Þjóðmál - 01.12.2013, Qupperneq 40

Þjóðmál VETUR 2013 39
sem eru að minnsta kosti þess virði að ræða .
Önnur gerðin horfir einkum til nemandans
og gerir ráð fyrir að menntun sé safn
mannkosta sem eflast með lærdómi, tilsögn,
rökræðu, þjálfun eða æfingu . Hin leggur
áherslu á að miðla menningararfi . Talsmenn
fyrrnefnda viðhorfsins telja gjarna mest um
vert að nemendur tileinki sér gagnrýna
hugsun og fleiri vitsmunalegar dyggðir en
talsmenn þess síðara leggja oftast áherslu á
þekkingu, skilning eða getu á sviði vísinda,
fræða, lista, tækni eða íþrótta . Ég held að í
báðum þessum hugmyndum sé sannleikur
fólginn . Líklega á menntun í senn að efla
mannkosti og miðla menningararfi og ef
þetta tekst mun þjóðlífið allt, og efnahagslífið
þar á meðal, að öllum líkindum njóta góðs
af, bæði í bráð og lengd .
Það er alltaf jafn gaman að fylgjast með frétta-mönnum og álitsgjöfum þegar þeir tala um
stjórn mál og Konur . Sérstaklega þegar þeir tala um
Konur og Sjálfstæðisflokkinn .
Í prófkjöri Sjálfstæðisflokksins í gær varð niður-
staðan sú að af sjö efstu eru fjórar konur og þrír
karlmenn . Svo vildi hins vegar til að karlarnir þrír
náðu þremur efstu sætunum en konurnar náðu sæt-
um fjögur til sjö . Fyrst þannig fór, leggja frétta menn
og álitsgjafar áherslu á þrjú efstu sætin .
Í sjónvarpsþætti í Ríkissjónvarpinu í morgun
sagði Heiða Kristín Helgadóttir, „stjórnarformaður
Bjartrar framtíðar“, að það væri „skelfilegt“ að karlar
yrðu í þremur efstu sætum hjá Sjálfstæðisflokknum .
Sú niðurstaða er þó lýðræðisleg útkoma í mörg þúsund
manna prófkjöri . Í síðustu borgarstjórnarkosning-
um bauð fram „Besti flokkurinn“, og þar var ekki
valið á lista í prófkjöri heldur á lokuðum fundi
nokkurra manna . Þar var niðurstaðan sú að í efsta
sæti var valinn Jón Gnarr Kristinsson, í annað sæti
Einar Örn Bene diktsson og í þriðja sæti Óttarr
Proppé . Af sjö efstu hjá „Besta flokknum“ voru fimm
karlmenn en tvær konur . Kosningastjóri flokksins
var Heiða Kristín Helga dóttir, síðar aðstoðarmaður
borgarstjóra .
Ef horft er á „Besta flokkinn“ árið 2010 og Sjálf-
stæðisflokkinn samkvæmt prófkjörinu í gær, þá eru
sömu kynjahlutföll í þremur efstu sætunum . Af sjö
efstu sætunum er Sjálfstæðisflokkurinn með fjórar
konur en „Besti flokkurinn“ tvær .
Ekki er vitað hvort Heiðu Kristínu finnst þetta
einnig skelfilegt hjá „Besta flokknum“, því hún var
ekki spurð í þættinum .
Sá munur er svo auðvitað á flokkunum að hjá
Sjálf stæðisflokknum er einfaldlega byggt á lýðræðis-
legri útkomu í prófkjöri, þar sem enginn getur vitað
niður stöðuna fyrirfram . Hjá „Besta flokknum“ var
listinn bara ákveðinn bak við lokaðar dyr, enda er
„Besti flokkurinn“ fulltrúi nýrra tíma, lýðræðis og
gegnsæis, gegn flokksræði og foringjaræði .
Raunar heldur skelfingin áfram, því þingmenn
Bjartrar framtíðar eru sex . Þar af eru fjórir karlmenn .
Menn ættu að forðast að segja Heiðu Kristínu frá því .
Hvenær ætli komi að því að fólk hætti þessari kynja-
talningu? Það á ekki að meta einstaklinga eftir kynferði
þeirra . Öll kynjatalning er í raun ósk um að farið verði
að gera upp á milli fólks eftir kynferði þess . Í hvert
sinn sem fréttamenn og álitsgjafar byrja á söngnum
um kynjahlutföll, eru þeir að þrýsta á að byrjað verði
að mismuna mönnum raunverulega eftir kyni .
En fréttamenn gera þá stundum undantekningar á
kynjaáhyggjum sínum . Skemmtilegt dæmi var vorið
2006 . Þá hélt Samfylkingin í Reykjavík prófkjör
og meðal þátttakenda var þáverandi borgarstjóri,
Steinunn Valdís Óskarsdóttir . Hún sóttist auðvitað
eftir fyrsta sæti . Það gerðu hins vegar einnig tveir
karl menn, Dagur B. Eggertsson og Stefán Jón Haf­
stein, sem verið hafði í fyrsta sæti fjórum árum áður .
Svo fór að Dagur B . Eggertsson náði efsta sætinu en
ekki Steinunn borgarstjóri . Ríkisútvarpið hafði engar
áhyggjur af því að þarna færi kona halloka . Sama
kvöld og konan Steinunn borgarstjóri missti af efsta
sætinu til karlmannsins Dags B . Eggertssonar sagði
Ríkissjónvarpið ekki eitt orð í þá veru að nú væri „sótt
að konu“ . Ekki orð um að Samfylkingin „treysti ekki
konum“ . En í sama fréttatíma sagði Ríkis sjónvarpið
þrívegis að konur væru „ekki nema“ svo og svo hátt
hlutfall efstu manna í prófkjöri Sjálf stæðis flokksins á
Ísafirði, sem fram fór daginn áður .
Helgarsprokið, Vef-ÞjóðViljinn 17 . nóvember 2013 .
Konur, fréttamenn og álitsgjafar . . .