Dagblaðið Vísir - DV - 30.01.2015, Blaðsíða 12

Helgarblað 30. janúar–2. febrúar 201512 Fréttir
M
ér finnst mjög mikilvægt
að það fari fram úttekt.
Mér finnst annað ekki
hægt. Ekkert endilega til
þess að finna einhverja
sökudólga heldur til þess að læra
af reynslunni. Þetta má ekki endur­
taka sig,“ segir Heiða Björg Hilmis­
dóttir, fulltrúi Samfylkingarinnar
í velferðarráði Reykjavíkurborgar,
um innleiðingu Strætó bs. að ferða­
þjónustu fatlaðs fólks. Í ræðu sinni
í borgarstjórn á þriðjudag í síðustu
viku áréttaði hún nauðsyn þess að
óháð úttekt færi fram og sagði að
sennilega væri best að hún færi
fram á vegum Samtaka sveitarfé­
laga á höfuðborgarsvæðinu þar sem
um samstarfsverkefni væri að ræða.
Á fundi velferðarráðs síðastliðinn
fimmtudag var farið yfir stöðu mála
en þá rann út tveggja vikna frestur
sem velferðarráð hafði gefið Strætó
til að skila áætlun um hvernig ráðin
yrði bót á þjónustunni.
Aðgerðaáætlun Strætó
Fulltrúar Strætó bs. lögðu fram að­
gerðaáætlun vegna akstursþjónustu
fatlaðs fólks á fundi velferðarráðs í
síðustu viku. Aðgerðaáætlunin sam­
anstendur af fimm framkvæmdum:
Í fyrsta lagi verður farið yfir skrán­
ingar með tengiliðum þjónustumið­
stöðva og tengiliðum sveitarfélaga,
til að tryggja réttar skráningar um
notendur. Eins og fram kom í frétta­
tilkynningu frá Strætó 15. janúar síð­
astliðnum leiddu rangar skráningar,
sem sveitarfélögin bera ábyrgð á, til
þess að notendur fengu ekki þá þjón­
ustu sem þeir eiga rétt á. Í öðru lagi
er unnið að því að greina þau tilvik
þar sem farþegi mætir ekki í pant­
aða ferð og lætur ekki vita að hann
ætli ekki að nýta ferðina. Í þriðja lagi
stendur yfir fjölgun á bílum sem til­
heyra akstursþjónustunni en líkt og
DV fjallaði um um síðustu helgi mun
fara fram örútboð á tilfallandi akstri
í febrúar. Í fjórða lagi er unnið að því
að greina hvers vegna bílarnir koma
of seint að sækja farþega. Þar verð­
ur sérstaklega skoðað hvort tölvu­
kerfið geti leitt til þessa, til að mynda
með rangri röðun á bíla, hvort sömu
notendur eða bílstjórar séu ítrekað
að lenda í þessu og hvort skráning í
kerfið sé að misfarast. Í fimmta lagi
er unnið að því að fjölga starfsfólki í
símaveri.
Eins og sjá má er aðgerðaáætl­
unin ekki róttæk og felur fyrst og
fremst í sér athuganir – ekki aðgerð­
ir. Samkvæmt heimildum DV stóðu
vonir til þess að viðbrögð Strætó
yrðu meira afgerandi. Á fundi vel­
ferðarráðs var tillaga að breytingu
á reglum um ferðaþjónustu fatlaðs
fólks en afgreiðslu hennar frestað
fram að næsta fundi.
Ástandið orðið betra
Elín Oddný Sigurðardóttir, varafor­
maður velferðarráðs Reykjavíkur­
borgar, segir mjög mikilvægt að
þjónustan sé í lagi og samræmi við
þá samninga sem gerðir voru við
Strætó. „Við erum að taka til greina
allar ábendingar sem komið hafa
frá hagsmunasamtökum, notend­
um og umboðsmanni borgarbúa
og eftir fundinn við Strætó sjáum
við, á þeim gögnum sem þar voru
lögð fram, að ástandið er orðið
mun betra,“ segir Elín Oddný.
Aðspurð hvort aðgerðaáætlun
Strætó sé að hennar mati full­
nægjandi segi Elín Oddný: „Já.
