Þjóðmál - 01.06.2013, Síða 10

Þjóðmál SUmAR 2013 9
eftir hugmyndum frá áhugasömum aðil um
um að taka það á leigu og reka þar starf-
semi .
Stjórnarsáttmálinn sem ritað var undir
í Laugarvatnshúsinu einkennist ekki af
skorti á hugmyndum um hvað þjóðinni
sé helst til heilla og fylgja ríkisstjórninni
góðar óskir um að henni takist að hrinda
þeim öllum í framkvæmd . Að Sigmundi
Davíð hafi þótt nokkru skipta að rita undir
sáttmála stjórnar sinnar í húsi sem tengist
Guðjóni Samúelssyni og Jónasi Jónssyni
frá Hriflu endurspeglast í þessum orðum í
inngangi sáttmálans:
„Íslensk þjóðmenning verður í hávegum
höfð, að henni hlúð og hún efld . Áhersla
verður lögð á málvernd, vernd sögulegra
minja og skráningu Íslandssögunnar, auk
rannsókna og fræðslu . Ríkisstjórnin mun
vinna að því að auka virðingu fyrir merkri
sögu landsins, menningu þess og tungu-
málinu, innanlands sem utan .“
Til að árétta þetta tók hinn nýi for-
sætis ráðherra undir stjórn sína málefni
þjóð menningarinnar sem til þessa hafa
verið mikilvægur hluti mennta mála ráðu-
neytisins . Að skera þannig sneið af köku
menntamálaráðuneytisins og flytja í for-
sætis ráðuneytið var unnt við myndun ríkis-
stjórnarinnar vegna breytinga sem Jóhanna
Sigurðardóttir lét lögfesta um Stjórnarráð
Íslands . Hringl af þessu tagi með mikilvæga
málaflokka verður aðeins til að skapa los í
stjórnarháttum .
Um leið og þetta er sagt er áherslu ríkis-
stjórn arinnar á þjóðmenningu fagnað . Sé
þeim þætti sem snertir þjóðmenninguna ekki
sýnd alúð rofna tengsl þjóðarinnar við sögu-
legan og menningarlegan uppruna sinn . Slíkt
rof yrði í andstöðu við viðleitni til að styrkja
stöðu Íslendinga í samfélagi þjóðanna .
IV .
Íhinum nýja stjórnarsáttmála kveður við annan tón í ESB-málum en hjá
ríkisstjórn Jóhönnu Sigurðardóttur . Hún
vildi ljúka viðræðum við ESB um aðild og
leggja niðurstöðuna undir dóm kjósenda . Í
yfirlýsingu nýju ríkisstjórnarinnar segir um
þetta efni:
„Gert verður hlé á aðildarviðræðum
Íslands við Evrópusambandið og úttekt
gerð á stöðu viðræðnanna og þróun mála
innan sambandsins . Úttektin verður lögð
fyrir Alþingi til umfjöllunar og kynnt fyrir
þjóðinni . Ekki verður haldið lengra í aðildar-
viðræðum við Evrópusambandið nema að
undangenginni þjóðaratkvæðagreiðslu .“
ESB-viðræðunum verður hætt . Það er
afdráttarlaust .
Þá verður gerð úttekt á „stöðu viðræðn-
anna og þróun mála innan sambandsins“ .
Miklu skiptir að úttektin verði unnin á allt
annan hátt en þann sem einkennt hefur
samskiptin við ESB frá 2009 þar sem forðast
hefur verið að lýsa málum eins og þau eru .
Þess í stað hafa íslensk stjórnvöld tileinkað
sér blekkingartal Brusselmanna þar sem
leitast er við að breiða yfir allan ágreining út
á við í von um að með baktjaldamakki fjarri
almenningi takist að finna áferðarfallegar
lausnir sem þýða í reynd annað en látið
er í veðri vaka . Deilan um hvort umsókn
um aðild leiði til kröfu ESB um aðlögun
frá fyrsta umsóknardegi er til marks um
Sé þjóðmenningunni ekki sýnd alúð rofna tengsl þjóðarinnar
við sögulegan og menningarlegan
uppruna sinn . Slíkt rof yrði í
andstöðu við viðleitni til að styrkja
stöðu Íslendinga í samfélagi
þjóðanna .