Bændablaðið - 08.05.2014, Blaðsíða 25

Getum við flýtt vorinu?
Á Íslandi er það hitinn sem heldur aftur af vorkom-
unni. Birtan er næg þegar komið er fram í mars en
loft- og jarðvegshiti er oft ekki nægur fyrr en kemur
fram í maí. Hjá Landbúnaðarháskóla Íslands er í
gangi tilraun með upphitun jarðvegs til að flýta
gróandanum á vorin. Tilgangurinn er sá að kanna
hvort hægt sé að taka íþróttavelli í notkun fyrr á
vorin með því að hita þá upp seinni part vetrar og á
vorin. Niðurstöður síðustu ára sýna að það fer mjög
eftir árferði hversu miklu munar um upphitunina.
Ef vorið er kalt getur grænkað mun fyrr þar sem
hitað er en ef snemma hlýnar munar minna um
upphitunina.
Myndina tók Þór Björnsson íþróttastjóri Fram.
Jarðskjálftinn skapaði sóknarfæri
Að Reykjum í Ölfusi er orðið til kjörsvæði til rannsókna á því
hvað gerist þegar jarðvegur hlýnar óvænt og mikið
Jarðskjálftar og aðrar náttúruham-
farir eru yfirleitt fáum til góðs. Þó
geta þeir leitt til þess að ný tækifæri
líta dagsins ljós. Það gerðist í Hvera-
gerði þegar skjálftinn stóri reið þar
yfir 29. maí árið 2008 og það ætla
íslenskir og erlendir vísindamenn að
notfæra sér til að spá í hlýnun jarðar.
Við jarðskjálftann sem var ansi
snarpur urðu töluverðar breytingar á
jarðhitakerfinu undir bænum og í ná-
grenni hans. Jarðhitasvæði fluttust til
og ný urðu til. Í nágrenni við húsakynni
Garðyrkjuskólans að Reykjum hafði
jarðhitasvæði verið kyrrt á sama stað
síðan á 17. öld en í skjálftanum flutti
það sig um set í hálfan kílómetra til
austurs. Við það fór það undir skóg sem
byrjað var að rækta árið 1966.
Að sögn Bjarna Diðriks Sigurðs-
sonar prófessors í skógarvistfræði við
Landbúnaðarháskóla Íslands hefur
jarðvegurinn undir skóginum hitnað
mismikið og er víða svipaður og gengur
og gerist í Norður-Afríku. Þar sem hiti í
jarðvegi ræður töluvert meiru um vöxt
trjáa og fleiri plantna en lofthiti kvikn-
aði sú spurning hvaða áhrif þessi tilfær-
sla jarðhitans hefði á vöxt og viðgang
bæði trjáa og lággróðurs.
“Þarna sköpuðust óvænt alveg nýjar
aðstæður sem eru kjörnar til þess að
rannsaka áhrif hlýnunar á gróður,”
sagði Bjarni Diðrik. “Við vitum upp
á dag hvenær fór að hlýna og höfum
til samanburðar önnur jarðhitasvæði
sem ekki breyttust. Við getum því aflað
upplýsinga sem engir aðrir hafa tök á.
Hingað til hafa menn þurft að eyða
stórfé í niðurdælingu á heitu vatni en
þetta er eins og gjöf af himnum ofan
– eða neðan, eftir því hvernig það er
metið,” bætti hann við.
Þetta hefur þegar skilað ákveðnum
upplýsingum því að sögn Bjarna Dið-
riks virðist gróður spjara sig ágætlega
við takmarkaða jarðvegshlýnun. “Í
fyrstu eykst framleiðsla og vöxtur, enda
virðast flest gróðurkerfi hafa mikið
þol fyrir breytingum. En eftir því sem
jarðvegurinn verður heitari fækkar
góðu fréttunum. Þá vex hætta á því að
plöntur vakni of snemma og verði fyrir
áföllum í frosti. Með tímanum gætu þó
valist úr stofnar sem ekki láta plata sig
en þola breytingarnar.”
Þetta hefur vakið mikinn áhuga
hjá erlendum vísindamönnum og
fyrir tveimur árum var ákveðið að
setja upp rannsóknarverkefni. Það
hefur vafið upp á sig og nú taka þátt
í því 14 nemendur, þar af níu erlendir
doktorsnemar sem koma reglulega til
landsins til að vinna að verkefninu.
“Við erum að afla verkefninu stuðnings
og vorum að senda inn umsókn um
Evrópustyrk skömmu fyrir páska,” segir
Bjarni Diðrik Sigurðsson. ÞH
Hlustaðu á
viðtöl við
nemendur á
YouTube!
Á síðu LbhÍ á YouTube er talsvert af
viðtölum við nú-
verandi og fyrr-
verandi nemendur
LbhÍ. “Þetta er góð
leið til að segja
tilvonandi nem-
endum frá náminu
við LbhÍ,” sagði Áskell Þórisson, sem
stýrir útgáfu- og kynningarmálum við
skólann. Á heimasíðu skólans eru flýti-
hnappar yfir á YouTube.
Apríl 2014 Útgefandi: Landbúnaðarháskóli Íslands www.lbhi.is
LbhI blaðið
Háskólanámið og
búfræðin á Hvanneyri
en garðyrkjubrautir
á Reykjum
Aðsetur háskólanámsins og náms í
búfræði er á Hvanneyri í Borgarfirði.
Borgarnes er í 14 km fjarlægð og frá
Hvanneyri til Reykjavíkur eru um 80
km. Í nágrenni Hvanneyrar eru fallegar
göngu- og reiðleiðir og mikil náttúru-
fegurð.
Aðsetur starfsmenntanáms í garð-
yrkjutengdum greinum er á Reykjum
í útjaðri Hveragerðis.
Meðfylgjandi mynd er hluti af líkani
sem nemendur á umhverfisskipulags-
braut LbhÍ gerðu.
8. maí 2014 - Útgefandi: Landbúnaðarháskóli Íslands - www.lbhi.is
Umsóknarfrestur
um nám við
LbhÍ er til 5. júní
Umsóknarfrestur um nám í allar
deildir og brautir Landbúnaðarháskóla
Íslands er til og með 5. júní. Sótt er um
á nám á rafrænu formi á heimasíðu
skólans www.lbhi.is
Jákvæð
niðurstaða
alþjóðlegrar
úttektarnefndar
Alþjóðleg úttektarnefnd gæðaráðs ís-
lenskra háskóla heimsótti skólann þann
10.-12. mars á liðnu ári. Þann 12. sept-
ember sama ár afhenti gæðaráðið svo
matsskýrslu (Institution Wide Review
Report) í kjölfar sjálfsmats stofnunar-
innar (Reflective Analysis).
Niðurstaða matsskýrslunnar var já-
kvæð og skólanum sýnt fullt traust í
þeim meginþáttum sem metnir voru
í skýrslunni.
Bjarni Diðrik Sigurðsson prófessor í skóginum sem nú lætur undan síga vegna jarðhita. Með honum eru sænskar stúlkur sem eru nemendur við landbúnað-
arháskólann í Uppsölum í Svíþjóð (SLU), Agnes Bondesson (t.v.) og Hanna André.