Þau hafa sett sér tímasett mark­
mið varðandi símasvörun, búin að
bæta við starfsfólki og fleiri bílum
til að sinna akstursþjónustu. Þetta
virðast allt raunhæf markmið. Við
munum að sjálfsögðu fylgjast áfram
náið með þessu og fáum vikulega
töluleg gögn um biðtíma notenda
og hversu margar ferðir eru innan
þessara tíu mínútna vikmarka sem
sett eru í þeim samningum sem við
gerðum. Við munum fylgjast með
því þar til það er komið í viðeigandi
horf.“
Þeir viðmælendur sem DV hef­
ur rætt við undanfarnar vikur,
bílstjórar og aðrir hagsmunaaðilar
tengdir ferðaþjónustunni, benda
flestir á nýtt tölvukerfi sem rót
vandans. Samkvæmt heimildum
DV hefur það ekki komið til tals hjá
velferðarráði Reykjavíkurborgar
að fara fram á að skipt verði um
tölvukerfi. „Við gerðum engar kröf­
ur um hvaða kerfi væri notað, það
er sá sem framkvæmir þjónustuna
sem velur það. Strætó þarf því að
svara fyrir þann hugbúnað og þær
lausnir sem notast er við,“ segir Elín
Oddný. n
Nauðsynlegt að
gera óháða úttekt
n Strætó skilar aðgerðaáætlun varðandi ferðaþjónustu fatlaðs fólks
Vill óháða úttekt Heiða Björg Hilmisdótt-
ir, fulltrúi Samfylkingarinnar í velferðarráði
Reykjavíkurborgar, segir mikilvægt að fram
fari óháð úttekt á vinnubrögðum Strætó.
Ástandið mun betra Elín Oddný
Sigurðardóttir, varaformaður velferðarráðs
Reykjavíkurborgar, segir aðgerðaáætlun
Strætó raunhæfa. Mynd Helgi HAlldórSSon
Áslaug Karen Jóhannsdóttir
aslaug@dv.is
Fimm þrepa
aðgerðaáætlun
Frestur Strætó til að
skila áætlun um hvernig
ráðin verði bót á ferða-
þjónustu fatlaðs fólks
rann út í síðustu viku.
Sparkaði í
lögregluþjón
Héraðsdómur Reykjavíkur hefur
dæmt tæplega sextuga konu
í átta mánaða fangelsi, þar af
fimm skilorðsbundna, fyrir brot
gegn valdstjórninni.
Konan var ákærð fyrir að
hafa aðfaranótt 15. september
2013, fyrir utan skemmtistað í
Bankastræti, sparkað í fót lög­
reglumanns og reynt að slá
hann í andlit. Konan neitaði sök
og kvaðst ekki hafa veist að lög­
reglumanninum. Þvert á móti
hefði lögreglumaðurinn ýtt við
henni og hún fallið aftur fyrir
sig.
Vitni að atvikinu sögðu þó
aðra sögu; að hún hefði reynt
að hindra störf lögreglu umrætt
sinn. Konan á að baki sakafer­
il frá árinu 2000. Með broti
sínu rauf hún skilorð fimm
mánaða fangelsisdóms, sem
var skilorðs bundinn til tveggja
ára, en hann féll í Hæstarétti
2013. Þótti héraðsdómi hæfileg
refsing átta mánaða fangelsis­
dómur. Auk þess var henni gert
að greiða málsvarnarlaun verj­
anda síns, 451 þúsund krónur.
Grátlega nærri
200 milljónum
Íslendingur þurfti að treysta á
að enska úrvalsdeildarfélagið
Liverpool myndi vinna Bolton,
sem leikur í deild fyrir neðan, í
ensku bikarkeppninni á laugar­
dag til að vinna 205 milljónir
króna.
Á enska getraunaseðlinum
eru þrettán leikir og áður en
leikur Liverpool og Bolton hófst
var tipparinn með alla tólf leik­
ina rétta. Því miður þá endaði
leikurinn, nokkuð óvænt, 0–0
og verður íslenski tipparinn
að gera sér að góðu að fá 4,3
milljónir króna í vinning. Hefði
Liverpool unnið Bolton hefði
hann hins vegar unnið 205
milljónir sem fyrr segir.
