Bændablaðið - 08.05.2014, Blaðsíða 23

23Bændablaðið | Fimmtudagur 8. maí 2014
Yndisgróður hefur átt mjög gott
samstarf við þau sveitarfélög sem
hafa lagt til land, vinnu og kostnað
við gerða garðanna og umhirðu.
Yndisgarðarnir hafa þríþætt
hlutverk. Í fyrsta lagi að varðveita
úrval erfðarauðlindar íslenskra
garð- og landslagsplantna, í öðru
lagi til að rannsaka harðgerði og
eiginleika þessara plantna og í
þriðja lagi til að vera sýnireitir fyrir
fagfólk og almenning. Á komandi
árum mun Yndisgróður leggja
áherslu á vali á úrvalsyrkjum og
markaðssetningu þeirra.
Verkefnið Yndisgróður er fyrsta
verkefni sinnar tegundar á Íslandi
þar sem farið er heildstætt í velja það
besta úr íslenskum plöntuefniviði
og opnar jafnframt möguleika á
að kynbæta enn frekar úr þessum
úrvalsefniviði og fá plöntur sem eru
sérsniðnar fyrir íslenskar aðstæður.
Skólinn telur því vel við hæfi að
veita Yndisgróðursverkefninu
hvatningarverðlaun garðyrkjunnar
2014 og vonar að það eigi langa
lífdaga fram undan.
Heiðursverðlaun
garðyrkjunnar 2014
Magnús Ágúst Ágústsson,
garðyrkjuráðunautur er fæddur á
Löngumýri á Skeiðum þann 23.
apríl 1950 á fyrsta sunnudegi í
sumri, sonur hjónanna Emmu
Kristínar Guðnadóttur og
Ágústar Eiríkssonar bónda og
garðyrkjufræðings. Magnús er
kvæntur Rannveigu Árnadóttur og
eins og hann segir sjálfur frá þá er
það góður maki sem gerir manni
kleift að helga sig áhugamálinu
að fullu. Uppeldið og nám við
Menntaskólann á Laugarvatni
leiddi til þess að líffræðinám við
HÍ varð fyrir valinu en lokaritgerð
Magnúsar fjallaði um fóðurfræði
sauðfjár. Tilviljun ein leiddi til þess
að Magnúsi var boðið að halda utan
til náms við háskólann í Reading
til að nema tækni og ræktun með
lýsingu í gróðurhúsum í apríl
1975. Tilviljunin var þannig að
styrkur hafði fengist frá UNDP/
FAO til að kosta 2 Íslendinga til
náms í Englandi. Óli Valur Hansson
garðyrkjuráðunautur og Björn
Sigurbjörnsson forstjóri RALA
sátu á skrifstofu þess síðarnefnda
og veltu fyrir sér hvern ætti að senda
auk Hilmars Magnússonar. Þá gekk
Magnús framhjá skrifstofu Björns
og hann segir: Þarna er maðurinn…
Eftir það varð ekki aftur snúið enda
nóg af ágætum fóðurfræðingum til
að sinna sauðfénu. Að námsdvöl
lokinni hóf Magnús störf sem
tilraunastjóri við Garðyrkjuskóla
ríkisins en fyrstu árin var unnið
að tilraunum sem styrktar voru
af UNDP/FAO undir yfirumsjón
breskra sérfræðinga. Magnús
sinnti starfi sem tilraunastjóri við
Garðyrkjuskólann fram til ársloka
1985 en það ár gerðist hann
garðyrkjubóndi í Lindarbrekku í
Hveragerði og rak garðyrkjustöðina
fram til ársins 1993. Árið 1990 var
Magnús ráðinn sem landsráðunautur
í ylrækt hjá Búnaðarfélagi Íslands,
síðar Bændasamtökum Íslands
og frá árinu 2003 vann hann sem
landsráðunautur í garðyrkju. Hann
fluttist yfir til Rannsóknamiðstöðvar
landbúnaðarins við stofnun hennar
í ársbyrjun 2013. Magnús sinnti
stundakennslu í Garðyrkjuskólanum
meðfram öðrum störfum sínum á
árunum frá 1986 til 2001 en árin
2001-2003 var hann fagdeildarstjóri
ylræktarbrautar.
Magnús hefur skrifað fjöldann
allan af greinum um garðyrkju,
bæði vísindagreinar um
niðurstöður tilrauna, faggreinar
fyrir garðyrkjuframleiðendur og
fræðandi greinar fyrir almenning
og hefur verið óþreytandi við að
miðla upplýsingum um fag sitt til
annarra. Garðyrkjubændur hafa
notið krafta hans um árabil og
fullyrða margir þeirra að Magnús sé
lykilmaður í þeim árangri sem náðst
hefur í framleiðslu í íslenskum
gróðurhúsum. Það er því skólanum
sannur heiður að sæma Magnús
heiðursverðlaunum garðyrkjunnar
árið 2014. /HKr.
