Bændablaðið - 03.04.2014, Blaðsíða 2

2 Bændablaðið | Fimmtudagur 3. apríl 2014
Þeim fjölgar sífellt sem benda á
að kvóti í mjólkurframleiðslu
hamli aukinni framleiðslu en nú
um stundir er þörf á aukningu.
Eðlilegt er að beina sjónum
kvóta í mjólk þegar núverandi
búvörusamningur rennur út í lok
árs 2016. Mjólkurframleiðslan er
eini geiri íslensks landbúnaðar
sem enn býr við raunverulega
framleiðslustýringu en kvótakerfið
var sett á til að hamla offramleiðslu
á sínum tíma. Nú er svo komið að
skortur er á mjólk og því er eðlilegt
að velta því upp hvort kvótakerfið
hafi runnið sitt skeið.
Þetta var eitt megininntakið
í ræður Sigurðar Inga Jóhanns-
sonar sjávarútvegs- og
landbúnaðarráðherra, sem hann
hélt á aðalfundi Landssambands
kúabænda í síðustu viku. Hann lagði
þó á það áherslu að hann væri ekki að
boða afnám kvótakerfisins með einu
pennastriki. Kæmi til breytinga yrðu
þær gerðar með aðlögun yfir langan
tíma enda hefðu margir bændur
fjárfest umtalsvert í kvóta og miðað
rekstur sinn við að fyrir það kæmu
beingreiðslur frá ríkinu.
Óþarft að ríkið sjái um
kvótamarkað?
Sigurður Ingi velti í máli sínu upp
þeirri spurningu hvort að núverandi
fyrirkomulag með viðskipti
greiðslumarks, uppboðsmarkaðir
sem teknir voru upp árið 2010, væri
hið endilega ákjósanlegasta leiðin
sem hægt væri að fara. Hann spurði
hvað það væri sem kallaði á að
hið opinbera kæmi að viðskiptum
með greiðslumark í stað þess að
almennur rammi yrði settur um þau
og einkaaðilar hefðu milligöngu um
viðskiptin. Hvatti hann bændur til
að taka málið til umræðu á sínum
vettvangi.
Sigurður Ingi sagði að í sínum
huga væri einboðið að leiðin fram á
við í mjólkurframleiðslunni byggði
á útflutningi. Hann upplýsti að
verið væri að setja saman starfshóp
sem ætti að undirbúa stefnumótun
í mjólkurframleiðslu til framtíðar
og sömuleiðis væri búið að skipa
samstarfshóp um tollamál á sviði
landbúnaðar. Sá hópur á að greina
helstu núgildandi samninga um
viðskipti með landbúnaðarvörur,
greina þau sóknarfæri sem kunna
vera til staðar innan þeirra samninga,
kanna möguleika á gerð fleiri
tvíhliða viðskiptasamninga og
gera úttekt á þróun tollverndar á
helstu landbúnaðarvörum frá árinu
1995. Stefnt er að því að sá hópur
skili niðurstöðu fyrir 1. október
næstkomandi. /fr
Fréttir
Samkeppni
um höfuðföt
RML með
fræðslufundi
Ráðgjafarþjónusta landbún-
aðarins (RML) hélt fræðslufund
á Kirkjubæjarklaustri í síðustu
viku þar sem ráðunauturinn Jóna
Þórunn Ragnarsdóttir hélt erindi
ásamt Jarle Reiersen frá MS. Fram
undan eru enn fleiri fræðslufundir
þar sem umfjöllunarefnið er fóðrun,
efnainnihald í mjólk og beit.
Fundardagskráin er hér að neðan
en nánari upplýsingar er hægt að sjá
á heimasíðu Ráðgjafarmiðstöðvar
landbúnaðarins, rml.is. Þess ber að
geta að MS býður upp á kaffiveitingar
á fundunum.

Þriðjudaginn 8. apríl kl. 13.30
í húsakynnum MS í Búðardal.
Fimmtudaginn 10. apríl kl.
13.30
í húsakynnum LbhÍ á Hvanneyri
Mánudaginn 14. apríl á
Gauksmýri í Húnaþingi.
Þriðjudaginn 15. apríl á
Löngumýri í Skagafirði.
Ullarvinnslan í Þingborg í
Flóahreppi efnir nú til samkeppni
um flottasta höfuðfat ársins 2014
ætlað fullorðnum. Efnisval og
aðferð er frjáls.
Dómnefnd mun í störfum sínum
taka tilit til hönnunar, handbragðs,
hugmyndaauðgi og menningarlegrar
nálgunar. Veitt verða verðlaun fyrir
fallegustu höfuðfötin á „Fjör í Flóa“
laugardaginn 31. maí.
