Tímarit hjúkrunarfræðinga - 01.12.2010, Blaðsíða 56

Tímarit hjúkrunarfræ›inga – 5. tbl. 86. árg. 201052
Mótunarstig (forming). Teymið kemur
saman, kynnist, prófar vinnureglur og
setur sér markmið. Fagaðilarnir innan
teymisins eru óöruggir, velta hlutverki
sínu fyrir sér og hvernig hinum í hópnum
líki við þá. Traust hefur ekki myndast
á þessu stigi. Árangur teymisins er lítill
með tilliti til settra markmiða enda er
það eðlilegt. Á þessu stig voru meðlimir
átröskunarteymisins í skýjunum, lang­
þráðu markmiði var náð. Við vorum
fullar eftirvæntingar og bjartsýni og
stoltar af okkar litla sérhæfða teymi. En
þetta var kvíðablendin gleði. Skortur á
trausti innan hópsins gerði okkur erfitt
fyrir og einkenndust samskipti okkar
af ópersónulegri kurteisi og vinnan
einkenndist af óöryggi og ósjálfstæði.
Ágreiningsstig (storming). Ágreiningur
og sundrung einkennir þetta stig.
Hópmeðlimir láta af kurteisinni og
tilfinningarnar taka völdin svo um munar.
Teymi er hópur fólks sem sameinar
hæfileika sína og sérþekkingu við lausn
tiltekins viðfangsefnis, stefnir að sama
marki samkvæmt ákveðnum vinnureglum
og ber sameiginlega ábyrgð.
Rúm fjögur ár eru síðan átröskunarteymi
Landspítala var formlega stofnað eftir um
fimm ára undanfara. Árið 2001 ákváðu
Guðlaug Þorsteinsdóttir geðlæknir og
Margrét Gísladóttir hjúkrunarfræðingur að
kalla saman þverfaglegan hóp til að reyna
að sinna þörfum átröskunarsjúklinga fyrir
meðferð en þær höfðu báðar reynslu
af meðferð við átröskunarsjúkdómum
erlendis. Fyrir þann tíma var engin sérhæfð
þjónusta í boði innan Landspítalans og
þekking heilbrigðisstarfsfólks takmörkuð
og dreifð. Í upphafi fylgdu ekki stöðugildi
þessu nýstofnaða teymi þannig að vinnan
bættist við önnur störf eða í frítíma
frumherjanna. Ég bættist við þennan
þverfaglega hóp 2003.
Frá formlegri stofnun teymisins 2006
hafa miklar breytingar átt sér stað innan
þess, bæði á meðferð og mönnun. Nú
um stundir starfa í teyminu geðlæknir
sem gegnir hlutverki teymisstjóra, tveir
geðhjúkrunarfræðingar, tveir sálfræðingar,
félags ráðgjafi, næringarfræðingur, listmeð­
ferðarfræðingur og tveir sérhæfðir með­
ferðar fulltrúar. Stöðugildi eru tæplega sex.
Að stofna teymi er ekki einfalt mál. B.W.
Tuckman skiptir þróun teymis í fjögur
stig og má segja að teymið mitt hafi
samviskusamlega farið í gegnum þennan
brotsjó. Stigin fjögur eru:
Ína Rós Jóhannesdóttir, inaros@landspitali.is
Tekist er á og keppst um stöðu innan
hópsins. Teymið kemst að því að háleitar
hugmyndir í upphafi eru mun erfiðari
í framkvæmd en áætlað var. Þegar
bið verður á árangri fyllast meðlimirnir
óþolinmæði og deila um hvað á að gera
og hver beri ábyrgðina á slökum árangri.
Ágreiningsstigið er mjög mikilvægt til
að mynda traust en til þess þarf maður
að þora að tjá sig. Á þessu stigi hafa
meðlimir litla orku til að vinna að settum
markmiðum en þeir eru þó farnir að öðlast
skilning hver á öðrum. Það var vægast
sagt erfitt að tilheyra átröskunarteyminu
á þessu stigi. Miklar deilur áttu sér stað
og andrúmsloftið var þrungið spennu,
óeiningu og samkeppni. En þessi tími
var teyminu mínu nauðsynlegur því við
lok þessa stigs fór að myndast traust
innan hópsins. Á þessu stigi er algengt
að einhverjir hætti í teyminu og sú varð
raunin í mínu teymi.
Umræðustig (norming). Leiðir til samvinnu
hafa verið fundnar og hópurinn verður
samheldnari og aukin virðing er borin fyrir
einstaklingunum innan hans. Skoðanaskipti
eru virkari og andstaðan minnkar.
Markmið hópsins verða sameiginleg og
einstaklingarnir sýna tryggð við samstarfið.
Í teyminu mínu var þetta stig kærkomið
eftir ágreiningsstigið. Ágreiningur, sem upp
kom, var ræddur og leystur. Jafnframt
fór að myndast eining og vinskapur
innan teymisins og vinnuumhverfið varð
jákvæðara, uppbyggilegra og studdi betur
við starfið. Auk þess var teymið fyrst núna
tilbúið til að vinna af alvöru að sameiginlegu
markmiðunum.
ÞANKASTRIK
AÐ STOFNA OG TILHEYRA
ÞVERFAGLEGU TEYMI
Í stefnukorti Landspítala fyrir árin 2011­2016 er lögð áhersla á þverfaglega
sýn á þjónustu. Það má túlka sem hvatningu til þverfaglegrar teymisvinnu.
Ég ákvað að nota tækifærið í þessum þankastrikum til að deila reynslu minni
af stofnun og mótun þverfaglegs teymis í von um að það nýtist öðrum.
Ína Rós Jóhannesdóttir er
geðhjúkrunarfræðingur og starfar í
átröskunarteymi Landspítalans.