Bændablaðið - 13.05.2015, Blaðsíða 21

21Bændablaðið | Miðvikudagur 13. maí 2015
Fyrrv. vísindamaður NASA spáir
vatnsþurrð í Kaliforníu 2016
– Janúar sá þurrasti frá upphafi mælinga og snjósöfnun í fjöllum aldrei minni
Veðurfar það sem af er þessu ári
gefur ekki vísbendingar um góða tíð
í Kaliforníu hvað úrkomu varðar.
Bandaríska geimferðastofnunin
NASA vinnur nú að þurrkaspá
fyrir svæðið fyrir næsta ár sem
lítur vægast sagt hræðilega út.
Greint er frá því á netmiðlinum
Inquisitr að sumir sérfræðingar kenni
ofurþurrkum um hlýnun loftslags á
jörðinni. NASA áætlar að það þurfi
11 billjónir gallona eða um það bil
50 billjónir lítra (50 milljarða tonna)
af vatni til að snúa þurrkadæminu við
í Kaliforníu.
Vitnað er í Jay Famiglietti,
fyrrverandi vatnsvísindamann hjá
þotuhreyflarannsóknastöð NASA,
sem segir að janúar 2015 hafi
verið þurrasti janúarmánuður síðan
mælingar hófust 1895. Einnig að
grunnvatnsstað og snjósöfnun í
fjöllum hafi aldrei verið eins lítil.
Kalifornía vatnslaus 2016
Í byrjun mars gaf bandaríska
landbúnaðarráðuneytið það út að
einn þriðji rannsóknarstöðva sem
vakta snjósöfnun í fjöllum Kaliforníu
hafi sýnt minnstu snjósöfnun sem þar
hafi nokkru sinni mælst. Á þessum
upplýsingum byggir Jay Famiglietti
spá sem segir að Kalifornía verði
algjörlega vatnslaus árið 2016.
„Sem stendur á ríkið aðeins um
það bil ársbirgðir af vatni eftir í sínum
lónum og okkar bráðnauðsynlega
grunnvatn er að hverfa mjög hratt,
skrifar Famiglietti í Los Angeles
Times.
Til að mæta þessari stöðu hefur
verið gefin út skipun um að spara
vatn í ríkinu samkvæmt lögum sem
sett voru í fyrra (the Sustainable
Groundwater Management Act of
2014). Þrátt fyrir þessi lög er ljóst að
réttur landeigenda til uppdælingar á
vatni er mjög sterkur og þegar hafa
risið dómsmál út af slíkum málum.
Þegar orðið slæmt en á bara
eftir að versna
Í Inquisitr var hann spurður nánar um
þennan frest sem Kaliforníubúar hafi
og hann dró þar ekkert úr spá sinni.
„Margir halda að þurrkarnir í
Kaliforníu hafi þegar verið nógu
slæmir, en ofurþurrkar eiga eftir
að verða enn verri og geta staðið
í aldir.“
Eins og Inquisitr hefur greint
frá þá höfðu vísindamenn NASA,
við Cornell-háskóla og Kólumbíu-
háskóla áður gefið það út að
ofurþurrkar (Megadrought) geti
hafist einhvern tíma á árabilinu
2050 til 2099. Þar virðast þeir hafa
verið afar varfærnir í yfirlýsingum
í ljósi stöðunnar í dag og spá
Famiglietti. Hann segir að slæmu
fréttirnar séu að veruleikinn verði
verri en framtíðarspárnar geri
ráð fyrir í samanburði við fyrri
ofurþurrkatímabil. Leggur hann þó
áherslu á að vísindamenn séu alls
ekki að nota hugtakið ofurþurrkar
af léttúð.
„Reiknað er með að ofurþurrkar
í Kaliforníu geti einnig náð yfir
stærstan hluta Suðvesturríkja
Bandaríkjanna. Loftslag verður
einstaklega þurrt samfara hærra
hitastigi við jörðu.“ /HKr.

COMPRIMA CF155XC
Eina lauskjarna s
amstæðan á mar
kaðnum
með breytilega b
aggastærð Breytileg baggastærð, hægt er stilla
baggastærðina í 5 cm þrepum frá
1,25 m upp í 1,50 m
Comprima rúlluvélarnar eru búnar öflugum
söxunarbúnaði og þjappa vel sem skilar enn
meiru í rúllurnar og meiri fóðurgæðum
Við kjöraðstæður getur rúllunum fækkað um
allt að 30% og þar með eykst sparnaður í
flutningum, plasti, neti og vinnu.
Hverrar krónu virði
KRONE COMPRIMA CF155 X-Cut er hlaðin búnaði
17 hnífa skurðarbúnaður Glussastýrður stíflulosunarbúnaður EasyFlow sópvinda (215
cm) án brauta 60% færri slitfletir Netbinding Lokuð geymsla fyrir 10 plastrúllur Sjálfvirk
smurning á keðjum, miðlægir smurstútar á legum Flotmikil dekk í yfirstærð: 500/55-20 12PR
Skýr og góð stjórntölva með snertiskjá í lit Sjálfstætt vökvakerfi sem tryggir mun minna álag
á dráttarvélina og vökvakerfi hennar Breytilega baggastærð, bindur og pakkar rúllum í stærð-
unum frá 1,25m upp í 1,50 m Stærri rúllur spara plast og minnka vinnu við rúlluhirðingu og gjafir.
Allt þetta á aðeins kr. 9.500.000 án vsk.
Kaupauki að andvirði 170.000 kr. án vsk.: Video kerfi - myndavél og skjár sem myndar pökkunina.
Eigum örfáar vélar eftir óráðstafað.
ÞÓR HF
Reykjavík:
Krókháls 16
110 Reykjavík
Sími 568-1500
Akureyri:
Lónsbakka
601 Akureyri
Sími 568-1555
Vefsíða:

www.thor.is
Blaðið
kemur næst út
28. maí