Jón á Bægisá - 01.12.2006, Blaðsíða 22

Pia Tafdrup
Dagar sem hverfa
Það eru ekki bara greni og fura
heldur líka kyrrðin milli trjánna þegar óveðrið lægir
sem gerir kyrrðina stærri
og gegnsærri
það er ekki bara gras og lyng
heldur líka hljóðið sem líður burt milli jurtanna
sem gerir kvöldin ólík öðrum kvöldum
létt einsog reyttar fjaðrir
það eru ekki bara sandhólar og kurlhrúgur
heldur líka glymur skrefa á sendinni jörð
sem breiðist út meðal seigra róta
og lætur grundina virðast einkennilega hola
það er ekki bara hafið og fárviðrið
heldur líka saltið á vörum mér
sem sársvíður og nístir
og vekur athygli tungunnar á landslaginu
það eru ekki bara litirnir hérna
heldur líka lyktin af litum þegar birtan breytist
sem heldur áfram og áfram
í það óendanlega
það er ekki bara bjarminn kringum geitatopp og bláklukku
heldur þunn fljótandi birtan alstaðar
sem veitir bestu vímuna
einsog loftið sem ég anda að mér
20
á Jföay/tiá — Tímarit þýðenda nr. io / 2006