Bændablaðið - 03.04.2014, Blaðsíða 8

8 Bændablaðið | Fimmtudagur 3. apríl 2014
Fréttir
Kraftvélar kynna þjónustu sína
í níu daga hringferð um landið
– Opna formlega nýtt útibú á Akureyri laugardaginn 12. apríl
Vélainnflytjandinn og þjónustu-
fyrirtækið Kraftvélar hefur
opnað útbú á Akureyri sem
verður reyndar formlega opnað
laugardaginn 12. apríl. Viktor
Karl Ævarsson, sölustjóri
Kraftvéla, segir að samhliða
þessu geri Kraftvélamenn
víðreist um landið til að kynna
þjónustu sína.
„Við förum með tvo vörubíla
með tengivagna og traktora í níu
daga hringferð um landið. Við
munum þar kynna New Holland
og Case IH dráttarvélarnar ásamt
margvíslegum heyvinnslutækjum og
fleiru. Í þessari hringferð munum við
stoppa heilan dag á Akureyri á sama
tíma og formlega opnun útibúsins fer
fram. Hringferðinni mun svo ljúka
þriðjudaginn 15 apríl, eða rétt fyrir
páska.“
Viktor segir að sala á dráttarvélum
hafi verið á ósköp eðlilegu róli
það sem af er ári. Hann telur að
markaðurinn sé hægt og bítandi að
taka við sér á ný eftir lægð í kjölfar
efnahagshrunsins 2008.
„Á milli áranna 2010, 2011, 2012
og 2013 höfum við verið stöðugt að
auka við okkur bæði í fjölda seldra
véla og í markaðshlutdeild. Þetta er
því allt í rétta átt.“
Stöðugt meiri sala í aflmeiri
dráttarvélum
Flaggskip Kraftvéla er óneitanlega
New Holland dráttarvélarnar, en
Viktor segir að Case vélarnar séu
þó að koma sterkt inn í sölunni.
„Það er mjög gott verð á Case
vélunum og í samanburði við New
Holland vélar með sama vélarafli
eru Case vélarnar vissulega talsvert
ódýrari. Sér í lagi þegar kemur að
stærri vélunum 170 hestöfl og yfir.“
– Eru þróunin sú að dráttarvélar
í íslenskum sveitum fari stækkandi?
„Já, það virðist vera, og við erum
til dæmis að fá þrjár vélar í apríl og
maí sem allar eru yfir 170 hestöfl.
Þetta eru því engar smá skessur.“
Mæta með verkstæði á hjólum
beint til bænda
– Hvernig gengur að þjónusta þessar
stóru dráttarvélar sem oft eru með
flóknum búnaði?
„Við eru með 16 manns á
verkstæði og nokkra fullbúna bíla
sem eru verkstæði á hjólum. Við
höfum verið að fara með þessa bíla
vítt og breytt um landið. Við bjóðum
upp á viðgerðir og smurþjónustu og
komum á staðinn að ósk bænda.
Þá gerum við allt sem gera þarf og
lýtur að viðhaldi vélanna. Bóndinn
þarf því ekki að gera annað en að
rétta okkur lyklana og fá sér kaffi á
meðan. Þessi þjónusta hefur verið
að slá í gegn.
Þá höfum við verið að taka
fyrir ákveðin svæði og sendum þá
bændum á svæðinu skilaboð um það
í gegnum SMS. Ef þeir vilja nýta sér
það þá geta þeir haft samband og
fá þá viðgerðarmann á staðinn án
þess að þurfa að greiða fyrir hann
ferðakostnað sem getur oft verið
umtalsverður. Við þessu hafa verið
mjög góð viðbrögð enda eru bændur
að spara sér með þessu talsverð
útgjöld og um leið að fá markvissari
þjónustu við viðhald vélanna,“ segir
Viktor. /HKr.
