Bændablaðið - 03.04.2014, Blaðsíða 1

7. tölublað 2014 Fimmtudagur 3. apríl Blað nr. 416 20. árg. Upplag 31.000
Jón Þorsteinsson hjá Sláturfélagi Suðurlands var á laugardaginn krýndur kjötmeistari Íslands árið 2014 í fagkeppni Meistarafélags kjötiðnaðarmanna sem fram fór í síðustu viku. Jón fékk fjölda
verðlauna fyrir vörur sínar. Þar stóð þar upp úr vara sem þótti einstök og hann kallar Salami Camemberti. Þetta þótti líka vera besta nýja varan, athyglisverðasta nýjungin og besta varan sem
framleidd er úr hrossa- eða folaldakjöti. Salami Camemberti er skemmtilega frágengin í öskju sem sjá má fremst á bakkanum á myndinni. – Sjá umfjöllun um keppnina á bls 23–24. Mynd / HKr.
Allt of mörg sláturhús í landinu
– sagði Ágúst Andrésson, formaður Landssamtaka sláturleyfishafa, á Fagþingi kúabænda
Stórgripasláturhús eru allt of
mörg á landinu, en nautgripum
er slátrað í níu sláturhúsum í dag.
Nægjanlegt væri að þau væru
tvö til þrjú en auk þessu gætu
minni sláturhús verið starfandi.
Hægt væri að anna miklu meiri
slátrun og úrvinnslu án nokkurra
breytinga á þeirri aðstöðu sem
fyrir er í ýmsum sláturhúsum.
Þetta kom fram í máli
Ágústs Andréssonar, formanns
Landssamtaka sláturleyfishafa og
forstöðumanns Kjötafurðastöðvar
KS, á Fagþingi nautgriparæktarinnar
sem haldið var í tengslum við
aðalfund Landssamtaka kúabænda
27. mars síðastliðinn. Slátrun á
stórgripum er mjög óhagkvæm
hér á landi sökum þess hversu
mörg sláturhúsin eru. Fyrirmyndin
að fækkun þeirra er til, enda voru
hér á landi 27 sauðfjársláturhús
fyrir aldarfjórðungi. Í dag eru þau
átta talsins og hafa öll náð upp
tiltölulega góðri tækni og úrvinnslu
á hliðarafurðum. Það hefur skapað
grundvöll til þess að hægt sé að
hækka verð til sauðfjárbænda. Þetta
þarf að gerast í nautakjötinu líka,
sagði Ágúst.
Þurfum að fullnýta afurðir
Í máli Ágústs kom fram að
Íslendingar ættu mikið inni í nýtingu
á svokölluðum hliðarafurðum.
Meðal slíkra afurða eru lappir,
hausar, eyru, halar, sinar, brjósk og
innmatur. Vegna þess hversu lítill
hluti slátrunar fer fram í hverju
sláturhúsi er einfaldlega of dýrt að
fjárfesta í öllum þeim búnaði sem
til þarf svo hægt sé að fullnýta allar
hliðarafurðir. Í krafti stærðar væri
hægt að nýta þessar afurðir að fullu.
Alls gaf slátrun nautgripa af
sér 4.020 tonn af kjöti á síðasta
ári, í níu sláturhúsum. Á sama
tíma var innflutningur 266 tonn af
beinlausu kjöti en innflutningur er
nú án tollkvóta. Talsverður skortur
hefur verið á innlendu nautakjöti
undanfarin ár en eftirspurn hefur
aukist verulega.
Ætti að horfa út fyrir
landsteinana
Þó að talsvert sé í land að hægt sé
að uppfylla þarfir heimamarkaðarins
hér á landi telur að Ágúst að tækifæri
séu í að horfa út fyrir landsteinana
varðandi nautakjötsframleiðslu.
Aukin eftirspurn er eftir nautakjöti
á heimsmarkaði og ekki síst eftir
hliðarafurðum. Á sama tíma hefur
framboð farið minnkandi og því
er augljóslega pláss fyrir íslenskt
nautakjöt á heimsmarkaði. Mikilvægt
er að klára fríverslunarsamninga
við lönd eins og Rússland og
Bandaríkin og nýta tækifæri sem
slíkir samningar hafa í för með sér,
til dæmis við Kína.
Ágúst lagði á það áherslu að
Íslendingar yrðu að auka framleiðslu
sína verulega og hagræða. Það yrði
að gera með kynbótum, með bættri
fóðrun og fullnýtingu afurða. Ef það
tækist væri hægt að anna eftirspurn
á innanlandsmarkaði, hefja sókn út
fyrir landsteinana og greiða bændum
hærra verð. /fr
Lykilatriði að
bændur og
ráðunautar
séu samstíga
28-2920-21
Miklu meira
en samkoma
gallharðra hestaáhugamanna
32
Prjónavélarnar
hjá Víkurprjóni
keyrðar 12 tíma á dag
Ágúst Andrésson. Mynd / HKr.
Fjölmenni var á Fagþingi kúabænda
sem haldið var á Hótel Sögu í síðustu
viku. Mynd / HKr.
Íslandspóstur vill fá að
hækka gjaldskrá á bréfapósti
og fækka útburðardögum í
sveitum úr fimm í tvo til þrjá.
Ef það verður ekki gert mun
fyrirtækið áfram verða rekið
með tapi, en halli á rekstri
þess á síðasta ári nam 119
milljónum króna. Þetta kemur
fram í viðtali við Ingimund
Sigurpálsson, forstjóra
Íslandspósts, hér í blaðinu.
Ingimundur segir jafnframt
að gera megi ráð fyrir því að
póstafgreiðslum á landsbyggðinni
haldi áfram að fækka, en boðað
hefur verið að tveimur pósthúsum
á Vestfjörðum verði lokað á þessu
ári. /fr
– Sjá viðtal á bls. 26-27.
Íslandspóstur vill
draga úr dreifingu
Ingimundur Sigurpálsson. Mynd / fr