Múlaþing: byggðasögurit Austurlands - 01.01.1991, Síða 102

100
MÚLAÞING
konu og setjast að á íslandi. Sagan segir: „Flosi kvezk skyldu saman
róa, svá at keypt yrði, ok kaupa síðan skipit at honum. Austmaður
gladdisk við þetta. Flosi bauð honum land í Borgarhöfn. Síðan helt
Austmaðr á málinu við bónda, svá að Flosi var hjá. Flosi lagði til orð
sín með þeim, svá at saman gekk kaupit; lagði Flosi til landit í Borg-
arhöfn með Austmanninum, en tók handsölum á kaupskipinu. Flosi
hafði ok af Austmanni tuttugu hundruð vöru, ok var þat í kaupi
þeirra."
Ekki verður séð hvernig þessar frásagnir koma saman. Þó má vera
að Þorgrímur í Borgarhöfn hafi átt konu af ætt kaupmannsins norska,
og á það má benda að Gissur biskup ísleifsson var farmaður á yngri
árum. Ef til vill hafa Steinunn og Gissur átt Borgarhöfn.
Annarrar tilgátu verð ég að geta, sem gæti skýrt umráð Þorláks
Guðmundssonar og Magnúsar sonar hans yfir eignum í Skaftafells-
þingi um og eftir miðja 13. öld.
í Þorsteins þætti stangarhöggs er rakin ætt frá Þorsteini Síðu-Halls-
syni39. Þar segir: „Ámundi var ok sonr Þorsteins ok Yngvildar. Hann
átti Sigríði, dóttur Þorgríms blinda.“ í viðaukum við Landnáma útgáfu
Einars Arnórssonar40, sem eru úr Melabók, segir þegar rakið er frá
Ámunda Þorsteinssyni: „Ámundi átti Sigríði dóttur Þorgríms sviða.“
Eyrbyggja segir síðan um Þóru dóttur Snorra goða: „Þóru dóttur sína
gifti Snorri Kerru-Bersa, syni Halldórs Ólafssonar ór Hjarðarholti.
Hana átti síðan Þorgrímr sviði, ok er þaðan komin mikil ætt ok
göfug.“
Mér er nær að halda að Þorgrímur sviði og Þorgrímur blindi séu
sami maður og Landnáma kallar ýmist inn hára eða háva og bjó í
Borgarhöfn. Það kæmi bærilega heim og saman, að Ámundi Þorsteins-
son hefði tekið við búi í Borgarhöfn af tengdaföður sínum.
Máldagi Borgarhafnarkirkju talinn frá biskupstíð Jóns Sigurðssonar
1343 segir42: „Kirkja í Borgarhöfn á svo mikið í landi sem prestsskyld
heyrir.“ Ekki er vitað hvenær kirkja var sett í Borgarhöfn.
í máldaga Kálfafells í Fellshverfi sem talinn er frá 136743 og settur af
Oddgeiri biskupi Þorsteinssyni segir: „hun a x vxa beit a borgar hafnar
heidi vm sumar vidarhögg j hola land a xxx hesta.“
Ennfremur segir í máldaganum: „Þangað liggja tijunder oc lyse-
tollar af viij bæium. Þangad liggur kirkian j borgarhöfn.“
Aftur er Borgarhafnar getið í máldaga Kálfafells í Fellshverfi hjá
Vilchin Skálholtsbiskupi44. Þá er í máldögum Vilchins sérstakur mál-
dagi fyrir kirkjuna í Borgarhöfn45.