Skírnir - 01.09.1992, Side 143

SKÍRNIR
FRAMTÍÐARSKIPAN VINNU
405
Lokaorð
I grein þessari hef ég skýrt frá kenningalegri umræðu um þróun
iðnaðar síðustu áratugi og gert grein fyrir framtíðarhorfum í
verkaskiptingu og á vinnumarkaði. Getið hefur verið um kenn-
ingar í anda tæknihyggju og kenningar sem taka mið af skrifum
Karls Marx. Þungamiðja greinarinnar eru kennisetningar Piores
og Sabels og Kerns og Schumanns er telja að senn renni upp tím-
ar sveigjanlegrar sérhæfingar er afnema muni að verulegu leyti
fyrri skipulagsform í iðnaði.
Hér að framan var einnig lagt mat á þessar hugmyndir og sú
niðurstaða fengin að umskiptin verði ekki jafn gagnger og tals-
menn hins nýja tíma hafa boðað. Það á einkanlega við um endur-
skipulagningu vinnu.
Hvað sem því líður er engum vafa bundið að efnahagslíf
Vesturlanda hefur tekið stórstígum breytingum að undanförnu
og ekki sér enn fyrir endann á þeirri framvindu. Athyglisvert er
að umbreyting þessi snertir flesta þá er framleiðslu og þjónustu
stunda. Stjórnendur fyrirtækja standa nú andspænis óstöðugum
mörkuðum og linnulausum tækninýjungum. Launafólk stendur
frammi fyrir nýrri tækni, breyttri verkaskiptingu og kröfum um
endurmenntun. Auk þess hefur starfsemi verkalýðshreyfingar-
innar tekið breytingum með nýskipan vinnumarkaðar þar sem
launamisrétti og önnur misskipting virðast færast í aukana. Af
þessu leiðir að nú er brýn þörf fyrir gagnrýna og opinskáa um-
ræðu um framtíð vinnu og þróun atvinnulífs á komandi árum.
(Ég þakka Jóni Böðvarssyni ritstjóra og Stefáni Ólafssyni prófessor fyrir fjölmarg-
ar ábendingar er lúta að málfari og efnisinntaki ritgerðarinnar.)
Heimildir
Blauner, Robert: 1964, Alienation and Freedom. University of Chicago Press,
Chicago.
Braverman, Harry: 1974, Labor and Monopoly Capital. Monthly Review Press,
New York.