Jón á Bægisá - 01.12.2006, Qupperneq 24

Stephen Spender
Júdas Ískaríot
Augu tuttugu alda
elta mig eftir rangölum þangað sem
ég er málaður á veggi fyrir endum þeirra.
Síendurteknar framtíðir þekkja
þetta rauða hár og rauða skegg þarsem ég sit
inní myrkum helli hátíðar ljóssins.
Frammúr hjartalaga skugga teygi ég höndina
yfir hvítdúkað borðið oní skálina
en ekki til að væta brauðið. Það er einsog
dúkurinn á báðar hendur dúfubjartri ásjónu
breiði út blikandi vængi sem lyfta postulunum
og bera þá inní sýnina
þarsem augu þeirra sjá sig upphafin.
Dumbrauð hönd yfir skálinni
snertir öfundarfull við einni fjöður
— en örfleygir vængir slá mig til jarðar!
Ég heilagur Sebastían illskunar
stend hér: öll augu lögmætar örvar og nísta
myrkur illsku minnar. Þau kannast við
geislabauginn smíðaðan úr þrjátíu silfurpeningum
og hampreipið um háls mér
mjúkt einsog máttvana armar þessa anda
þegar hann lagði svarið á kinn mér með kossi
sem látlaust undar mig -
mínar kynlegu krossdröfnur,
eintóm ást og hatur, eintómur eldur og ís.
22
á .ddaiý/áá — Tímarit þýðenda nr. io / 2006