„Þingborg vill með þessu bæði
kanna og vekja athygli á hinni
merkilegu flóru höfuðfata, sem
blómstrar ekki síður í köldum
löndum en heitum. Höfuðföt
endurspegla þjóðarsálina á
hverjum tíma því oft eru þau tákn
um þjóðfélagsstöðu og í mörgum
tilfellum tengd trúarbrögðum
viðkomandi hóps eða atvinnugrein,“
segir Iðunn Ýr Ásgeirsdóttir,
verkefnisstjóri hjá Flóahreppi, sem
aðstoðar Þingborgarhópinn við
samkeppnina. Hún gefur allar nánari
upplýsingar í gegnum netfangið
idunn@floahreppur.is
/MHH
Sigurður Ingi Jóhannsson, landbúnaðar- og sjávarútvegsráðherra, afhenti Esther Guðjónsdóttur og Jóhanni B. Kormákssyni bændum á Sólheimum
viðurkenningu fyrir ræktun á Kola á Fagþingi nautgriparæktarinnar fyrir skömmu. Mynd / HKr.
Fagþing nautgriparæktarinnar:
Koli frá Sólheimum besta naut fætt árið 2006
Koli 06003 frá Sólheimum í
Hrunamannahreppi er besta
naut árgangsins sem fæddur er
árið 2006. Hlutu ræktendur hans,
þau Jóhann B. Kormáksson og
Esther Guðjónsdóttir bændur
á Sólheimum viðurkenningu
fyrir ræktun Kola á Fagþingi
nautgriparæktarinnar sem haldið
var 27. mars síðastliðinn.
Koli var fæddur á Sólheimum
23. febrúar 2006. Faðir Kola er
Fontur 98027 frá Böðmóðsstöðum
í Laugardal en hann var á sínum
tíma valinn besta naut 1998
árgangsins. Móðir Kola er Elsa
226 frá Sólheimum og móðurfaðir
er Kaðall 94017 frá Miklagarði í
Saurbæ en hann var einnig valinn
besta naut síns árgangs, árgangsins
1994. Í ættartölu Kola má finna
mörg af bestu nautum landsins, svo
sem Þráð frá Stóra-Ármóti, Þistil
frá Gunnarsstöðum og Rauð frá
Brúnastöðum.
Í umsögn um dætur Kola er sagt
að afurðasemi þeirra sé góð, einkum
hvað varðar efnahlutföll. Þær eru
stórar og sterkbyggðar, malir vel
lagaðar, fremur flatar og fótstaða góð.
Þær eru júgurhraustar með vel borin
júgur, afar sterkt júgurband og mjög
góða júgurfestu, vel lagaða spena
og vel staðsetta en fremur stutta og
granna. Mjaltir eru í meðallagi og
kýrnar skapgóðar, að því er sagt er
í Nautaskránni. Koli stendur í 117 í
heildarkynbótamati. /fr
Koli frá Sólheimum.
Stjórn LK
endurkjörin
Stjórn Landssambands kúabænda
var öll endurkjörin á aðalfundi
sambandsins sem haldinn var 28.-
29. mars síðastliðinn.
Formaður er því eftir sem áður
Sigurður Loftsson í Steinsholti og
aðrir stjórnarmenn Guðný Helga
Björnsdóttir á Bessastöðum, Jóhann
Nikulásson í Stóru-Hildisey II,
Trausti Þórisson á Hofsá og Jóhann
Gísli Jóhannsson á Breiðavaði. /fr
Sigurður Loftsson.
Verð á greiðslumarki í mjólk er
nú 260 krónur líterinn. Þetta
kom í ljós við opnun tilboða um
kaup og sölu á greiðslumarki
í dag, 1. apríl 2014. Verðið nú
er 60 krónum lægra en það
var á síðasta kvótamarkaði, 1.
nóvember síðastliðinn. Einungis
tvö gild tilboð um kaup á
greiðslumarki bárust.
28 gild tilboð um sölu bárust til
Matvælastofnunar en aðeins tvö
gild tilboð um kaup. Greiðslumark
sem viðskipti ná til nú nær til
35.000 lítra en óskað var eftir
71.784 lítrum. Greiðslumark
sem boðið var til kaups var
1.891.961 lítri. Framboð nú var
182,9 prósent miðað við síðasta
markað en eftirspurnin einungis
6,7 prósent af því sem óskað var
eftir í síðasta mánuði. /fr
Lítil eftirspurn eftir greiðslumarki
Eðlilegt að endurskoða kvótakerfið
„Nú er svo komið að skortur er á mjólk og því er eðlilegt að velta því upp
ráðherra landbúnaðarmála, á aðalfundi Landssambands kúabænda. Mynd / HKr.