Skírnir - 01.09.1992, Qupperneq 51

SKÍRNIR
SNORRI GOÐI OG SNORRISTURLUSON
313
það er eigi jafnan best að ganga síðast“. Þegar Óspakur Kjallaks-
son hafði rænt á heimili Álfs hins litla í Þambárdal, hljóp Álfur,
eins og sagan segir, í Tungu til Snorra og eggjaði hann mjög að
fara þegar norður að Óspaki. En Snorri vildi fyrst frétta að norð-
an hvort Óspakur hefði gert fleira en hrekja Álf. Kjartan frá
Fróðá var systursonur Snorra og hljóp fram til að verja Snorra
þegar sótt var að honum einhverju sinni. Eftir bardagann mælti
Snorri við Kjartan: „Fram sóttir þú nú mjög í dag, Breiðvíkingur-
inn“. I þessu er fólgið að Kjartan sé ekki sonur Þórodds á Fróðá
heldur Björns Breiðvíkingakappa; kemur fram í sögunni að Björn
var ástmaður Þuríðar systur Snorra og lét Þóroddur maður henn-
ar þetta afskiptalítið af ótta við Björn.58 Þess vegna var það að
Þórður blígur spurði Björn einhverju sinni á mannamóti þegar
hann hafði rætt við Þuríði, „hvort hann hefði séð um daginn
sveininn Kjartan, son þeirra Þórodds allra saman“.59
En að öllu þessu athuguðu virðist fjarska líklegt að höfundur
Eyrbyggju geri Snorra goða í mynd Snorra Sturlusonar.
Er svona samanburður marktækur?
Hvers virði er nú svona samanburður eins og hér hefur verið
gerður á þeim Snorrum og getur hann orðið marktækur? Um það
má kannski hafa efasemdir og benda því til stuðnings á hug-
myndaríkar tilraunir Barða Guðmundssonar við að sýna fram á
hliðstæður með kunnum mönnum og atburðum í Sturlungu og
Islendingasögum. Almennt virðast menn hafa efasemdir um þessa
iðkun Barða og er kannski að vonum. Hér má benda á hvernig
hann sér hliðstæðu með Snorra goða, eins og honum er lýst í Öl-
kofraþætti, og Hrafni Oddssyni. Til að rökstyðja þetta bendir
hann á að Hrafn sé jafnan talinn fyrstur virðingarmanna í sam-
tímaheimildum frá 1271-7 en Snorri goði fyrstur í þættinum. I
Ölkofraþætti sé Snorra borið á brýn að hafa ekki hefnt föður síns
en þetta sé ekki maklegt og í raun sé ekki verið að beina þessu
58 ÍFIV.bls. 122,164,155.
59 lF IV. bls. 108.