Dagblaðið Vísir - DV - 30.01.2015, Blaðsíða 11

Helgarblað 30. janúar–2. febrúar 2015 Fréttir 11
fjármálagerninga Hannesar að segja
þegar leið fram á sumarið 2005.
Í vitnastúku var á Sveinbirni að
heyra að „hvarfið“ á milljörðunum
2,8 seint í apríl þetta ár hafi kom-
ið illa við bókhaldið. „Ég þurfti að
hafa bókhaldið í lagi,“ sagði hann
og kvaðst hafa leitað skýringa, með-
al annars hjá Hannesi. Reyndi einnig
að fara „bakdyraleiðir“ til að fá upp-
lýsingar.
Sveinbjörn setti sig síðar í sam-
band við Björn og Eggert hjá KB í
Lúxemborg til að fá skýringar, en
svo virðist sem einkum Björn hafi
haft með málið að gera innan bank-
ans. Sveinbjörn reyndi með öðrum
orðum að fá fullnægjandi upplýs-
ingar um „hvarfið“ á 2,8 milljörð-
um af reikningi FL Group, enda
hefði endurskoðandi annars gert
athugasemdir vegna málsins í árs-
hlutauppgjöri félagsins.
Fram kom í réttinum að Hann-
es hefði reynt að fullvissa starfs-
menn FL Group um að upphæðin
væri tiltæk. Um síðir, eða um tveim-
ur mánuðum síðar, kom upphæðin
aftur inn á reikninga FL Group. Það
var þó á fárra vitorði þá að upphæðin
kom frá Fons og Pálma Haraldssyni
sem hafði fengið upphæðina að láni
hjá KB í Lúxemborg.
Pálmi í vitnastúku
Kom FL Group eitthvað nálægt við-
skiptum Fons og Pálma Haraldsson-
ar varðandi kaupin á 50 prósenta
hlut í Sterling?
Nei, sagði Pálmi fyrir réttinum
hafandi áður viðurkennt þá skyldu
sína fyrir dómara að segja satt og rétt
frá.
Mundi Pálmi eftir lánssamn-
ingi við Kaupþing í Lúxemborg sem
tengdist umræddu máli?
Nei. Pálmi mundi í réttinum
hvorki eftir slíkum samningi né
ábyrgð Jóns Ásgeirs Jóhannesson-
ar og Hannesar Smárasonar á slíku
láni. Hann kvaðst aldrei hafa rætt
neitt slíkt við KB banka í Lúxemborg
eða við Hannes.
Hannes kannaðist fyrir réttinum
heldur ekkert við nein viðskipti við
Fons í þessum efnum, engar greiðsl-
ur í þágu Fons („transferred in favo-
ur of Fons“).
Samt voru peningarnir fluttir í
gegnum KB í Lúxemborg til Fons og
nú sem 262 milljónir danskra króna.
Eða það segja skjölin sem tala
sínu máli þótt minni manna sé
brigðult. Og Sigurður Valgeir Guð-
jónsson, lögfræðingur hjá KB í Lúx-
emborg á þessum tíma, kannað-
ist vel við skjalagerð í tengslum við
málið þótt aldrei hafi hann verið í
beinu sambandi við Hannes. Enda
tók Sigurður að sögn við upplýsing-
um og fyrirmælum frá Birni Jónssyni
og Magnúsi Guðmundssyni, fyrrver-
andi bankastjóra KB banka í Lúxem-
borg. n
Hannes smárason og gleymskunnar dá
n Farið fram á allt að þriggja ára fangelsisdóm vegna 2,8 milljarða fjárdráttar n Stjórn FL Group var ókunnugt um millifærsluna n Verjandinn krefst sýknu
Athafnamaðurinn Hannes Smárason var
ekkert peð í útrásinni fram að hruninu.
Snemma árs 2007 stofnaði hann Geysir
Green Energy ásamt öðrum. Tilgangurinn
var að hasla sér völl á sviði orkunýtingar
og orkuverkefna hér á landi en ekki síður í
jarðhitaverkefnum erlendis.
Í júní 2013 var Geysir Green Energy
lýst gjaldþrota. Það var þá löngu komið
í hendur Íslandsbanka eftir tugmilljarða
tap félagsins um og eftir hrun. Skiptum
félagsins lauk í desember síðastliðnum.
Lýst var 28,5 milljarða króna kröfum í
félagið.
Engar eignir fundust í þrotabúinu upp
í kröfurnar!
Hraðar hendur
Skömmu fyrir þingkosningarnar 2007
ákvað ríkisstjórn Sjálfstæðisflokksins og
Framsóknarflokksins að selja 15 prósenta
hlut ríkisins í Hitaveitu Suðurnesja.
Sölunni stýrði framkvæmdanefnd
um einkavæðingu. Nefndina skipuðu
þeir Baldur Guðlaugsson, þáverandi
ráðuneytisstjóri í fjármálaráðuneytinu,
Illugi Gunnarsson, síðar þingmaður
Sjálfstæðisflokksins, Kristinn Hallgríms-
son, hæstaréttarlögmaður og fulltrúi
Framsóknarflokksins, og Sævar Þór
Sigurgeirsson endurskoðandi.