Hér eru keppendurnir í blómaskreytingarkeppni Garðyrkjuskóla Íslands, talið frá vinstri; Bergþóra Björg Karlsdóttir nemi, Jón Þröstur Ólafsson, Magdalena
Kowalonek, Sunneva Guðmundsdóttir, Sveinbjörg Lúðvíksdóttir og Valgerður Guðjónsdóttir. Myndir / HKr.
Boðið upp á alíslenskt kaffi og Íslandsmeistaramót í blómaskreytingum í Garðyrkjuskólanum:
Valgerður Guðjónsdóttir er Íslandsmeistari
í blómaskreytingum 2014
Viðamikil dagskrá var í
Garðyrkjuskólanum að
Reykjum í Hveragerði
sumardaginn fyrsta og stóð
dagskráin frá tíu um morguninn
fram til klukkan hálf sex um
kvöldið. Í aðalbyggingu skólans
fór fram Íslandsmeistarakeppni
í blómaskreytingum þar sem
Valgerður Guðjónsdóttir stóð
uppi sem sigurvegari.
Þátttakendur í Íslandsmeistara-
keppni í blómaskreytingum
voru Bergþóra Björg Karlsdóttir
nemi, Jón Þröstur Ólafsson,
Magdalena Kowalonek, Sunneva
Guðmundsdóttir, Sveinbjörg
Lúðvíksdóttir og Valgerður
Guðjónsdóttir. Guðríður
Helgadóttir, forstöðumaður
starfs- og endurmenntunardeildar
Landbúnaðarháskóla Íslands
veitti öllum þátttakendum
viðurkenningarskjal og tók fram
að venjulega hafi keppnin er
tvískipt þar sem annars vegar
hafi farið fram keppni nemenda
og hins vegar meistara í faginu.
Nú var hópurinn aftur á móti
blandaður. Vakti árangur eina
nemans í keppninni, Bergþóru
Bjargar Karlsdóttur, því
sérstaka athygli en hún lenti í
öðru sæti. Í þriðja sæti var Jón
Þröstur Ólafsson en sigurvegari
var sem fyrr segir Valgerður
Guðjónsdóttir.
Markaðstorg með garðyrkju-
afurðir var einnig haldið
í skólanum þar sem ýmis
fyrirtæki kynntu afurðir sínar og
jafnframt fór þar fram kynning á
námi við skólann og alls konar
námskeiðum sem eru í boði.
Alíslenskt kaffi
Þá voru einnig kaffiveitingar á
boðstólum og þar var m.a. boðið
upp á alíslensk kaffis sem ræktað
var í bananahúsi skólans. Vakti
þetta mikla athygli enda hefur
kaffi ekki verið ræktað á Íslandi
áður. Var kaffið sem boðið var
upp á úr annarri uppskeru af kaffi
úr bananahúsinu. Var gestum
boðið að kaupa sér bolla af kaffi
en hver bolli var sérmerktur og
fylgdi með í kaupunum. Skemmst
er frá að segja að kaffibollarnir
seldust upp á augabragði og fengu
mun færri en vildu.
Margfalt afmæli
Auk þess sem haldið var upp
á það á sumardaginn fyrsta
að Garðyrkjuskólinn á 75 ára
afmæli á þessu ári má geta þess
að Landbúnaðarháskóli Íslands,
sem Garðyrkjuskólinn er hluti
af, er tíu ára og 125 ár eru síðan
Bændaskólinn á Hvanneyri var
stofnaður.
/HKr.
Valgerður Guðjónsdóttir er Íslandsmeistari í blómaskreytingum 2014 og
hér er hún bæði með farand- og eignarbikar ásamt gullmedalíu fyrir afrekið.
Tækið sem alla iðnaðarmenn
dreymir um:
Trésmiðinn, píparann,
rafvirkjann, bílasmiðinn,
flísalagningamanninn,
dúkarann, málarann
F A G M E N N S K A A L L A L E I Ð
FJÖLNOTAVÉL
SuperCut
FM 14-180
Steinskurðarvél
Þeir máttu teljast heppnir
ráðherrarnir Illugi Gunnarsson
og Sigurður Ingi Jóhannsson
sem og Ágúst Sigurðsson, rektor
Landbúnaðarháskóla Íslands, að hafa
bollum, því færri fengu en vildu.