Þjóðmál - 01.03.2012, Síða 70

Þjóðmál VOR 2012 69
vegar mjög kærunni, og kom hann í veg
fyrir, að Kress fengi lektorsstöðu í þýsku í
Háskóla Íslands, sem losnaði haustið 1935,
skömmu eftir að Kress hafði varið doktors­
ritgerð sína við Berlínarháskóla (en slík
ritgerð svarar helst til meistaraprófsritgerðar
við norræna háskóla) .19
Timmermann lét ekki þar við sitja, heldur
kærði einnig Bruno Kress til utanlands­
deildar Nasistaflokksins í Berlín fyrir að spilla
friði innan flokksdeildarinnar í Reykjavík .
Var Kress rekinn úr Nasistaflokknum
6 . mars 1936 samkvæmt úrskurði fyrsta
flokksréttar utanlandsdeildarinnar, og var
sök hans talin sú að hafa kært yfirmann
sinn án haldbærra röksemda, en ekki heldur
farið rétta boðleið með kæru sína . Kress
áfrýjaði úrskurðinum, og því gerðu menn
frá höfuðstöðvum flokksins sér ferð til
Íslands og yfirheyrðu Timmermann, Kress
og nokkra trausta flokksfélaga . Komust þeir
að þeirri niðurstöðu 13 . nóvember 1936,
að ýmsar aðfinnslur Kress ættu vissulega
við rök að styðjast, en hann hefði ekki átt
að kæra til Berlínar, heldur reyna að jafna
málin innan flokksdeildarinnar:
Nasistinn og gyðingakonan frá Þýskalandi auglýstu
bæði þjónustu sína í Morgunblaðinu 25 . september
1938 .
Sérhver félagi í hreyfingunni verður að
sýna aga og þeim mun meira sem hér
er um að ræða flokksfélaga, sem hvað
snertir menntun á að vera til fyrirmyndar
og vísa veginn og láta ekki smámuni og
persónulegt missætti koma í veg fyrir hið
mikilvæga uppbyggingarstarf hugsjónar
þjóðernisjafnaðarstefnunnar .
Svo virtist sem þessi rannsóknarnefnd vildi
setja Kress aftur inn í flokkinn, en það
reyndist ekki unnt nema með úrskurði
æðra dómsstigs Nasistaflokksins .20 Um
svip að leyti og nefndin var á Íslandi haustið
1936, gekk Kress að eiga Kristínu Önnu
Thoroddsen, og fluttust þau í leiguíbúð
að Laufásvegi 10 . Næstu árin hafði Kress
viðurværi sitt aðallega af skrifstofustarfi hjá
Landsmiðjunni og einkakennslu . Tók hann
einnig í ársbyrjun 1938 að sér þýskukennslu
í Menntaskólanum í Reykjavík .
Allt logaði þessi árin í deilum innan flokks­
deildar nasista í Reykjavík, þar sem þeir
Timmermann ræðismaður og Bruno Kress
voru svarnir fjandmenn . Eitt sinn var grjót­
hnullungi kastað inn um glugga á heimili
Timmermanns, svo að rúða splundraðist, og
voru þau hjónin sannfærð um, að þar hefði
Kress verið að verki .21 En í Berlín virðist
Kress hafa átt hauka í horni . Yfirmaður
utanlandsdeildar Nasistaflokksins, Ernst
Wilhelm Bohle, ákvað 16 . nóvember 1936
að skjóta máli hans til æðsta dómstóls
flokksins . Gaf sá dómstóll 27 . apríl 1938
út úrskurð í nafni sjálfs Foringjans, Adolfs
Hitlers, þar sem allar sakir á hendur Kress
voru felldar niður . Var hann á ný færður
athugasemdalaust til bókar sem félagi í
Íslandsdeild Nasistaflokksins þýska .22 Svo
vildi síðan til sumarið 1938, skömmu
eftir að Kress hafði verið tekinn aftur inn
í Nasistaflokkinn, að hann hitti í Reykjavík
þýskan málvísindamann, Bruno Schweizer,
sem starfaði fyrir rannsóknastofnun SS,