Bændablaðið - 28.05.2015, Blaðsíða 10

10 Bændablaðið | Fimmtudagur 28. maí 2015
Fréttir
Kvenfélögin í Flóahreppi fengu
styrk frá framkvæmdanefnd um
100 ára kosningaafmæli kvenna
til að efna til hátíðahalda í tilefni
þessara tímamóta.
Dagskráin verður fléttuð inn
í hátíðahöld á Fjöri í Flóa um
næstu helgi en alla helgina mun
standa yfir farandsýning um 100
ára kosningaafmælið, einnig verða
sýndar myndir af fjallkonum á tjaldi.
Laugardaginn 30. maí verður
hátíðardagskrá í Þingborg sem hefst
kl. 14.00 með því að Guðmunda
Ólafsdóttir les úr BA-ritgerð sinni
„Konur áttu að halda sig heima“ sem
fjallar um fyrstu fjallferðir kvenna.
Jórukórinn mun syngja nokkur
lög á eftir undir stjórn Stefáns
Þorleifssonar. Um kvöldið verður
dagskrá í Félagslundi sem hefst kl.
21.00 en þar mun Kvennakórinn
Ljósbrá syngja undir stjórn
Maríönnu Másdóttur.
Hátíðardagskráin endar
sunnudaginn 31. maí í Þingborg
kl. 13.00 þar sem Guðrún
Hildur Rosenkjær og Ásmundur
Kristjánsson kynna og sýna
þjóðbúninga og búningasilfur.
Allir eru hvattir til að mæta í
þjóðbúningum á þennan viðburð.
Kl. 14.30 syngur Þóra Gylfadóttir
einsöng, undirleikari verður Jón
Bjarnason. Auk þessara atriða vinna
kvenfélögin saman að mörgum
öðrum dagskrárliðum í Þingborg, t.d.
morgunmatnum á laugardeginum,
hlutaveltu, blóma- og grænmetissölu,
kaffi- og vöfflusölu o.fl.
Kvenfélögin sem standa
að dagskránni eru Kvenfélag
Gaulverjabæjarhrepps, Kvenfélag
Hraungerðishrepps og Kvenfélag
Villingaholtshrepps. /MHH
Konur fyrr og nú
– hátíðardagskrá á vegum kvenfélaganna í Flóahreppi
Sunnulækjarskóli Selfossi:
Fimm systkini í skólanum
og mamman kennari
„Þetta er mjög gaman enda fínt
að vera að vinna á vinnustað
þar sem börnin manns eru
undir sama þaki og ganga
menntaveginn, öll í mismunandi
bekkjum, ekkert af þeim eru
fjölburar,“ segir Margrét Drífa
Guðmundsdóttir, kennari í
sérdeild Sunnulækjarskóla á
Selfossi.
Fimm barna hennar og Ágústs
Guðjónssonar eru í skólanum.
Ásdís er elst en hún er í 10. bekk,
Brynhildur er í 9. bekk, þá Helena
sem er í 7. bekk, Katrín er í 4. bekk
og loks er það eini strákurinn í
systkinahópnum, Benóný, sem
er í 1. bekk. Fjölskyldan býr á
Selfossi en mun flytja upp úr næstu
áramótum á Læk í Flóahreppi þar
sem þau munu stunda búskap.
Margrét Drífa og Ágúst eru bæði
búfræðingar frá Hvanneyri.
/MHH
Helstu fjallvegir landsins eru sem
óðast að verða færir. Þannig er það
líka með veginn yfir í Mjóafjörð á
Austfjörðum sem jafnan lokast í
fyrstu snjóum.
Það tók ekki nema um 20
klukkutíma að opna veginn í
Mjóafjörð þetta vorið miðað við
ríflega 40 tíma í fyrra.
Heldur er minni snjór á svæðinu
en oft áður en nóg samt líkt og sjá
má á þessari mynd sem er á vef
Vegagerðarinnar.
Vegurinn í Mjóafjörð
opnaður á 20 tímum
Bændasamtökin og VÍS:
Samkomulag um að efla vitund
og vinnuvernd í landbúnaði
Bændasamtök Ís lands
og VÍS undirrituðu fyrir
skömmu samning um að
efla vitund og vinnuvernd í
landbúnaði. Það voru Auður
Björk Guðmundsdóttir,
framkvæmdastjóri fyrirtækja-
sviðs VÍS, og Sigurður
Eyþórsson, framkvæmdastjóri
BÍ, sem undirrituðu samninginn
miðvikudaginn 6. maí.
„Okkur er málið skylt enda
bændur mjög mikilvægir
viðskiptavinir sem við höfum átt
farsæla samleið með um land allt
í áratugi. Rætur VÍS eru djúpar í
dreifbýlinu eins og okkar víðfeðma
þjónustunet ber með sér,“ segir
Auður Björk Guðmundsdóttir,
framkvæmdastjóri hjá VÍS.
