Bændablaðið - 28.05.2015, Blaðsíða 1

10. tölublað 2015 ▯ Fimmtudagur 28. maí ▯ Blað nr. 443 ▯ 21. árg. ▯ Upplag 32.000
Samdráttur í kornræktinni
Allt útlit er fyrir að nokkur
samdráttur verði í kornræktinni
á Íslandi á þessu ári.
Bændablaðið leitaði til ráðunauta á
helstu kornræktarsvæðum landsins og
kannaði í gegnum þá hug kornbænda
til komandi sumars.
Ýmsir áhrifaþættir varðandi
ákvörðun um samdrátt
Óli Kristinn Ottósson, kúa- og
kornbóndi á Eystra-Seljalandi undir
Eyjafjöllum, segir að hann ætli
verulega að draga saman seglin.
Í fyrra voru 100 hektarar undir
kornrækt hjá Óla Kristni en í ár verða
þeir ekki nema 16. Nokkrar ástæður
eru fyrir samdrættinum, helstar þó að
álftir og gæsir hafa verið gríðarlega
ágengar á síðustu árum. Svo hafa
forsendur fyrir sölu á korni hér
innanlands brugðist vegna lækkunar
á heimsmarkaðsverði, að sögn Óla
Kristins, þannig að eftir stendur lítið
nema tapið.
„Mér finnst svakalega lélegt að við
kúabændur séum ekki styrktir til jafns
við svínabændur á alla hektarana.
Álftin hefur verið stórtækust
hér og í fyrra hugsa ég að hún hafi
tekið alveg af tíu hekturum hjá mér
í restina.“
Að sögn Óla Kristins ætla sumir
nágranna hans að hætta alveg og enn
aðrir minnka töluvert við sig – og
rækta í raun kornið bara til að ná
hálminum.
Annars staðar á Suðurlandi virðist
sömuleiðis ætla að verða einhver
samdráttur – sérstaklega vestan
Eyjafjalla – og svo í Skagafirði.
Almennt eru bændur um hálfum
mánuði seinna á ferðinni með sáningu
vegna tíðarfars.
Sjá nánar um stöðu og horfur
á helstu kornræktarsvæðunum á
blaðsíðu 28. /smh
4 24
Á dögunum fóru börn og foreldrar af leikskólanum Sunnufold, Funa í Grafarvogi í sumarferð að Bjarteyjarsandi í Hvalfjarðarsveit þar sem ýmislegt fróðlegt var að sjá. Huðnan Ilmur kippti sér
ekkert upp við það þegar Sunneva Daníelsdóttir heilsaði upp á hana og virtist líka heimsóknin vel. – Sjá bls. 7 Mynd /EHG
Óli Kristinn, kornbóndi á Eystra-Seljalandi undir Eyjafjöllum, þar sem fremur dökkt útlit er í kornrækt. Mynd / smh
Margfaldur
Íslandsmeistari
í fitness
við burðaraðstoð
í Borgarfirði
Fimm vetra
ærin Fimma bar
fimm lömbum
Gefur út
hljómdisk
mitt í
sauðburðinum
32–33