Bændablaðið - 08.05.2014, Blaðsíða 10

10 Bændablaðið | Fimmtudagur 8. maí 2014
Sveitarstjórn Rangárþing
eystra hefur samþykkt
framkvæmdaleyfi fyrir
Vegagerðina fyrir byggingu á
aðkomuvegi innan við eystri
brimvarnargarð Landeyjahafnar
og færslu á flóðvarnargörðum
austan við höfnina.
Tilgangur með byggingu
aðkomuvegar er að þjónusta
brimvarnargarðinn og að hann
nýtist sem björgunarvegur. Færsla
flóðvarnar framar í fjöruna er til að
stækka landgræðslusvæði austan
við höfnina og hindra þannig
sandfok í hana. Framkvæmdaleyfið
er samþykkt með fyrirvara um
samþykki landeiganda. /MHH
„Þetta er nú með því skemmtilegra
sem maður gerir. Manni tekst
vitanlega misvel upp en þegar þetta
tekst vel er þetta virkilega gefandi
og eftirminnilegt og þá vonandi
tekst manni að skapa einhverja
töfrastund fyrir hjónaefnin, sem
sum hver eru komin um langan veg
til að gifta sig hér,“ segir Kristín
Þórðardóttir, fulltrúi sýslumannsins
á Hvolsvelli, sem er oft kölluð til
að gifta við Seljalandsfoss eða
Skógafoss. Ein slík hjónavígsla
fór einmitt fram við Skógafoss um
páskana.
Kristín er einnig oddviti
sjálfstæðismanna og sveitarstjóraefni
fyrir sveitarstjórnarkosningar 31.
maí í vor í Rangárþingi eystra.
Hjónavígslurnar eru framkvæmdar
allan ársins hring og flestar úti í
náttúrunni.
„Einhvern veginn finnst mér alltaf
hafa verið gott veður þrátt fyrir að
stundum hafi nú gengið á með éljum
og ég jafnvel lagst í lungnabólgu á
eftir. Það er náttúrulega aldrei á vísan
að róa í þessum íslensku veðurmálum,
og það virðast útlendingarnir alveg
vera með á hreinu, stundum held ég
að þetta sé bara enn eftirminnilegra
ef veðrið er dálítið skrautlegt. Fólk er
að sækjast eftir einhverju ævintýri. Ég
gifti annað par í byrjun mánaðarins í
hávaðaroki og rigningu og þau voru
alsæl,“ bætir Kristín við. Aðspurð
segir hún að í fyrra hafi verið rúmlega
40 hjónavígsluathafnir og hafi færst
vöxtur í þetta eins og annað því það
sem af er þessu ári er búið að bóka
19 athafnir.
Perlurnar við Seljalandsfoss og
Skógafoss eru vinsælastar, og mest
eru þetta erlendir ferðamenn, eða í
rúmlega 80% tilvika t.a.m. árið 2013.
/MHH
Fréttir
Hjónavígslur vinsælar við
Skógafoss og Seljalandsfoss
– fjörutíu giftingar voru framkvæmdar á þessum stöðum á síðasta ári
Björgunarvegur byggður
við Landeyjahöfn
hennar og Friðriks Erlingssonar, sem var aðstoðarmaður móður sinnar við
Mynd / Lárus Sigurðarson, www.larus.is
Í síðasta blaði var ranglega farið
með nafn í frásögn af því þegar
Sigurður Skúlason skógarvörður í
Vaglaskógi var kvaddur. Þar er undir
þessari mynd var sagt í myndatexta
að Hallgrímur Indriðason hjá
Skógrækt ríkisins slái á létta
strengi, en sitjandi séu Agnes
Þórunn Guðbergsdóttir, formaður
Skógræktarfélags S-Þingeyinga,
og Sigurður Skúlason fyrrverandi
skógarvörður. Hið rétta er að fyrir
miðju er Margrét Guðmundsdóttir,
eiginkona Sigurðar. Eru Agnes
og Margrét beðnar velvirðingar á
þessum mistökum.
Leiðrétting
Er þetta ekki flott?
Til sölu hinar sérstöku súlu-Blæaspir, 2-3 m
háar. 30 ára reynsla af þeim hér á landi.
Þurfa lítið rými og henta vel sem stakstæð tré.
Einnig hengibirki og vörtubirki frá N-Noregi
og ýmsar aðrar öðruvísi plöntur. Alaska aspir 2-3 m
(Sælandsaspir, keisaraaspir og iðun). Íslenskt birki 2-3 m.
Nú er góður tími til að planta. Grænt-Land Sími: 860-5570
Tilboð!
