Skírnir - 01.09.1992, Page 57

SKÍRNIR
SNORRI GOÐI OG SNORRI STURLUSON
319
kulda af kenna ráðum hans“. Þetta gæti átt vel við um Snorra
Sturluson, eins og áður er getið. Ekki kemur hins vegar skýrt
fram í Eyrbyggju að Snorri goði hafi í raun verið langrækinn og
heiftúðugur, það er amk. ekki sett á oddinn í sögunni. Etv. hafði
höfundur Eyrbyggju Snorra Sturluson svo ríkt í huga þegar hann
samdi lýsingu Snorra goða að hann tók með fleiri einkenni hins
fyrrnefnda en beinlínis var þörf fyrir í frásögn sögunnar um
gamla goðann, forföður hans?
Niðurstöður
Snorri goði, eins og honum er lýst í Eyrbyggju, er maður 13. ald-
ar miklu fremur en 10. eða 11. aldar. Þetta hefur Vésteinn Ólason
bent á með því að bera saman þá Snorra og höfuðandstæðing
hans, Arnkel goða. Höfundur Eyrbyggju leggur sérstaka áherslu
á ráðabrugg og kænsku Snorra goða með því að sýna að hann sé
ekki mikil hetja eða hermaður í stíl Arnkels goða. Samt þenur
Snorri út veldi sitt. Samanburður hans við Snorra Sturluson virð-
ist harla nærtækur. Goðinn í Reykholti tók öllum öðrum höfð-
ingjum 13. aldar fram í því að auka við veldi sitt með pólitísku
ráðabruggi en engum sögum fer af hermennsku hans.
Samanburður Snorranna var sjálfsagt nærtækur vegna nafns,
vegna þess orðs sem fór af visku og ráðabruggi beggja, vegna
mægða sem notaðar voru í pólitískum tilgangi og etv. einnig
vegna fjölskrúðugra kvennamála. Þannig hefur höfundur Eyr-
byggju væntanlega komist á sporið og hann notar Snorra Sturlu-
son til að draga upp heilsteypta mynd af Snorra goða. Auk þess
sem hann er lágvaxinn og forðast að beita sverði er hann ágjarn
og valdagráðugur og kostar kapps um að mynda héraðsríki.
Hann virðist vera óvinsæll enda sagður langrækinn og heiftúðug-
ur og kímni hans er háðsk. Menn kenna kulda af ráðum hans.
Síðast en ekki síst, Snorri goði á það sammerkt með nafna sínum
að forðast að beita sverði. Þetta er mjög sérstakt um höfðingja,
hvort sem er í heimi Islendingasagna eða á ritunartíma þeirra á
Sturlungaöld.
Hér er því haldið fram að þessar líkingar séu meira en tilviljun,
Snorri goði hljóti að vera gerður í mynd nafna síns og afkomanda.