Bændablaðið - 03.04.2014, Blaðsíða 33

33Bændablaðið | Fimmtudagur 3. apríl 2014
þess að ákveðið var að setja á fót
saumastofu í Ásbrú í Reykjanesbæ
var að hér í Vík var ekki mögulegt
að fá mikið fleira starfsfólk í
framleiðsluna. Hér er einfaldlega fátt
fólk og mikil samkeppni um það.
Þá rákum við okkur á viðvarandi
vandamál, að ef fólk vildi koma
til að vinna hér var ekki nokkurt
húsnæði að fá,“ bæti Örn við. Til að
ráða bót á þessu hafa nokkur af stærri
fyrirtækjum samfélagsins á staðnum
tekið sig saman um að láta byggja tvö
raðhús hér í Vík með alls tíu íbúðum.
Fyrirtækin sem standa að þessu auk
Icewear eru Hótel Höfðabrekka,
Hótel Vík í Mýrdal og Víkurskáli. Að
öllu óbreyttu hefjast framkvæmdir í
maí á þessu ári en verið er að leggja
lokahönd á samninga við verktaka.
Opið allan sólarhringinn í sumar
Upp úr miðjum maí í vor ætlar
Icewear í Vík að taka upp þá
nýjung að hafa verslunina opna
allan sólarhringinn og verður
þessi opnunartími fram undir
miðjan ágúst. „Þetta er tilraun sem
við höfum mikla trú á að henti
okkar viðskiptavinum vel. Hér í
Mýrdalnum og næsta nágrenni
er mikil umferð og mikill fjöldi
ferðamanna sem dvelst á hótelum á
svæðinu. Við höfum orðið verulega
vör við að fólk sækist í auknum
mæli í það að koma til okkar á
kvöldin og versla í rólegheitum.
Segja má að reynsla síðustu ára hafi
kennt okkur að leggja aukna áherslu
á lengri og lengri kvöldopnun. Því
ekki að hafa allavega opið meðan
bjart er,“ segir Örn. En hvernig
er næturopnunin hugsuð? „Hún
er hugsuð til að mæta aukinni
eftirspurn eftir kvöldverslun, opið
alla nóttina er síðan tilraun til að
mæla hver þörfin er. Vegna mikillar
verslunar yfir daginn þurfum við
að hafa eitthvert starfsfólk fram á
nótt til að gera verslunina tilbúna
fyrir næstu törn morguninn eftir. Því
ákváðum við að stíga skrefið til fulls
og nýta okkur þá starfskrafta betur
og hafa opið. Þó að ekki komi nema
örfáir viðskiptavinir yfir nóttina er
öruggt að þeir verða almennt mjög
ánægðir viðskiptavinir, þó ekki
væri nema fyrir það að geta komist
á snyrtingu og þegið kaffisopa.“
Flottur hópur starfsfólks
Örn segir mjög gaman að stjórna
Víkurprjóni þegar gengur svona
vel í rekstrinum. „Jú, því er ekki
að neita að það er einstaklega
skemmtilegt og gefandi. Það má
þó ekki gleyma því að í öllum
þeim breytingum sem átt hafa sér
stað hjá Icewear í Vík undanfarin
ár að bak við þennan árangur er
hæfur og flottur og metnaðarfullur
hópur starfsfólks, sem hefur lagt á
sig ómælda vinnu til að ná þessum
mikla árangri.
Þá er ekki hægt annað en að dást
að þeirri undiröldu sem er hér í
samfélaginu um að láta verkin
tala. Má þar meðal annars nefna
samstöðu um íbúðabyggingar til
að mæta húsnæðisskorti. Nýting
fyrirtækis á ljósleiðara til að koma
ferðaþjónustuaðilum í Mýrdalnum
framarlega í aukinni getu til að
veita afburðarþjónustu. Hér nefni
ég bara nokkur atriði en fyrir utan
þau eru mjög margir aðilar að
stækka, breyta og bæta þjónustu
sína eins og Icewear í Vík hefur
verið að gera með góðum árangri,“
segir rekstrarstjóri Víkurprjóns að
endingu.
/MHH
Eldra einbýlishús sem þarfnast
endurbóta. Eignarlóð rúmur
hektari á einum besta stað á
ströndinni með frábæru útsýni
til allra átta.
Draumastaður fyrir þá sem
vilja vera útaf fyrir sig en samt
í nálægð við höfuðborgina.
Innan við 20 mín. keyrsla til
Hafnarfjarðar, óskað er eftir
tilboðum í eignina, uppl. í síma
866-4664.
Til sölu Hellur á
Vatnsleysuströnd
Verslun Víkurprjóns verður opin allan sólarhringinn í sumar en það verður þá í fyrsta skipti á Íslandi sem
ferðamannaverslun er opin allan sólarhringinn.