Bændablaðið - 28.05.2015, Blaðsíða 58

58 Bændablaðið | Fimmtudagur 28. maí 2015
Opel Zafira er hægt að fá með
tveim stærðum af vélum, Zafira
Enjoy með 1,6 l dísilvél sem skilar
136 hestöflum og Zafira Cosmo
með 2,0 l dísilvél sem skilar 165
hestöflum.
Bíllinn sem ég prófaði var
165 hestafla Cosmo. Krafturinn
og snerpan í bílnum er mjög
skemmtileg og leiddist mér ekki
að gefa bílnum inn við ýmsar
aðstæður. Svo mikill er krafturinn
að ef bílnum var gefið í botn úr
kyrrstöðu á þurru malbiki voru
hjólbarðarnir ekki að gefa nægilegt
grip svo að bíllinn fór í spól og
fannst mér það hálf skrítið að sjá
og finna spólvörnina koma inn á
þurru malbikinu. Uppgefin eyðsla
á Cosmo er 6,0 lítrar á hundraðið,
en ég prófaði fyrst bílinn í
innanbæjarakstri í tæpa 50 km og
var samkvæmt aksturstölvunni
að eyða 10,1 lítra á hundraðið. Í
langkeyrslu sem var rúmir 70 km
sagði tölvan að ég hafi verið að
eyða 6,8 lítrum miðað við 100 km
akstur. Mjög gott að mínu mati þar
sem að ég var ekkert að reyna að
spara eldsneyti enda leiðist mér
ekki að gefa kraftmiklum bílum
inn þegar þess er kostur.
Snilldarhönnun
Innréttingin er snildarhönnun sem
miðar að því að láta farþegum líða
vel og njóta ferðarinnar.
Í flestum sjö manna bílum eru
öftustu tvö sætin óþægileg og
engan veginn fyrir fullvaxna, en í
þessum sætum fannst mér ekkert
óþægilegt að sitja, en samt ekki nein
lúxusþægindi að sitja þar. Mundi
segja að öftustu sætin séu mjög góð
fyrir alla þá sem eru undir 150 cm
og 50 kg. Miðsætin þrjú eru góð
og þægileg að sitja í, en ef aðeins
fjórir eru að ferðast í bílnum er hægt
að breyta miðsætunum í lúxussæti,
bakinu á miðjusætinu er hallað fram,
púðar hvor sínum megin á bakinu
eru settir upp sem armpúðar og hin
sætin eru færð aftur og inn. Við þetta
skapast meira rými fyrir farþega
og þægindin aukast og til viðbótar
þá sjá farþegarnir í aftursætunum
betur fram á veginn út um stóra
framrúðuna.
Eins og hannaður fyrir
norðurljósaskoðun
Hönnun framrúðunnar og mikið
útsýni út um hana er einkenni Opel
Zafira og að setjast inn í bílinn og
draga aftur þakið (innréttinguna
þar sem sólskyggnið er fest), sem
færist allt aftur um 50 cm, við þetta
fær maður hreint frábært útsýni upp
á við og fyrir íslenskt landslag er
enginn bíll sem ég hef prófað sem
býður upp á annað eins útsýni og
Opel Zafira. Það hefði mátt halda
að hönnuður bílsins væri einlægur
aðdáandi norðurljósa því að í
ofanálag við þetta fína útsýni fram
og upp út um framrúðuna er Opel
Zafira með stóran þakglugga. Fyrir
mér er þessi bíll sérhannaður fyrir
norðurljósaferðir og í akstur undir
bröttum fjallshlíðum.
Bílabúð Benna býður upp á 10%
útborgun á nýjum bílum
Niðurstaða mín er að Opel Zafira
sé mjög hentugur bíll til margs,
býður upp á fjölda farþega og
þægilegan ferðamáta. Í akstri er
bíllinn lipur, fjöðrunin tekur holur
í götóttu gatnakerfi Reykjavíkur
vel, er mjúkur yfir hraðahindranir,
en heyrist aðeins of mikið í möl
skella undir bílnum á malarvegum.
Að eignast Opel er nú auðvelt þar
sem Bílabúð Benna býður þeim sem
kaupa nýjan Opel 90% lán og þar
af leiðandi þarf ekki að borga út
nema 470–550.000 í Opel Zafira
og þá er hann þinn. Verð á Opel
Zafira er frá 4.690.000, sá ódýrasti
beinskipti 136 hestafla Enjoy og upp
í 5.490.000 sjálfskiptur 165 hestafla
Cosmo. Nánari upplýsingar um
Opel má finna á vefsíðunni www.
Vélabásinn
liklegur@internet.is
Hjörtur L. Jónsson
Opel Zafira:
Skemmtilega kraftmikill bíll
með næstum of mikla snerpu
Þyngd 1.443-1.899 kg
Hæð 1.685 mm
Breidd 1.958 mm
Lengd 4.656 mm
Eldsneytistankur 58 Lítrar
Helstu mál og upplýsingar
Það getur kostað sitt að dæla röngu eldsneyti á bílinn:
Þarf oft að kalla til sérfræðiþjónustu fyrir seinheppna „bíldælinga“
Margir hafa lent í því að dæla röngu
eldsneyti á bílinn sinn, en fyrir
utan kostnaðinn af eldsneytinu
sem yfirleitt er ónýtt og nýtist
engum getur kostnaðurinn við að
dæla eldsneytinu af verið mikill
fyrir þann sem í þessu lendir.
