Þjóðmál - 01.12.2008, Síða 17

Þjóðmál VETUR 2008 15
Róbert Marshall fréttamaður á Stöð 2
og formaður Blaðamannafélagsins skrifaði
tölvupóst 14 . maí til blaðamanna og sagði
fjölmiðlafrumvarpið „fantafrumvarp“ . Hann
bað blaðamennina að safna undirskriftum til
að mótmæla frumvarpinu: „Við höfum tíma
á meðan stjórnarandstaðan heldur uppi mál-
þófi . Sendið tölvupóst á ALLA sem þið þekkið,
hringið í fjarskylda ættingja úti á landi sem þið
hafið ekki heyrt í í sjö ár . Nú er tíminn til að
endurnýja kynnin . Fáið fólk til að skrifa nafn
og kennitölu á askorun .is . Sé fólk fylgjandi
frum varpinu, fáið það samt til að skrifa undir
sem persónulegan greiða við ykkur . Mætið í
vinn una á morgun og á sunnu dag eða sitjið við
tölvuna heima við, hring ið, djöflist, látið öllum
illum látum, söfn um þessum undirskrift um,
fáum þessum ólög um hrundið . . . “
Móðursýkin sem Róbert og félagar hans á
Baugs miðlum pískuðu upp í samfélaginu greip
þá sjálfa heljartökum . Orð Róberts um að
blaða menn ættu að fá fólk til að breyta gegn
betri vitund sýnir hversu langt var seilst og að
engu skyldi eirt í baráttunni fyrir hagsmunum
Baugs .
Eins og fram kemur í tölvupósti Róberts var náin samvinna með stjórnarandstöðunni
og Baugsmiðlum í andófinu gegn fjöl miðla-
frumvarpinu . Stjórnarandstaðan sá sér leik
á borði og vildi tryggja sér velvild öflugasta
fjölmiðlafyrirtækis landsins . Í kaupbæti var
hægt að gera sér vonir um að ríkisstjórnin yrði
felld .
Með samræmdum málflutningi Baugs-
miðla og stjórnarandstöðu tókst að draga upp
þá mynd að frumvarpið væri einkamál Davíðs
Odds sonar forsætisráðherra . Það hrikti í stjórn-
ar sam starfi Sjálfstæðisflokks og Framsóknar-
flokks, m .a . vegna þess að Kristinn H . Gunn-
ars son þingmaður Framsóknarflokksins notaði
málið til að skapa sér sérstöðu í þing flokkn um .
Baugsmiðlar launuðu Kristni greiðann með
viðhafnarviðtölum .
Hamfarir Baugsmiðla voru í engu samræmi
við tilefnið enda átti Baugur eðlilega áfrýjun-
armöguleika fyrir dómstólum stæðist frum-
varpið ekki stjórnarskrána eins og talsmenn
Baugs héldu fram .
Ef ekki væri fyrir viðbrögð stjórnar-
andstöðunnar á Alþingi hefðu ýfingar Baugs-
miðla verið stormur í vatnsglasi . Þing flokkar
Samfylkingar og Vinstri grænna höfðu
báðir gefið til kynna að þeir væru hlynntir
lagasetningu til að bregðast við valda-
samþjöppun á fjölmiðlamarkaði . Þegar á
hólm inn var komið kusu flokkarnir að fylkja
sér að baki Baugsmiðlum . Vinstriflokkarnir
á þingi gáfu hagsmunabaráttu nýauðvaldsins
lögmæti og pólitíska þyngd sem það annars
hefði ekki haft . Stjórnarandstaðan lyfti Baugi
á stall .
Fjölmiðlar eru bráðnauðsynlegir milliliðir
fyrir stjórnmálamenn til að ná sambandi við
kjósendur . Engin starfsstétt í þjóðfélaginu
er jafn háð fjölmiðlum og stjórnmálamenn .
Þingflokkar stjórnarandstöðunnar féllu í
þá freistni að fylgja Baugslínunni af tveim
ástæðum . Í fyrsta lagi vildu þingmenn eignast
bandamann í öflugustu fjölmiðlasamsteypu
landsins og í öðru lagi þóttist stjórnarandstaðan
sjá möguleika á að fella ríkisstjórnina .
Stjórnarandstaðan magnaði upp draug sem
óx samanlögðu ríkisvaldinu yfir höfuð með
skelfilegum afleiðingum .
Þrátt fyrir hatramma andstöðu var frum-
varpið samþykkt á Alþingi . Þá kom Baugi til
aðstoðar Ólafur Ragnar Grímsson forseti lýð-
veldisins sem 2 . júní 2004 tilkynnti að hann
myndi ekki staðfesta fjölmiðlafrumvarpið .
Eitt stærsta viðskiptaveldi landsins, Baugur,
hafði í náinni samvinnu við stjórnarandstöðuna
og forseta lýðveldisins lagt meirihluta Alþingis
og ríkisvaldið að velli .
Baugsmiðlar kættust og til varð vanheilagt bandalag fjölmiðla og auðmanna . Rúmu
ári eftir að ríkisstjórnin var gerð afturreka með
fjölmiðlafrumvarpið skrifaði sigri hrósandi Jón
Kaldal aðstoðarritstjóri Fréttablaðsins leiðara
7 . október 2005 sem hljómar eins og leiðari
fyrir alla íslenska fjölmiðla: