
spurði Hannes beint kvaðst Hannes
„ekkert kannast við þessi viðskipti“.
Finnur Vilhjálmsson sækjandi
bar fjölda skjala og tölvupóst undir
Hannes, sem ýmist hafði verið lagt
hald á í húsleit heima hjá honum eða
hjá KB banka í Lúxemborg á sínum
tíma. „Ég man það ekki.“
„Ég kannast ekki við það,“ svaraði
Hannes og bar við að gögnin og mál-
ið allt væri orðið tíu ára gamalt.
„Hver ákvað að þetta færi til
Fons?“ spurði Finnur en Hannes
kannaðist ekki við neitt. Finnur varp-
aði fjölda skjala upp á vegg, láns-
samningum, yfirliti reikninga, skrif-
legum umboðum og öðrum skjölum,
sem venjulega eru háð bankaleynd.
Þau virtust mörg hver sýna ferða-
lag 2,8 milljarðanna, ýmist í krón-
um, dollurum eða dönskum krónum
þegar kom að kaupunum á Sterling.
Hannes kvaðst á þessum tíma
hafa fengið 100 til 200 tölvuskeyti á
dag. Viðskiptin voru umfangsmikil;
verið var að kaupa viðbótarhlut í
EasyJet, 20 farþegaflugvélar og svo
framvegis.
„Nú er orðið áríðandi að leysa
servíettumálið,“ sagði í einum tölvu-
póstinum.
Ótækt fyrir bókhald FL Group
Meðal þeirra sem leiddir voru í
vitnastúku voru Einar Sigurðsson,
þáverandi framkvæmdastjóri hjá FL
Group og síðar forstjóri MS, Björn
Jónsson og Eggert Jónas Hilmarsson
hjá KB í Lúxemborg á þessum tíma,
Gunnar Sturluson og Sveinbjörn
Indriðason sem varð fjármálastjóri
hjá FL Group um þetta leyti.
Sveinbjörn kvaðst ekki hafa haft
aðgang að reikningnum í Lúxem-
borg sem 2,8 milljarðar höfðu verið
færðir inn á í upphafi og þekkti ekki
fyrirmælin um þann flutning. Hann
kannaðist ekki við nein eignatengsl
FL Group og Fons á þessum tíma
og vissi vart hvað Fons var. Hann
kvaðst hafa heyrt af þessum reikn-
ingi hjá Sigurði Helgasyni sem var
í þann mund að hverfa af forstjóra-
stóli Icelandair (FL Group) í árs-
byrjun 2005. Ragnhildur Geirsdóttir
tók við af honum og hafði meira um
Finnur Vilhjálmsson er sækjandi gegn
Hannesi Smárasyni í fjárdráttarmálinu.
Hann kallaði alla þáverandi stjórn FL Group
til vitnis í Héraðsdómi Reykjavíkur síðast­
liðinn miðvikudag. En auk þess forstjórana
Sigurð Helgason og Ragnhildi Geirsdóttur.
Stjórnarmenn báru að tengsl FL
Group við Fons hefðu aldrei verið rædd á
stjórnarfundum og ekki heldur millifærslan
umdeilda á vegum Hannesar. Millifærslan
hlaut að koma Ragnhildi, nýjum forstjóra,
við. Einn stjórnarmanna sagðist fyrst hafa
heyrt um þetta frá henni með óform­
legum hætti. Hreggviður Jónsson sagði í
vitnaleiðslum að þetta launungarmál hefði
ásamt öðru fyllt mælinn og leitt til þess að
hann hefði sagt sig úr stjórninni. Það gerði
einnig Inga Jóna Þórðardóttir. Inga Jóna
sagðist hafa fengið vitneskju um málið 30.
júní 2005 þegar Ragnhildur boðaði hana
á sinn fund og greindi henni frá óútskýrðu
millifærslunni.
Gylfi Ómar Héðinsson, Jón Þorsteinn
Jónsson, Pálmi Kristinsson og Árni Oddur
Þórðarson vissu heldur ekkert af millifærsl­
unni í fyrstu eða þar til Ragnhildur kom
upplýsingunum á framfæri við stjórnar­
mennina með óformlegum hætti í
júní 2005. Þaðan af síður vissu
stjórnarmenn eitthvað um
tengsl FL Group og Hannesar
við Fons.
Starfslok Ragnhildar
og há greiðsla vegna
þeirra urðu umfjöllunarefni
fjölmiðla og haldið fram að
hún hefði fengið greitt fyrir
að þegja um málefni FL Group,
ekki síst umræddan gjörning. Þessu
vísaði Ragnhildur á bug. Í kjölfar birtingar
rannsóknarskýrslu Alþingis árið 2010 sendi
Ragnhildur frá sér yfirlýsingu. Þar segir
meðal annars: „Það var þó ekki fyrr en ég
talaði beint við forstjóra Kaupþings banka
og greindi honum frá málavöxtum að pen­
ingarnir skiluðu sér loksins inn á reikning FL
Group ásamt vöxtum, fyrir lok júní.
Hvar voru svo peningarnir niður komnir?
Stjórnarformaður FL Group gaf aldrei
viðunandi skýringu á því, að mínu mati.
Hins vegar barst á þessum tíma útprentun
úr Excel­skjali frá Kaupþingi í Lúxemborg
þar sem fram komu upplýsingar sem mátti
skilja sem svo að peningarnir hefðu á
einhverjum tímapunkti, í einhverj­
um tilgangi, verið millifærðir á
Fons. Staðfestingu á því hef
ég hins vegar aldrei fengið,
hvorki hjá stjórnarformann­
inum, bankanum né öðrum
aðilum.
Þar sem ég taldi mig
ekki hafa fengið fullnægjandi
skýringar á millifærslumálinu
ákvað ég að ræða það við hvern og
einn stjórnarmann FL Group, án vitneskju
stjórnarformannsins.“
Gísli Hall, verjandi Hannesar, þjarmaði
að Ragnhildi í vitnastúku og spurði hvort
hún hefði fengið 180 milljónir króna í
starfslokasamning. Hvort henni þætti rétt
og siðlegt að gera samning við mann sem
hún treysti ekki. Hvort henni þætti rétt að
vega að æru annarra þegar vegið væri að
æru hennar.
Ragnhildur kvaðst ekki muna hver
upphæðin hefði verið; þar hefðu hlutabréf
hennar í FL Group einnig komið við sögu.
Jóhann Hauksson
johannh@dv.is
Stjórn FL Group vissi ekkert„Ég þurfti að hafa
bókhaldið í lagi
„Hver ákvað
að þetta
færi til Fons?