Bændablaðið - 03.04.2014, Blaðsíða 22

22 Bændablaðið | Fimmtudagur 3. apríl 2014
Fagkeppni Meistarafélags
kjötiðnaðarmanna (MFK) 2014
fór fram í síðustu viku og voru
úrslitin kynnt í hófi á Hilton Hótel
síðastliðinn laugardag. Þar var
jafnframt krýndur Kjötmeistari
Íslands. Þann titil hlaut Jón
Þorsteinsson kjötiðnaðarmeistari
hjá Sláturfélagi Suðurlands.
Fékk hann þann titil fyrir að vera
stigahæstur þeirra sem gerðu
fimm stigahæstu afurðirnar. Fékk
hann að launum eignarbikar
og farandbikar auk 50 þúsund
króna styrks frá fyrirtækinu
Samhentum til námskeiðahalds.
Jón vann til margra verðlauna
fyrir sína rétti en þar bar þó hæst
afurð sem hann kallar Salami
Camemberti. Þykir þar um einstaka
vöru að ræða og sögðust félagar
hans í faginu styðja hann eins og
mögulegt væri til að koma þessari
vöru í framleiðslu og sölu. Haft var
á orði að slíka vöru hefðu menn
hvergi hafa séð, hvorki hér heima
né erlendis, og ljóst væri að þarna
hefði Jón hitt á vöruhönnun sem
hefði alla möguleika á að slá í
gegn og hentaði t.d. afar vel sem
söluvara fyrir ferðamenn. Annars
féllu verðlaunin þannig:
Jón Þorsteinsson frá Sláturfélagi
Suðurlands átti Salami Camemberti
sem var besta nýja varan. Þessi
vara fékk einnig verðlaun sem
athyglisverðasta nýjungin. Jón
hlaut líka verðlaun með sömu afurð
fyrir bestu vöruna sem unnin var
úr hrossa eða folaldakjöti. Hann
átti bestu vöruna sem unnin var úr
svínakjöti sem var grísa rawette. Þar
sem Jón hlaut flest stig samanlagt
úr fimm stigahæstu vörunum sínum
hlaut hann einnig sæmdarheitið
Kjötmeistari Íslands.
Jóhann G. Guðmundsson hjá
Ferskum kjötvörum hlaut þrenn
bestu verðlaun fyrir kálfa- og
kálfalifrarpaté með sólberjahlaupi.
Bergþór Pálsson hjá SHA átti
bestu vöruna í flokki reykts eða
grafins lax eða silungs.
Stefán Einar Jónsson frá
Norðlenska matborðinu hlaut
bestu verðlaun fyrir léttreyktan
lambahrygg, en hann var ekki
viðstaddur verðlaunaafhendinguna.
Steinar Þórarinsson hjá
Sláturfélagi Suðurlands hlaut
verðlaun fyrir bestu vöruna sem
unnin var úr alifuglakjöti, en það var
lifrarkæfa með jarðarberjahlaupi.
Þá afhenti Meistarafélag
kjötiðnaðarmanna, Svínaræktar-
félagi Íslands, Félagi kjúklinga-
bænda, Landssambandi kúabænda,
Landssambandi sauðfjárbænda,
Félagi hrossabænda, Samhentum
kassagerð ehf., Efnir ehf.,
Íslensk-ameríska, Ölgerðinni,
Multivac, Kötlu ehf., Íslensk-
Ameríska og Sjávarútvegs –
og landbúnaðarráðuneytinu
viðurkenningu fyrir veittan
stuðning við fagkeppnina.
Mikil þátttaka
Alls voru sendar inn 135 vörur í
keppnina frá um 14 fyrirtækjum.
Sex kjötiðnaðarmenn skipuðu
dómnefnd. Þar var Ólafur Júlíusson,
yfirdómari, en með honum voru
Ólafur Bjarki Hauksson, Kristján
G. Kristjánsson, Örlygur, Eðvald
Sveinn Valgarðsson, Thorvald
Imsland og Magnús Friðbergsson.
Dæmdu þeir vörurnar út frá
64 þáttum varðandi ytra útlit
vöru, innra útlit, lykt og bragð,
samsetningu og verkun. Fór
matið fram í Menntaskólanum
í Kópavogi þar sem Hótel- og
Matvælaskólinn er einnig til húsa
og tók það dómara tvo daga að
klára matið. Allar vörurnar fengu
100 stig í meðgjöf þegar þeim var
skilað inn og gekk matið síðan út á
að finna alla mögulega ágalla sem
komu til frádráttar stigunum 100.
Gullverðlaun fengu svo vörur sem
náðu allt að 50 stigum í heildarmati.
Síðan kom silfur þar fyrir neðan og
þá brons.
Einn af
dómurunum,
Magnús Frið-
bergsson, sem
jafnframt er
stjórnarmað-
ur í MFK,
sagði að mjög
vandlega væri
farið yfir matið
á vörunum og
þar réði engin
tilviljun ferðinni. Allir dómararnir
væru kjötiðnaðarmeistarar og flestir
búnir að vinna í faginu í 20 ára eða
meira. Sagði hann að fagkeppnin
færi fram á tveggja ára fresti og legðu
fyrirtæki og kjötiðnaðarmeistarar
mikinn metnað í að ná sem lengst
í keppninni. Þar keppast menn líka
við að koma með nýjungar í gerð
matvæla sem veldur því að stöðug
gerjun er í þessu fagi.
Kjötiðnaðarmenn komi að
verkefninu Matvælalandið
Ísland
Sigurður Ingi Jóhannsson sjávar-
útvegs- og landbúnaðarráðherra var
viðstaddur verðlaunaafhendinguna
og sagði þar m.a. að verið væri
að koma á laggirnar vinnu við
að koma Íslandi á kortið sem
matarlandi. Vitnaði hann í áætlun
sem landbúnaðarráðherra Svía
hefði hrint af stað fyrir mörgum
árum og fælist í að gera Svíþjóð
að þekktu matarlandi, „Sverige
– det nya matlandet“, fyrir árið
2020. Í upphafi hefðu Svíar sjálfir
hlegið að þessari hugmynd, en
Anne Marie Hovstadius sagði á
ráðstefnunni Matvælalandið Ísland,
sem haldin var á Hótel Sögu í fyrri
viku, að nú væru menn hættir að
hlæja að þessari hugmynd. Hvatti
ráðherrann kjötiðnaðarmeistara
að koma að þessu verkefni á
Íslandi. Benti hann á að því hafi
verið slegið fram að hingað væru
að koma árlega 60 þúsund tonn
af ferðamönnum. Til að þessi 60
þúsund tonn rýrnuðu ekki á dvöl
sinni á Íslandi þyrfti að viðhalda
þyngd þeirra með því að gefa þeim
að borða. Sagði hann að verið væri
að móta verkefnið sem fælist í að
draga alla þá aðila að borðinu sem
Ólafur Júlíusson kjötiðnaðarmeistari kynnir fyrir Sigurði Inga Jóhannssyni sjávarútvegs- og landbúnaðarráherra
Myndir /HKr.
Jón Þorsteinsson krýndur kjötmeistari
Íslands árið 2014
– Sló í gegn með nýjunginni Salami Camemberti
-
son