Bændablaðið - 28.05.2015, Blaðsíða 41

41Bændablaðið | Fimmtudagur 28. maí 2015
Útflutningur – Verðmætasköpun og ný tækifæri
Framleiðendur sögðu stuttar reynslusögur af framleiðslu og útflutningi
GARÐAR STEFÁNSSON
Norður og Co.
Garðar Stefánsson framleiðir salt undir
merkjum Norðursalts á Reykhólum,
innarlega í Breiðafirði.
Garðar segir að markaðsstarfið
grundvallist fyrst og fremst út frá
sýninni á sjálfbæra matvælavinnslu.
Mikil áhersla sé líka lögð á að vörurnar
eru unnar á sem umhverfisvænastan
hátt. Mikil vinna hafi í upphafi verið lögð í að skapa vörumerki með tilheyrandi hönnunar- og ímyndarvinnu. Strangar
gæðakröfur séu líka gerðar.
Vörur fyrirtækisins fást í Danmörku, Noregi, Svíþjóð, Þýskalandi, Austurríki og Belgíu. Söluskrifstofa er í
Árósum í Danmörku en höfuðstöðvar pökkunar eru í Reykjavík.
Helstu þröskuldar tengjast m.a. skorti á tíma og starfsfólki á Reykhólum.
Á ráðstefnunni var tilkynnt
um sigurvegara í vöru-
þróunarkeppninni Ecotrophelia
Ísland og verðlaun afhent. Um
keppni á meðal háskólanemenda
er að ræða og felst í að þróa
markaðshæf, vistvæn matvæli
eða drykki. Sigurvegari að þessu
sinni var hópur sem framleiddi
Humarpaté.
Aðstandendur keppninnar
eru Háskóli Íslands, Matís,
Nýsköpunarmiðstöð Íslands og
Samtök iðnaðarins.
Meginmarkmið keppninnar er
að stuðla að nýsköpun og þróun
nýrra, umhverfisvænna matvara fyrir
íslenskan og alþjóðlegan markað,
ásamt því að auka umhverfisvitund
og þjálfa frumkvöðlahugsun nemenda.
Keppnin í ár var haldin 20. maí og
kepptu fimm verkefni þá til úrslita.
Bragðefni úr beingörðum karfa,
Grafinn skötuselur, Kex fyrir
smábörn, Pate úr humarmarningi og
Þarate.
Sigurliðið hlýtur að launum rétt
til að taka þátt í alþjóðlegri keppni,
Ecotrophelia Europe http://www.
ecotrophelia.eu/, á meginlandi Evrópu
seinna á árinu, auk peningaverðlauna
og ráðgjafar frá sérfræðingum Matís
og Nýsköpunarmiðstöðvar.
Í lýsingu á Humarpaté kemur
fram að humarmarningur sé afurð
sem tiltölulega nýlega hafi verið
byrjað að vinna úr klóm leturhumars.
Með nýrri vinnsluaðferð sé hægt að
aðskilja kjötið frá klóm humarsins
sem hingað til hafa verið of litlar
fyrir slíka vinnslu.
Sigurhópurinn samanstendur
af Gunnari Ásgeirssyni, Ingu
Ósk Jónsdóttur, Margréti Evu
Ásgeirsdóttur, Sigfúsi Erni
Sigurðssyni, Snæfríði Arnardóttur,
Stefaníu Jónsdóttur og Þórhildi
Sigurðardóttur.
TILKYNNT VAR UM SIGURVEGARA Í ECOTROPHELIA-VÖRUÞRÓUNARKEPPNINNI:
Humarpaté sigraði
ÓSKAR ÞÓRÐARSON
Omnom
Úr tilraunaeldhúsi í heimahúsi í gamla
bensínstöð úti á Granda, voru fyrstu
framfaraskref súkkulaðigerðarinnar Omnom.
Óskar segir að ennþá sé starfsemin í gömlu
bensínstöðinni en þröngt sé um hana þar sem
tækjakostur sé orðinn mun fyrirferðarmeiri.
Mikið hefur verið lagt upp úr fallegri hönnun fyrir
vörumerkið og umbúðirnar – og segir Óskar að
velgengni Omnom megi þakka því að varan kom fram á réttum tíma á réttum stöðum; m.a. á
Matarmarkaði Búrsins og þegar Airwaves-hátíðin var í gangi 2013.