„Forvarnir skipa stóran sess
í starfsemi okkar og það eru
sameiginlegir hagsmunir allra að
fyrirbyggja slysin og lágmarka tjón
í landbúnaði. Við fögnum þessu
frumkvæði Bændasamtakanna
og höfum væntingar um góðan
árangur af þessari vinnu.“
Sigurður Eyþórsson, fram-
kvæmda stjóri Bænda samtak anna,
tekur í sama streng.
„Verkefnið hófst í fyrra og lofar
góðu. Með liðsinni VÍS verður nú
lagst fastar á árarnar. Það hefur sýnt
sig að öryggi við landbúnaðarstörf
er því miður ábótavant í of mörgum
tilfellum. Þessu þarf að breyta til
batnaðar og nú gerum við gangskör
að því.“
Með samningnum er innsiglað
samkomulag um samstarf hvað
varðar forvarnir og ábendingar til
bænda sem leitt geti til lækkunar á
slysatíðni. Telur Sigurður fulla þörf á
að starfsfólk í landbúnaði haldi vöku
sinni í þessum efnum og að bændur
mættu taka sér til fyrirmyndar þann
mikla árangur sem náðst hafi við
tilkomu Slysavarnarskóla sjómanna
á sínum tíma. Auður Björk tók undir
þetta og sagði mikilvægt að auka
meðvitund um þær hættur sem
skapast geta við landbúnaðarstörf.
Hugarfarið til þessara mála skipti
miklu máli.Verkefnið „Vitund og
vinnuvernd í landbúnaði“ er rekið
af Bændasamtökunum og felst í
því að bændur fá heimsókn þar
sem farið er yfir stöðu öryggis-
og vinnuverndarmála á býlinu
eftir ákveðinni forskrift. Eftir
heimsóknina fá bændur skýrslu um
sína stöðu þar sem bent er á það
sem hugsanlega mætti betur fara og
ræddar leiðir til úrbóta.
VÍS styrkir verkefnið um 15.000
kr. fyrir hverja heimsókn á býli sem
er með tryggingar hjá félaginu. Í
samkomulaginu er einnig kveðið á
um markvissa kynningu á öryggis- og
vinnuverndarmálum í Bændablaðinu
á samningstímanum.
Snjóblásari nagar sig í gegnum
Mynd / VR
Mynd / HKr.
Nemi í menningarvísindum frá
Þýskalandi, Lydia, 24 ára gömul,
óskar eftir að komast í gistingu á
sveitabæ nálægt Reykjavík dagana
30. maí–2. júní gegn því að aðstoða
við bústörfin.
Hún mun síðan ferðast um landið
til að kanna náttúru og menningu
þess. Bændur í nágrenni Reykjavíkur
vinsamlega sendi Lydiu póst á
lydia.m.kirchner@gmail.com ef
þetta vekur áhuga.
Vill aðstoða við bústörfin
Mynd / MHH
Húnaþing vestra:
Nýr samningur um dreifnám
Sveitarfélagið Húnaþing
vestra hefur gert samning við
Fjölbrautaskóla Norðurlands
vestra um dreifnám í Húnaþingi
vestra til ársloka 2019.
Í bókun sveitarstjórnar er
samningnum fagnað, enda sé
dreifnámið samfélaginu mikilvægt.
Ungu fólki sé gert kleift að vera
lengur heima með þeim félags- og
fjárhagslega ávinningi sem af því
hlýst. Einnig segir að það hafi sýnt
sig að fleiri skrá sig til náms á þeim
stöðum þar sem dreifnám er í boði
og dreifnámsnemendur skili sér vel
í áframhaldandi nám.
Framlag ríkisins dugar ekki fyrir
kostnaði við reksturinn
Í bókun er vakin athygli á því að
það fjárframlag sem ætlað sé til
dreifnámsins frá ríkinu standi
ekki straum af öllum kostnaði við
rekstur þess. Á þessu ári styðji
sveitarfélagið við dreifnámið með
fjárframlagi upp í um 6 milljónir
króna auk þess að niðurgreiða
hádegismat nemenda. Það hafi
staðið straum af standsetningu
húsnæðis dreifnámsins, keypt
nauðsynlegan búnað ásamt
fyrirtækjum og félagasamtökum í
sveitarfélaginu.
Vakin er athygli á því að þó svo
að samningurinn gildi til ársloka
2019 sé í honum ákvæði um
lágmarksfjölda nemenda. Það sé
því afar mikilvægt að foreldrar í
sveitarfélaginu hvetji börn sín til
að sækja nám í dreifnáminu fyrstu
ár framhaldsskólanámsins til að
þjónustan haldi áfram að vera í boði
fyrir ungmenni í Húnaþingi vestra.
/MÞÞ
Mynd / HKr.