Birkitré 2-3 m. á hæð.
Tilboðsverð v. magnkaup,
10 stk., 20 stk., 30 stk. eða fleiri
Grænt Land ehf. - Flúðum
Uppl. í síma 860-5570
Aðalfundur Veiðifélags Árnesinga:
Mótmælir því að Árborg fái afslátt frá
reglum um skólprennsli í Ölfusá
Veiðifélags Árnesinga samþykkti
ályktun um frárennsli í Ölfusá
á aðalfundi sínum sem haldinn
var að Þingborg föstudaginn 25.
apríl síðastliðinn. Þar er mótmælt
fyrirhuguðum breytingum á
reglugerð um fráveitur og skólp
sem gefi sveitarfélaginu afslátt frá
gildandi reglugerð.
Tildrög ályktunarinnar er að
unnið er að endurskoðun reglugerðar
nr. 798/1999, um fráveitur og skólp.
Aðalfundarfulltrúar voru greinilega
ekki hressir með framgang mál að
því er fram kemur í ályktun fundarins
sem, Jörundur Gauksson, formaður
Veiðifélags Árnesinga, kom á
framfæri við Bændablaðið.
„Þær ótrúlegu upplýsingar hafa
borist að unnið sé að því að breyta
ákvæðum hennar m.a. í því skyni að
sveitarfélaginu Árborg verði heimilt
að nota Ölfusá sem viðtaka frá eins
þreps skólphreinsistöð.
Vatnasvið Ölfusár og lífríki
hennar nýtur sérstakrar verndar
í lögum og núgildandi reglugerð
um fráveitur og skólp. Breyting á
reglugerðinni haggar ekki þeirri
sérstöku vernd sem Ölfusá nýtur að
lögum.
Félagsmenn Veiðifélags
Árnesinga eru eigendur hátt á þriðja
hundrað jarða í Árnessýslu.
Skorar aðalfundur á Sigurð Inga
Jóhannsson, ráðherra umhverfis-,
auðlinda- og landbúnaðarmála, að
gæta þess að fyrirhugaðar breytingar
verði ekki gerðar á reglugerðinni og
tryggi að Ölfusá njóti þeirra verndar
sem henni ber og nýtur að lögum,“
segir í ályktuninni. /HKr.
Hótel Rangá hefur opnað fullkomnasta
stjörnuskoðunarhús landsins
„Þetta er nýjung í íslenskri
ferðaþjónustu. Við ætlum
ekki bara að bjóða upp
á norðurljósin því núna
gefst gestum okkur kostur
á að skoða stjörnurnar og
himingeiminn hjá okkur líka
í fullkomnasta og flottasta
s t j ö r n u s k o ð u n a r h ú s i
landsins,“ segir Friðrik
Pálsson, eigandi Hótel
Rangár.
Stjörnuskoðunarhúsið, sem
er tuttugu og fimm fermetra
hús með afrennanlegu þaki,
var formlega tekið í notkun
um síðustu helgi. Tveir af
fullkomnustu stjörnukíkjum
landsins eru í húsinu, en þeir voru
keyptir í samráði við Sævar
Helga Bragason, formann
S t jö rnuskoðunar fé lags
Seltjarnarness. Sævar segir að
nýja aðstaðan og staðsetning
stjörnuskoðunarhússins sé
fyrsta flokks. „Já, aðstaðan við
Hótel Rangá er frábær, mikið
myrkur og allur heimurinn
blasir við þegar þakinu er
rennt af húsinu. Upplifun
ferðamanna, sem ég hef farið
með í húsið er frábær og þeir
geta komist í mikla nálægð við
stjörnurnar í gegnum kíkjana,“
segir Sævar.
/MHH
Flugsamgöngur verði tryggðar
Sveitarstjórnarmönnum í
Langanesbyggð var á síðasta
fundi afhent samantekt af
félagshagfræðilegri greiningu á
framtíð áætlunarflugs á Íslandi.
Af því tilefni vill Sveitarfélagið
L a n g a n e s b y g g ð í t r e k a
mikilvægi þess að tryggja
samgöngur af landsbyggðinni til
höfuðborgarsvæðisins, en þangað fer
meginþorri flugfarþega frá Þórshöfn
og Vopnafirði.
„Tryggar samgöngur til
höfuðborgarsvæðisins gegna
lykilhlutverki til að jafna
búsetuskilyrði, tryggja öryggi
íbúa og stuðla að samkeppnishæfu
atvinnulífi,“ segir í fundargerð.
10 stk 20 stk 30 stk eða fleiri