Oftar eru það eigendur dísilbíla
sem lenda í að dæla bensíni á
bílinn en öfugt þar sem gatið fyrir
bensínbyssuna á bensínbílum
er minna en á dísilbílum og
passar dísilbyssan ekki í gatið á
bensínbílum. Hins vegar passar
bensínbyssan vel í eldsneytisgatið
á dísilbílum. Mjög margir bílar
eru þannig útbúnir að ekki er hægt
að sjúga eldsneytið til baka vegna
þess að inni í eldsneytistanknum
er einstefnuloki sem á að hindra
að eldsneytið leki út ef bíll veltur.
Því þarf oft að ná úr tanknum með
eldsneytisdælu bílsins við vélina
með slöngu í brúsa. Aðgerð sem
oft kallar á sérfræðiþekkingu frá
fyrirtækjum sem sérhæfa sig í að
aðstoða seinheppna „bíldælinga“.
Eftirfarandi er bréf sem barst
frá neytanda sem dældi röngu
eldsneyti á bílinn sinn til bílaprófara
Bændablaðsins.
„Laugardaginn 4. apríl 2015 fyrir
páska kl. 13.30 e.h. varð ég fyrir því
óláni að dæla bensíni á dísilbílinn
minn hjá Atlansolíu við Bíldshöfða,
ég átta mig á þessu þegar ég er búinn
að dæla 65 l af bensíni en ekki dísel.
Mér brá í brún, á dælunni var gefið
upp neyðarnúmer sem ég hringdi
í þar sem þetta númer er tengt á
Securitas er svarað og maðurinn segir
að ég sé ekki sá fyrsti þann daginn og
gefur mér samband við Olíudreifingu
þeir segja að þeir geti verið komnir
eftir 20 mín. og þetta kosti 44.000
kr. í næturvinnu og helgidagavinnu
en 14.000 kr. í dagvinnu á virkum
dögum ég var tilneyddur að taka
þessu eða bíða með bílinn fram á
þriðjudag, ég tók þessu.
Eftir páskahelgina hafði ég samband
við FÍB þar sem ég er félagsmaður
til nokkurra ára, var mér sagt að
Sólning sé með samskonar þjónustu,
hringi þangað, þar er gjaldskráin
14.000 kr. í dagvinnu 20.000 kr. á
helgi og næturvinnu. N1 er líka með
samskonar þjónustu, hef samband
þangað, gjaldið þar er 14.000 kr. í
dagvinnu og 23.000 kr. í nætur og
helgarvinnu. Skeljungur er ódýrastur,
en daggjaldið þar er 10.000 og nætur-
og helgargjald er 20.000. Mér blöskrar
þessi græðgi hjá Olíudreifingu, og
hringi til Olíudreifingu og tala við
framkvæmdastjórann, hann er á fundi
og ég bið að hann hafi samband við
mig sem hann gerir, ég ber þetta upp
við hann, hann segir mér að hann ætli
að kanna þetta og hringja svo í mig
næsta dag.
Framkvæmdastjóri Olíu-
dreifingar hefur samband og segir
að þetta sé útkall, 4 tímar og hver
tími kosti 11.000 kr., biðin eftir
dælumanninum var 15 mín., það
tók um 30 mín. að dæla bensíninu af
bílnum (samtals 45 mín). Taka skal
fram að starfsmaðurinn sem dældi
bensínu upp stóð sig óaðfinnanlega
á allan hátt og var fyrirtæki sínu til
sóma, eins voru samskipti okkar
framkæmdastjórans Olíudreifingar
mjög hreinskiptin og bein. Ég segi
við framkv.stjórann hjá Olíudreifingu
að ég sé ekki hættur og ætli að láta
þetta í loftið því ég sætti mig ekki
við að láta okra á okkur borgurunum,
mér blöskrar þetta mjög og hann
biður mig að bíða með þetta í einn
sólarhring og hann ætli að hafa
samband við yfirmann sinn. Hann
lofar að hringja næsta dag en hann
hringir ekki, ég hef samband við
hann og hann segir mér að þeir ætli
ekki að breyta þessu gjaldi hjá sér.
Mér finnst skylda okkar neytenda að
fylgjast með verðlagi í okkar landi
og hvet fleiri að láta vita ef þeir hafa
lent í svipaðri stöðu og ég. Viljum við
ekki aðhald og lægra verð? Því miður
er frjáls álagning og ekkert eftirlit.“
Kveðja, Halldór Ólafsson.
Eftirmál, persónulegt álit HLJ.
Eftir að hafa sannreynt allar þessar
tölur er þetta mál eitthvað sem
Neytendasamtökin ættu að skoða.
Ósamræmi virðist vera í svörum
framkvæmdastjóra Olíudreifingar
varðandi útkall, starfsmaður
Olíudreifingar var að koma úr annarri
dælingu og því hæpið að báðir (eða
allir séu látnir borga útkall). Einnig
er undarlegt að öryggisfyrirtækið
Securitas bendi ekki á ódýrasta
kostinn sem klárlega er Skeljungur,
né sé með upplýsingar um verð til
viðskiptavina sinna. /H.L.J.
Öll stjórntæki á þægilegum stöðum og mælaborð allt vel sjáanlegt úr
bílstjórasæti.
Með bak miðjusætisins niðri, bæði
sætin aftar og innar gefur farþegum
mikið rými og eykur þægindi.