Kraftvélar sýndu hluta af þeim vélbúnaði sem fyrirtækið býður upp við
í tengslum við Matarmarkað sem haldinn var í Hörpunnni við setningu
Búnaðarþings í síðasta mánuði. Mynd / HKr.
„Þetta er einstakt tæki og engu
öðru líkt, ég myndi segja að það
væri himnasending fyrir bændur
sem og alla þá sem þurfa að
kljást við klaka. Það er engin
afsökun lengur að ekki sé hægt
að eiga við hann,“ segir Björn
Þórisson, framkvæmdastjóri hjá
Frístundahúsum í Borgarbyggð
sem hefur umboð fyrir finnsku
tækin Raiko. Meðal tækja sem eru
í boði er svonefndur ísbrjótur, en
hann er sérstaklega hannaður til að
brjóta ís af t.d. túnum, golfvöllum,
gangstígum, þjóðvegum eða
yfirleitt hvarvetna þar sem ís og
klaki gera mönnum lífið leitt.
Björn segir að ísbrjóturinn henti
vel framan á dráttarvélar, einnig
ýmsar stærri vélar og trukka, það
fari allt saman eftir stærð og gerð
ísbrjótsins.
„Það hefur verið þó nokkuð
umræða undanfarnar vikur um að
klaki liggi yfir túnum og bændur óttist
kal á komandi vori, þeir bíði með þá
von í brjósti að málið leysist, hlýindi
muni bræða klaka af túnum áður en
í óefni er komið,“ segir Björn. Með
því að rúlla ísbrjót um tún er hægt
með fremur lítill fyrirhöfn að brjóta
upp klakann áður en náttúran hefst
handa við það verkefni. Björn nefnir
einnig að tækið tæti ekki upp tún.
Gaddarúllur brjóta upp ísinn
Björn segir að ísbrjóturinn sé mjög
skilvirkt tæki, sem m.a. felst í
sveigjanlegum og frjálsum snúningi
gaddarúllukerfis. Gaddarúllurnar
brjóta upp hörð og samþjöppuð
ísalög hvort heldur sem er á túnum
eða vegum. Þannig bæta þeir veggrip
og öryggi vegfarenda án þess að
valda skemmdum á veginum að sögn
Björns. Ísbrjótur með snjóplógi getur
einnig losað um þéttan og harðan ís
í einni ferð og þannig komið í veg
fyrir umferðarteppu á meðan unnið
er við hreinsun vega. Yfir sumarið
má svo nýta tækið til viðhalds á
malarvegum og við lagfæringar á
vegum sem farið hafa illa vegna
frostskemmda.
Björn nefnir að hönnun tækisins
sé með þeim hætti að hann er öruggur
og nánast hljóðlaus og m.a. hafi hann
hlotið verðlaun og viðurkenningar,
m.a. frá Winter Road Congress í
Finnlandi.
Lítill rekstrarkostnaður
„Ísbrjótinn er hægt að festa framan
á dráttarvélar af öllum stærðum og
gerðum, vörubíla og hjólaskóflur.
Rekstrarkostnaðurinn er lítill
þegar miðað er við önnur úrræði
sem gripið er til þegar kemur að
hálkuvörnum,“ segir Björn, en
reynsla af notkun ísbrjótsins er góð,
bæði í heimalandinu Finnlandi sem
og víða annars staðar þar sem tækið
er notað, m.a. í Evrópu, Alaska og á
kom tækið sér vel í vonskuveðrum
sem gengu yfir austurströnd
Bandaríkjanna fyrr í vetur.
/MÞÞ
Finnski ísbrjóturinn sérhannaður til að
brjóta upp hörð og samþjöppuð ísalög
Lausn við ásókn gæsa og álfta í ræktarlönd bænda?
Breskar fuglafælur taldar
geta leyst vandann
Mikið hefur verið rætt um
vaxandi ágang álfta og gæsa í
ræktarlönd bænda. Hugmyndir
hafa verið uppi um að fá heimild
til að skjóta þessar tegundir á
ákveðnum tímum vor og haust.