Í tilkynningu frá Íslenskum
getraunum kemur fram að
maðurinn hafi keypt sjálfvals­
seðil upp á 60 raðir sem kost­
aði 1.020 krónur. Hann hefur
þegar sótt vinning sinn og tjáði
hann starfsfólki Íslenskra get­
rauna að hann væri ekki mikill
sérfræðingur í knattspyrnu og
hefði ekki haft hugmynd um
að vinningur væri á miðanum
þegar hann lét renna honum í
gegnum sölukassann. Því síður
vissi maðurinn að það ylti á úr­
slitum Liverpool og Bolton að
hann yrði einn með þrettán leiki
rétta. Þess má geta að áætluð
vinningsupphæð fyrir 13 rétta
á enska getraunaseðlinum um
helgina er 320 milljónir króna.
Höfnuðu öllum tilboðum í Hótel Sögu
B
ændasamtök Íslands hafa
ákveðið að ganga ekki til við­
ræðna um sölu á fasteign og
rekstri Hótel Sögu á grund­
velli fjögurra kauptilboða sem bárust
í hótelið en það var fyrirtækjaráðgjöf
MP banka sem hafði annast söluferlið
frá því í nóvember í fyrra.
Þetta kemur fram í tilkynningu
frá Bændasamtökunum. Er það mat
samtakanna að það sé hagstæðara að
„halda áfram góðum rekstri hótels­
ins fremur en að ganga að fyrirliggj­
andi tilboðum.“ Frá því var greint í
DV á mánudaginn að fjórir fjárfesta­
hópar hefðu skilað inn skuldbindandi
kauptilboðum í hótelið í lok þar síð­
ustu viku.
Þeir sem lögðu fram tilboð í Hótel
Sögu voru hópur fagfjárfesta sem
verðbréfafyrirtækið Arctica Finance
setti saman, fjárfestar tengdir Kea­
hótelum, sjóðsstýringarfyrirtæk­
ið Stefnir, sem er dótturfélag Arion
banka, og jafnframt fagfjárfestar sem
Straumur fjárfestingabanki stóð að
baki.
Samkvæmt upplýsingum DV hefði
heildarkaupverð, miðað við þau til­
boð sem bárust í fasteign og rekstur
hótelsins, verið í kringum fjóra millj­
arða króna. Skiptar skoðanir voru
hins vegar á meðal fjárfestahópanna
um hversu miklum fjárhæðum hefði
þurft að verja til endurbóta á hótelinu.
Á meðan sumir höfðu uppi áform um
að ráðast í slíkar fjárfestingar fyrir um
500 milljónir króna töldu aðrir fjár­
festar að þörf væri á mun umfangs­
meiri endurbótum – hugsanlega fyrir
um 1,5 milljarða króna.
Í fréttatilkynningu er haft eftir
Sindra Sigurgeirssyni, formanni
Bændasamtaka Íslands, að samtök­
in séu ánægð með þann áhuga sem
kom fram í þessu söluferli. „Því mið­
ur bárust okkur ekki nægilega hag­
stæð tilboð til að skynsamlegt sé að
selja eignina á þessum tímapunkti.
Okkar markmið er að ávaxta eignir
samtakanna með sem bestum hætti.
Þegar við lögðum mat á fyrirliggjandi
tilboð komumst við að þeirri niður­
stöðu að á þessum tímapunkti þjón­
aði áframhaldandi rekstur hótelsins
betur því markmiði. Það hefur verið
mikil gróska í ferðaþjónustu á Íslandi
undanfarin misseri. Næstu skref hjá
okkur eru að hefja vinnu við endur­
bætur á hótelinu til að tryggja að Hót­
el Saga hafi áfram þann virðulega sess
sem það hefur ávallt haft í hugum Ís­
lendinga.“ n hordur@dv.is
Bændasamtökin töldu tilboðin ekki nægilega hagstæð
Formaður Bændasamtakanna
Sindri Sigurgeirsson segir að ekki hafi borist
nægilega hagstæð tilboð í hótelið.