Gerðir kirkjuþings - 01.01.2014, Side 16

16 17
mikinn velvilja í garð kirkjunnar hjá alþingsmönnunum í nefndinni sem og vilja þeirra til
að standa við gerða samninga og lög er varða kirkjuna. Því miður hefur það ekki verið svo
hin síðustu ár enda er fjárhagsstaða hinna 270 sókna landsins komin niður fyrir þolmörk
og Þjóðkirkjan á í vanda við að standa við þjónustuskyldur sínar við þjóðina.
Þrátt fyrir ýmislegt sem haldið er fram um áhugaleysi fólks gagnvart kirkjunni er ljóst
að almenningur í þessu landi er því fylgjandi að erindi kirkjunnar haldi áfram að heyast
og boðskapurinn haldi áfram að lifa. Nýjasta dæmið er þegar fréttir bárust af því að fella
ætti úr dagskrá ríkisútvarpsins daglegar bænir. Morgunbænir hafa verið í útvarpi allra
landsmanna nánast frá byrjun sem og guðsþjónustur á sunnudögum. Kvöldbænirnar hafa
hljómað frá gosinu í Vestmannaeyjum árið 1973 og var það dyggur hlustandi útvarpsins
sem fór fram á það í fyrstu að farið væri að ákalla Guð í bæn þegar allar bjargir voru
bannaðar og höfnin að lokast. Með hjálp góðra manna var orðið við þessari bón og var sá
háttur hafður á næstu 40 árin. Þá var tilefnið gleymt og þörfin farin að mati ráðamanna.
Við þetta vildu margir ekki una og var þessu mótmælt harðlega eins og kunnugt er. Af
þessu tilefni sendi ég út tilkynningar tvær og hljóðar hin síðari svona: „Eitt af hlutverkum
þjóðkirkjunnar er að standa vörð um kristinn boðskap og gildi í þjóðfélaginu. Það er ekki
hlutverk hennar að setja saman dagskrá Ríkisútvarpsins þótt útvarpið og kirkjan eigi gott
samstarf um skipulag og framkvæmd nokkurra dagskrárliða, s.s. útvarpsguðsþjónustu,
Morgunbænar, Morgunandaktar og Orðs kvöldsins.
Í umræðum um breytingar á dagskrá Rásar 1 áttum við Magnús Geir Þórðarson útvarpsstjóri
samskipti um hvernig breytingarnar snertu áðurnefnda dagskrárliði. Í samtölum okkar
kom ég því á framfæri að mér þætti það miður að ekki væri rými í nýrri dagskrá fyrir bæði
Orð kvöldsins og morgunbæn á þeim tímum sem þessir liðir hafa verið.
Samkvæmt mínum skilningi er það í takt við hrynjandi dagsins, árstíðanna og lífsins, að
hafa bæn í upphafi og lok dags. Það er mikilvægt að bænarorðin hljómi í almannarýminu
og þar gegnir Ríkisútvarpið leiðandi hlutverki.
Ég vil með þessum orðum hvetja útvarpsstjóra til að leita allra leiða til að skapa rými í
dagskrá Rásar 1 fyrir kvöldbæn.
Þetta hitamál í kringum bænamálið í ríkisútvarpinu sýnir að fólki er ekki sama og e.t.v.
er sumum ofboðið hvernig reynt er að koma í veg fyrir að trúarboðskapur og bænamál
heyrist í þjóðfélagi okkar.
Fyrir nokkrum dögum voru kynntar tölur frá þjóðskrá, m.a. um útsagnir úr Þjóðkirkjunni
fyrri helming þessa árs. Nokkrum dögum síðar voru kynntar tölur um flutning fólks til
landsins og frá landinu. Í ljós kom að fleiri fluttu frá landinu en til þess á ákveðnu tímabili.
Á bak við tölur eru staðreyndir sem ekki eru tilteknar þegar tölur eru birtar. Gæti það verið
að hluti af skýringunni á því að fólk segir sig úr kirkjunni sé sú að fólk flytur úr landi. Þar
með fer það sjálfkrafa úr þjóðkirkjunni. Þjóðkirkjan hefur ekki staðið sig vel í því að halda
til haga ýmsum tölulegum staðreyndum. Það er eitt að því sem þarf að gera til að geta
greint stöðuna og metið aðstæðurnar. Tölulegar staðreyndir hjálpa okkur líka til að bæta