Þann 30. apríl 2007, aðeins 12 dögum
fyrir þingkosningarnar, ákvað Árni M.
Mathiesen, þáverandi fjármálaráðherra,
að taka tilboði Geysir Green Energy
í hlutinn. Söluverðið var liðlega 7,6
milljarðar eða um 12 milljarðar króna á
verðlagi dagsins í dag. Tilboð Hannesar
Smárasonar, aðaleiganda Geysir Green
Energy, reyndist 60 prósentum hærra en
næsthæsta tilboðið og tvöfalt til þrefalt
hærra en verðmat Capacent á þeim tíma.
Kapphlaup útrásarvíkinga og
athafnamanna um hlut ríkisins í Hitaveitu
Suðurnesja skömmu fyrir þingkosningarn-
ar 2007 markaði upphafið að nýju og
uppsprengdu verðmati orkufyrirtækjanna
í landinu. Menn ætluðu sér að nýta vel þau
tækifæri sem skapast höfðu með yfirlýstri
stefnu stjórnarflokkanna um einkavæð-
ingu eða samstarf við einkafyrirtæki.
Snemma árs 2007 átti Sjálfstæðis-
flokkurinn frumkvæði að því að hafnar
yrðu viðræður við Landsbankann um
stofnun útrásarfyrirtækja á vegum
Orkuveitu Reykjavíkur og Landsvirkjunar.
Þann 17. febrúar, liðlega tveimur mánuð-
um áður en Árni Mathiesen, þáverandi
fjármálaráðherra, gekk frá framangreindri
sölu á hlut ríkisins í Hitaveitu Suðurnesja,
stofnaði Landsvirkjun útrásarfyrirtækið
HydroKraft Invest í samstarfi við Lands-
bankann.
Aðeins 40 dögum síðar, 27. mars 2007,
samþykkti stjórn Orkuveitu Reykjavíkur
að stofna hlutafélag um útrásarstarf-
semi, Reykjavik Energy Invest (REI). Flutn-
ingsmaður tillögunnar var Guðlaugur Þór
Þórðarson, þáverandi stjórnarformaður
OR og núverandi þingmaður Sjálfstæðis-
flokksins.
Einkavæðingin á dagskrá
Stofnun Orkuveitu Reykjavíkur á REI í
samvinnu við Geysir Green Energy og
Hannes Smárason var í góðu samræmi
við þær áherslur sem finna mátti í
stjórnarsáttmála Sjálfstæðisflokksins
og Framsóknarflokksins. Orðalagið
í sáttmálanum, sem að þessu sneri,
byggði á landsfundarályktun Sjálfstæð-
isflokksins um auðlindanýtingu en þar
sagði: „Tímabært er að leysa úr læðingi
krafta einkaframtaksins svo að íslensk
sérþekking og hugvit fái notið sín til fulls í
þeirri útrás.“
Geir H. Haarde, þáverandi formaður Sjálf-
stæðisflokksins og forsætisráðherra, lýsti
því einnig á landsfundi í apríl þetta ár,
fáeinum vikum eftir stofnun REI að stefna
bæri að einkavæðingu Landsvirkjunar og
orkufyrirtækja.
Eins og áður segir fundust engar
eignir upp í nærri 30 milljarða kröfur í
Geyrir Green Energy. Félagið átti HS Orku
nánast með húð og hári fyrir hrunið 2008.
Það tapaði stórfellt í kjölfar hrunsins og
neyddist til að selja kanadíska félaginu
Magma Energy fyrir liðlega 30 milljarða
króna.
Til samanburðar
Vitni, sem kölluð voru í Héraðsdóm
Reykjavíkur í vikunni í fjárdráttar- og um-
boðssvikamáli gegn Hannesi Smárasyni,
voru sammála um að 2,8 milljarðar króna
af reikningi FL Group væru miklir peningar
sem um hefði munað árið 2005. Upphæð-
in jafngildir 5,1 milljarði króna í dag.
2,8 milljarðar eru þó aðeins tíundi hluti
af gjaldþroti Geysir Green Energy.
Hannes og einkavæðingin
n 29 milljarða gjaldþrot Geysir Green Energy n Engar eignir
Sterling Pálmi Haraldsson og félag
hans Fons keypti helmingshlut í danska
flugfélaginu Sterling fyrir 4 milljarða króna.
2,8 milljarðar virðast hafa komið eftir
krókaleiðum frá FL Group fyrir meðalgöngu
Hannesar og án vitneskju stjórnar FL Group.
Þegar allt lék í lyndi Árið 2007 var
FL Group og Hannes að hasla sér völl í
orkugeiranum.
Krókaleiðir 2,8 milljarðar frá FL Group til KB í Lúxemborg og þaðan til Fons í dönskum
krónum til kaupa á helmingshlut í Sterling.
„Það var
ergjandi
staðreynd að
skjalagerð í
bankanum var
ábótavant
Fyrir rétti – ekki í
fyrsta skipti Hannes
Smárason kannast
ekki við nein viðskipti
við Fons eða flutning á
2,8 milljörðum króna af
reikningi FL Group árið
2005 sem enduðu hjá
Fons. Mynd SiGTryGGur Ari