Vöxtur Omnom á síðustu tveimur árum hefur verið mjög mikill. Whole Foods hafði samband
í fyrra við fyrirtækið og óskaði eftir að fá súkkulaðið inn í sælkeraverslanir sínar. Í kjölfarið
bættust við fleiri verslanir og eru þær nú orðnar yfir 200 í Bandaríkjunum og Evrópu.
EYGLÓ BJÖRK ÓLAFSDÓTTIR
Móðir Jörð
Eygló segir að lykillinn að velgengninni
hjá Móður Jörð sé sérstaða vörulínunnar
og að stöðugt framboð sé af vörunum í
verslunum. Um lífrænt vottaðar vörur er
að ræða sem eru eingöngu úr jurtaríkinu
og útflutningurinn enn sem komið er felst
einkum í sölu til ferðamanna á Íslandi.
Helstu áskoranir eru tíminn og náttúran;
því það tekur tíma að þróa vörulínu og uppfylla allar kröfur. Öflun hráefnis er þar lykilatriði og stundum þarf að fá það
annars staðar frá, ef eitthvað bregst í umhverfinu. Þá er vandamál hversu lífræn ræktun er lítið útbreidd á Íslandi.
ÁGÚST ANDRÉSSON
Kaupfélag
Skagfirðinga
Ágúst talaði almennt um útflutning
á sauðfjárafurðum, enda formaður
Landssamtaka sláturleyfishafa.
Heildarútflutningur sauðfjárafurða
síðustu þriggja ára nam 14.547
tonnum. Helstu markaðir sem lögð verður áhersla á á næstu árum eru Rússland, Bandaríkin,
Asía, Spánn og Norðurlöndin.Talsvert hefur verið lagt í markaðsstarf með sameiginlegu
vörumerki, Icelandic lamb.
Í máli Ágústs kom fram að þróun á útflutningi sauðfjárafurða væri á uppleið og nefndi
hann sérstaklega að lykill að velgengni í útflutningi væri samvinna og það væri ofarlega á
baugi samtakanna að treysta tengslin.
SVAVAR Þ. GUÐMUNDSSON
Sæmark
Sölu- og markaðsfyrirtækið
Sæmark flytur út um átta
þúsund tonn af ferskum og
frystum fiski á ári til Evrópu
og Bandaríkjanna.
Að sögn Svavars er
fyrirtækið 30 ára og var það
með þeim fyrstu sem fóru að selja ferskan fisk á erlenda markaði. Sæmark selur ferskan fisk til stórra, kröfuharðra
kaupenda, en framleiðendur þeirra fiskafurða á Íslandi eru litlir og meðalstórir. Hann segir nauðsynlegt að skýr
krafa sé á gæðamál og því sé starfandi sérstakur gæðastjóri hjá fyrirtækinu. Afar mikilvægt sé að gæðakröfur séu
samræmdar að kröfum kaupenda – og þar sé stöðugleiki lykilatriði.
Að mati Svavars eru helstu hindranir fyrir velgengni í útflutningi óstöðugleiki,
skammsýni og sú staðreynd að íslenskur fiskur er takmörkuð auðlind.
EVA SÆLAND
Foss distillery
Foss distillery er fyrirtæki sem framleiðir
Björk líkjör og Birki snaps, vörur sem eru
unnar úr íslensku birki og birkisafa.
Saga fyrirtækisins hefst í raun á
veitingastaðnum Dill Restaurant árið 2009,
þegar birkigrein gleymdist í vodkaflösku og í kjölfarið verður Björk líkjör til. Fyrstu flöskur af Birki og
Björk eru framleiddar árið 2011 og síðan hefur aukningin i framleiðslu verið 80–100 prósent á ári, en
um 75 prósent af framleiðslunni er seld til útflutnings í gegnum fríhöfnina í Leifsstöð. Markaðssetning í
útlöndum er þolinmæðisvinna að sögn Evu og eru helstu þröskuldar að ná góðum samböndum.
Margrét Eva Ásgeirsdóttir og
Þórhildur Sigurðardóttir. Myndir / smh