Skiptar skoðanir hafa verið um
slíka heimild, ekki síst í ljósi
þess að álftin er alfriðuð hér á
landi. Hugsanlega er nú komin
fram lausn á málinu sem gerir
skotveiðileyfi óþarft.
Fyrirtækið Portek í Englandi
hefur verið að þróa og selja
varnir eða fælingarbúnað vegna
ágangs fugla. Kjartan Lorange hjá
Veiðihúsinu Sökku ehf. flytur inn
slíkan búnað og hefur samið um
Kaupfélagið í Borgarnesi um að sjá
um smásöluþáttinn.
„Portek hefur verið að þróa
fuglafælur sem duga við mismunandi
skilyrði og mismunandi aðstæður.
Þetta var í upphafi aðallega hugsað
út af vandræðum Breta með ágang
dúfna, líkt og álftir og gæsir eru
hjá okkur. Það verkefni breyttist þó
skyndilega eftir að menn fóru að
gera sér grein fyrir því hvað þessar
dúfnafælur virkuðu vel. Þá stækkaði
áhrifahópurinn yfir í varnir gegn
öndum, gæsum og einnig álftum,“
segir Kjartan.
Fælur sem byggja á hreyfingu og
flökti efnis í sterkum litum
Hann segir að Portek sé með
heildarlausnir í þessum málum
sem muni þó ekki allir standa
Íslendingum til boða eins og varnir
með flugeldum. Hins vegar sé hægt
að bjóða upp á flugdreka, vindrellur
og fleira sem byggja upp á hreyfingu
marglitrar speglunar af vörnunum
sem hræða fuglana. Telur Kjartan
að slíkt ætti líka að duga á Íslandi.
„Þeir nota sambland af áberandi
litum, gulum, svörtum og rauðum
auk málmglitrandi flata. Þetta hefur
gefið góða raun og gæti verið ágæt
lausn hér heim í stað þess að þurfa
að drepa þessa fugla. Þá settum við
það í hendur fagaðila hjá Kaupfélagi
Borgfirðinga, sem er í góðum
tengslum við bændur, að sjá um
söluna á þessu fyrir okkur.“
Kjartan segir að þegar hafi
verið gerð tilraun með slíkar
varnir í Borgarfirði samkvæmt
leiðbeiningum og ráðgjöf frá
framleiðanda.
„Við settum svona búnað upp
á einni jörð í Borgarfirði þar sem
vorfugl var byrjaður að safnast upp
í síðustu viku. Maður varð strax var
við mikil áhrif.“ /HKr.
Fuglafælur að hætti breska fyrirtækisins Portek. Hér er um ógnvekjandi
Hér er skrautleg rella sem hægt er
að stinga niður í jarðveginn.
og samþjöppuð ísalög bæði á túnum og vegum. Ísbrjóturinn hentar vel
framan á dráttarvélar.
Ísbrjótana má setja á vörubíla jafnt
og dráttarvélar og aðrar vinnuvélar.
REYKJAVÍK
Krókháls 5F
110 Reykjavík
Sími: 414-0000
AKUREYRI
Baldursnes 2
603 Akureyri
Sími: 464-8600
www.VBL.is
REYKJAVÍK Sími: 414-0000 /// AKUREYRI Sími: 464-8600 /// www.VBL.is
BREVIGLIERI – Jarðtætarar
Gerð Stærð Útbúnaður Þyngd
B123v 230 cm Sléttunarhleri 800 kg
B123v 250cm Sléttunarhleri 850 kg
B123v 280cm Jöfnunarvals 1200 kg
B123v 300cm Sléttunarhleri 950 kg
BREVIGLIERI – Pinnatætari
Gerð Stærð Útbúnaður Þyngd
Mek 170 350 Jöfnunarvals (50 cm), 2 hraða 1650 kg