Bændablaðið - 03.04.2014, Blaðsíða 51

51Bændablaðið | Fimmtudagur 3. apríl 2014
Aðalfundur Skógfræðingafélags
Íslands, sem var haldinn á Hótel
Selfossi fyrir skömmu, ályktaði
um eindreginn stuðning við að
ný náttúruverndarlög yrðu tekin
til gagngerrar endurskoðunar.
Þá samþykkti fundurinn
einnig ályktun um að gerð
skógræktaráætlana skyldi vera
á höndum skógfræðinga einna.
Stjórn félagsins flyst nú til
Norðurlands. Nýr formaður var
kosinn Bergsveinn Þórsson og
aðalmenn með honum í stjórn
Brynjar Skúlason og Rakel
Jónsdóttir. Varamaður er Guðríður
Baldvinsdóttir.
Skógargeirinn býr að langri
reynslu
Einar Gunnarsson, umsjónarmaður
Landgræðsluskóga hjá Skógræktar-
félagi Íslands, lagði fram tillögu
að ályktun þar sem segir að
Skógfræðingafélag Íslands styðji
eindregið tillögu umhverfis- og
auðlindamálaráðherra, að taka
náttúruverndarlög sem ganga áttu
í gildi hinn 1. apríl næstkomandi
til gagngerrar endurskoðunar.
Félagið vísar til fyrri umsagna sinna
og annarra fagaðila í skógrækt
um lögin á meðan þau voru til
umfjöllunar.
„Félagið lýsir sig reiðubúið til að
vinna með stjórnvöldum að bættri
löggjöf á sviði skógarmála, náttúru-
og umhverfisverndar og bendir á
að fyrstu náttúruverndarlögin voru
„Lög um skógrækt og varnir gegn
uppblæstri lands“ sem samþykkt
voru af Alþingi árið 1907.
Skógargeirinn býr því að langri
reynslu um hvernig virkja má
þjóðfélagið til góðra verka,“ segir
í tillögunni sem var samþykkt.
Skógfræðingar geri
skógræktaráætlanir
Þá var einnig samþykkt á
aðalfundinum ályktun sem
snertir gerð skógræktaráætlana.
Í verkefnum sem njóti opinberra
styrkja krefjast skógfræðingar þess
að skógfræðimenntað fólk sjái
um áætlanagerðina. Ályktuninni
fylgir greinargerð og hvort tveggja
verður sent umhverfisráðuneytinu
og framkvæmdastjórum landshluta-
verkefnanna í skógrækt. Fram
kemur að aðalfundurinn krefjist
þess að sett verði í samninga um
ríkisstyrkta skógrækt, í væntanlega
reglugerð um Landshlutaverkefnin
í skógrækt og í væntanleg ný lög,
ákvæði þess efnis að skógfræðingar
skuli gera skógræktaráætlanir.
Fram kemur í greinargerð með
ályktuninni að forsenda fyrir góðum
árangri í nýræktun, meðferð og
nýtingu skóga er að ákvarðanir
séu teknar af fólki með þekkingu á
viðfangsefninu. Í tilviki skógræktar
er besta tryggingin fyrir því að
svo verði sú að skógfræðingar
geri skógræktaráætlanir. Með
hugtakinu „skógfræðingur“ er átt
við einstakling með viðurkennda
háskólagráðu í skógfræði. Með
hugtakinu „skógræktaráætlanir“
er átt við áætlanir um nýræktun
(ræktunaráætlanir), umhirðu
(meðhöndlunaráætlanir), grisjun,
fellingu og endurnýjun skóga
(nýtingaráætlanir).
Var inni í eldri samningum
en sleppt síðar
Í upphafsáætlunum og eldri
samningum sumra landshluta-
verkefnanna í skógrækt voru
ákvæði þess efnis að skógfræðingar
skuli gera ræktunaráætlanir. Í
endurskoðun og samræmingu
samninganna hefur þessu verið
sleppt. Í drögum að reglugerð um
Landshlutaverkefnin kemur ekki
fram að skógfræðingar skuli gera
skógræktaráætlanir. „Þarna er
ekki nægilega hugað að faglegum
vinnubrögðum um þætti í áætlunum
svo sem ákvörðunum um tegundaval,
jarðvinnslu, grisjunarmagn og
endurnýjum skógarins svo dæmi
séu nefnd. Þetta þarf að lagfæra í
samningum Landshlutaverkefnanna
strax og setja inn í reglugerðina.
Þegar kemur að endurskoðun
laga þarf svo að lögleiða að
skógfræðingar skuli koma að gerð
skógræktaráætlana. Jafnframt verði
því haldið til haga við endurskoðun
skógræktarlaga að lögvernda
starfsheitið skógfræðingur,“ segir
í greinargerðinni.
/MÞÞ
Bændablaðið
Næsta blað kemur út
16. apríl
DALVEGI 16c · 201 KÓPAVOGI
SÍMI 568 6411 · WWW.RAFVORUR.IS
· Tekur heitt vatn > sparneytin
· Stórt op > auðvelt að hlaða
· Þvotta og orkuklassi A
· Engin kol í mótor
12 kg
Þvottavél
Amerísk
gæðavara
Aðalfundur Skógfræðingafélags Íslands:
Styður eindregið endurskoðun
náttúruverndarlaga
Úr Vaglaskógi. Myndir / MÞÞ
Sólskógar.
Í verkefnum sem njóta opinberra styrkja krefjast skógfræðingar þess að
skógfræðimenntað fólk sjái um áætlanagerðina. Mynd / HKr.