Tímarit hjúkrunarfræðinga - 01.12.2010, Page 20

Tímarit hjúkrunarfræ›inga – 5. tbl. 86. árg. 201016
Sólfríður Guðmundsdóttir, solfridur@hjukrun.is
ÁTTA VIKUR FYRIR VELLÍÐAN
Félag íslenskra hjúkrunar fræðinga
stendur fyrir heilsu eflingar átaki sem hófst
með heilsuþingi í haust og fjallað var um
í síðasta tölublaði. Í fram haldinu var
auglýst heilsu námskeið fyrir hjúkrunar­
fræðinga sem heitir „Átta vikur fyrir
vel líðan“. Námskeiðið hefur verið geysi­
vinsælt og er nú verið að halda það í
þriðja skiptið. Til stendur að bjóða fram­
halds námskeið á vorönn fyrir þá sem
vilja gerast „heilsuboðar“.
Heilsunámskeiðið Átta vikur fyrir vellíðan er
byggt á niðurstöðum langtímarannsókna,
meðal annars frá National Institutes
of Health í Bandaríkjunum, og hafa
þessar vísindarannsóknir verið birtar í
þekktum rannsóknatímaritum. Þetta eru
forspárrannsóknir og megintilgangur þeirra
er að meta áhrif lífsstíls á heilsufar. Sumar
þessara rannsókna eru enn í gangi, eins
og the Nurses Health Study þar sem
72.488 konur hófu þátttöku árið 1976.
Í The Cancer Prevention 2 Study voru
rannsakaðir forvarnarþættir lífsstíls gegn
krabbameini en þátttakendur voru rúmlega
ein milljón manns. Rannsóknin stóð yfir tvö
tímabil, í 6 ár (1982­88) og 10 ár (1992­
2002). Í niðurstöðum þessara rannsókna,
sem sumar hverjar hafa staðið í meira
en fjóra áratugi, kemur vel fram hvað
gagnar best til að viðhalda heilsu þúsunda
þátttakenda. Einnig eru notuð gögn frá
Hjartavernd, sem spanna 40 ára tímabil
(1969­2009), um áhrifaþætti á heilsufar
Íslendinga.
Átta vikur fyrir vellíðan er frábrugðið
öðrum heilsunámskeiðum vegna þess
að það er fjallað um andleg, líkamleg,
félagsleg, og umhverfisleg áhrif lífshátta
á heilsu. Fjallað er um hvað ýtir undir
og hvað dregur úr hollum lífsvenjum og
ýmsar aðferðir kynntar til að auðvelda fólki
að ná sínum markmiðum. Aukin áhersla
er lögð á forvarnir, heilsuhugsun og að
skilja hvernig skaðlegar lífsvenjur þróast.
Einnig er sýnt fram á hvernig hægt er að
grípa inn í það ferli og í sumum tilfellum
Unnur Guðjónsdóttir vinnur á heilsugæslustöðinni Hvammi í
Kópavogi og er í vetur skólahjúkrunarfræðingur í Smáraskóla og
Kársnesskóla. Henni líst mjög vel á þetta námskeið. „Sólfríður
er full af fróðleik og gaman að hlusta á hana og ég tel að það
sem ég læri muni bæði gagnast mér sjálfri og skjólstæðingum
mínum. Öll getum við bætt heilsu okkar á eitthvern hátt og
þetta námskeið tekur á öllum hliðum heilsueflingar. Ég hef þá
trú að námskeiðið geti gagnast okkur hjúkrunarfræðingum til að
leiðbeina okkar skjólstæðingum og einnig er það frábært fyrir
almenning sem vill bæta heilsu sína,“ segir Unnur.
„Stóran hluti af efninu þekkjum við hjúkrunarfræðingar en það
er alltaf gott að skerpa á kunnáttunni. Þar sem ég hef sjálf
verið síðastliðið ár að taka mig í gegn heilsufarslega er þetta
stuðningur við mig í framhaldinu. Það sem er nýjast er líklega
að velta meira fyrir sér samfélagslegri heilsu. Nú erum við að
sjá kynslóðir tvö og jafnvel þrjú af atvinnulausu fólki,“ segir hún
og segist velta fyrir sig hvað hjúkrunarfræðingar geti gert til að
bæta heilsu og líðan þessa hóps. Unnur gæti vel hugsað sér
að gerast heilsuboði og segir að lokum að þetta sé frábært
námskeið sem hún voni að Sólfríður haldi áfram með.
Anna Ólafsdóttir er hjúkrunarfræðingur hjá Hjartavernd. Henni
finnst námskeiðið mjög gagnlegt. „Það er verið að fara í efni
sem er mjög áhugavert og sem hjúkrunarfræðingur tel ég að
maður þurfi að sinna sinni heilsu vel til að sýna gott fordæmi,“
segir hún. Þrátt fyrir að vita margt um þessi málefni og hugsa
vel um eigin heilsu segist hún hafa lært heilmargt nýtt á
námskeiðinu. „Þetta ýtir við manni. Þetta er mjög skemmtilegur
og kraftmikill hópur sem ég er í, hjúkrunarfræðingar alls staðar
að og það skapast áhugaverðar umræður um þessi málefni.
Ég stefni á að fara á leiðbeinendanámskeið í framhaldi af þessu.
Það er eitthvað sem hægt er að nýta sér í starfi hvar sem er
HVAÐ SEGJA ÞÁTTTAKENDUR?