Bændablaðið - 28.05.2015, Blaðsíða 51

51Bændablaðið | Fimmtudagur 28. maí 2015
Búfjárafurðir:
Geitakjöt eftirsótt
Vinsældir geitakjöts hafa aukist
mikið á Bretlandseyjum undanfarið
og nú er svo komið að ræktendur
geita hafa ekki undan að framleiða
kjöt. Kjöt af kið er fitusnautt en
ríkt af próteini og járn.
Eftirspurnin eftir kjötinu er
svo mikil að tímaritið Observer
Food Monthly hefur útnefnt það
áhugaverðasta kjöt ársins 2015 og
vinsælir matsölustaðir keppast við
að bjóða það í matseðlum sínum.
Framboð á geitakjöti í Bretlandi
hefur verið takmarkað alveg eins og
hér á landi enda geitastofnar beggja
landa litlir.
Geitakjötið sem í boði er á
Bretlandi er mest af ungum höfum
þar sem huðnur fara í áframeldi
til framleiðslu á geitamjólk og
ostum. Árlega er slátrað um 30.000
geitum þar í landi. Auknar vinsældir
kjötsins hafa komið geitabændum
skemmtilega á óvart því fram til þessa
hafa Bretar verið tregir til að borða
geitakjöt þar sem hefð fyrir átinu er
lítil. /VH
Geitarstofninn á Íslandi er um eitt þúsund dýr. /VH
Fuglafælurnar frá Scarecrow eru mannúðleg og
vistvæn lausn sem halda fuglum varanlega frá
án þess að skaða þá eða valda ónæði í umhverfinu.
Mánaðarleiga frá 32.400 kr.
með VSK.
Ódýr lausn við
Langtímaleiga á hagstæðum kjörum
fuglavandamálum
Nánari upplýsingar
www.fuglavarnir.is
sala@fuglavarnir.is
Sími 896 1013
Haltu
starra, gæ
sum
og álftum
frá
Náttúruvernd og veiðar:
Veiðileyfi boðið út fyrir dýr
í útrýmingarhættu
Bandarískur auðmaður átti
hæsta boðið og greiddi 350
þúsund dollara til að fá að veiða
svartan nashyrning í Namibíu
en tegundin er sögð vera í bráðri
útrýmingarhættu.
Hugmyndin að baki uppboðinu
er með því að bjóða veiðileyfi á
eldri einstaklinga af dýrategundum
sé hægt að safna fé sem nota má
til að vernda eftirlifandi dýr innan
stofnsins.
Stjórnvöld í Namibíu afléttu
nýlega veiðibanni á ljónum og
hlébörðum í landinu og ætla að
bjóða út leyfi til að veiða dýrin til
að afla fjár.
Yfirvöld í Kamerún hafa einnig
ákveðið að bjóða út veiðar á að
minnsta kosti einum svörtum fíl úr
stofni sem einungis finnst þar í landi
og er í útrýmingarhættu.
Dýraverndunarsinnar hafa
mótmælt uppboð unum harðlega
og segja þau siðferðislega röng
og peningarnir sem fást fyrir
veiðileyfin ekki réttlæta drápin.
Verndunarsinnar benda á að
veiðiþjófar höggvi djúp skörð í
dýrastofna í útrýmingarhættu á
hverju ári og nú bætist veiðimenn
í hópinn sem kaupi sér hreina
samvisku. /VH