Morgunblaðið - 02.10.2015, Qupperneq 20

20 FRÉTTIRInnlent
MORGUNBLAÐIÐ FÖSTUDAGUR 2. OKTÓBER 2015
Styrkjum starfsemi Krabbameinsfélagsins
Með hverri pantaðri ferð styrkir þú verkefni Krabbameinsfélagsins
og baráttuna gegn krabbameini hjá konum.
Af því tilefni höfum við sérmerkt bílana okkar enn á ný
með bleikum taxaljósum.
Taktu bleikan bíl næst þegar þú pantar leigubíl!
„Bleika slaufan” er til sölu í bílunum okkar frá 1. – 15. október.
Hreyfill/Bæjarleiðir er styrktaraðili árvekniátaks
Krabbameinsfélagsins í október og nóvember
Tökum bleikan bíl!
Styrkjum starfsemi
Krabbameinsfélagsins
SÆKTU APPIÐ
á heimasíðu Hreyfils: hreyfill.is
eða í App Store og Google Play
Sæktu þér Hreyfils appið
og pantaðu bleikan bíl.
Baldur Arnarson
baldura@mbl.is
Byggingarfulltrúi í Reykjavík hefur
samþykkt tæplega 900 fermetra við-
byggingu, að mestu úr gleri, sem
tengja mun Laugaveg 4 og 6 og
Skólavörðustíg 1a. Félagið Lauga-
stígur mun byggja á reitnum, eins
og rakið var í Morgunblaðinu í gær.
Með því lýkur löngu friðunarferli
sem hófst með borgarstjóraskiptum
í Ráðhúsinu í janúar 2008. Málið hef-
ur síðan tekið nokkra snúninga.
Haft var eftir borgarfulltrúum
Sjálfstæðisflokksins í Fréttablaðinu
5. september 2007 að þeir væru
fylgjandi niðurrifi á reitnum. Voru
framsóknarmenn sagðir það líka.
Hinn 6. febrúar 2008 sagði í frétta-
skýringu í Morgunblaðinu að á
þriggja tíma borgarstjórnarfundi
daginn áður hefði verið tekist á um
kaupverð húsanna á reitnum, alls
580 milljónir, og „hvort borgar-
stjórnarstóllinn hefði fylgt í kaup-
bæti“. Var Ólafur F. Magnússon þá
orðinn borgarstjóri en hann var bar-
áttumaður fyrir friðun húsa. Var þá
kominn nýr meirihluti í borginni.
Dagur taldi kostnaðinn meiri
Hinn 11. júlí 2008 var haft eftir
Degi B. Eggertssyni, þáverandi
borgarfulltrúa Samfylkingar og nú-
verandi borgarstjóra, í Morgun-
blaðinu, að meirihlutinn hefði sett
fram órökstuddar fullyrðingar um
200 milljóna kostnað borgarinnar af
breyttu skipulagi á reitnum. Gögn
málsins bæru með sér að heildar-
fjárútlát yrðu 1 til 1,1 milljarður.
Tilefnið var að borgarráð hafði þá
samþykkt að auglýsa nýtt skipulag á
Laugavegi 4 og 6 eftir hálfs árs
undirbúning. Hanna Birna Krist-
jánsdóttir, þá formaður skipulags-
ráðs, sagði á „ferðinni algjört tíma-
mótaverkefni fyrir Laugaveginn“.
Fór svo að gömlu húsin á reitnum
voru endurbyggð á kostnað borgar-
innar. Það gerðist svo næst í málinu
í mars 2014 að borgin auglýsti eign-
irnar til sölu í lokuðu útboði.
Fór svo að borgin seldi félaginu
L4 eignina. Kemur kaupverðið ekki
fram á afsali sem er móttekið til
þinglýsingar 25. nóvember sl. Seldir
voru Laugavegur 4 og 6 og Skóla-
vörðustígur 1a, alls 632 fermetrar.
Samkvæmt heimildum blaðsins var
kaupverðið 365 milljónir.
Það gerist næst í málinu að félagið
L4 selur öðru félagi, Laugastíg,
eignina. Samkvæmt kaupsamningi
sem er móttekinn til þinglýsingar
19. febrúar sl. virðist Laugastígur
hafa keypt eignirnar á 175 milljónir.
Þá eru tilgreind önnur skilyrði sem
ekki eru auðskilin. Hafði borgin þá
átt eignina í sjö ár eftir að hafa
keypt reitinn af Kaupangi í febrúar
2008 á 580 milljónir, sem áður segir,
eða 873 milljónir á verðlagi nú.
Sveinbjörg B. Sveinbjörnsdóttir,
borgarfulltrúi Framsóknarflokks-
ins, segir núverandi meirihluta hafa
bakað borginni tjón með sölunni.
Fasteignaverð hækki stöðugt í
miðborginni og með því að bíða ekki
lengur með söluna hafi borgin orðið
af raunverðshækkun eignanna. Á
varfærinn hátt megi ætla að borgin
hafi tapað 120-150 milljónum á að
bíða ekki með söluna.
Máli sínu til stuðnings bendir hún
á að handan götunnar, á Laugavegi
1, hafi 670 fermetra eign, auk 700
fermetra leyfilegs byggingarmagns,
verið seld á 415 milljónir í febrúar sl.
Það er gömul fasteign. Við sölu
borgarinnar á Laugavegi 4 til 6 hafi
verið stuðst við 15 mánaða gamalt
verðmat á þessum nýju húsum.
Þá fékk hún það svar frá fjármála-
skrifstofu borgarinnar að tap borg-
arinnar af sölunni væri 409 milljónir,
án tillits til afskrifta.
Gerir borgina fallegri
Júlíus Vífill Ingvarsson, borgar-
fulltrúi Sjálfstæðisflokksins og
fulltrúi í umhverfis- og skipulags-
ráði, segir nýju teikningarnar í sam-
ræmi við uppbyggingu á horni
Lækjargötu og Austurstrætis eftir
brunann 2007. „Við höfum trú á því
að miðborg Reykjavíkur sé fallegri
og sögu hennar gerð skil með því að
halda í gömul hús. Auðvitað kostar
slíkt. Því má líka velta fyrir sér
hversu mikils virði þetta er fyrir þá
ferðamenn sem skapa okkur hundr-
uð milljarða í tekjur,“ segir hann.
Friðun endar með nýju glerhýsi
 Nýr kafli í sögu umdeilds byggingarreits á Laugavegi 4-6 að hefjast  Glerhýsi mun tengja ný hús
 Tap borgarinnar af reitnum minnst 409 milljónir  Júlíus Vífill bendir á tekjur af ferðamönnum
Morgunblaðið/Árni Sæberg
Breytt Efri myndin sýnir húsin eins og þau voru, sú neðri sýnir útlitið í dag.
Teikning/PK arkitektar/Birt með leyfi byggingarfulltrúa
Nýtt útlit Svona mun reiturinn líta út eftir nýsamþykkta uppbyggingu.
Morgunblaðið/Ómar
Uppbyggingin sem hætt var við Til stóð að reisa steinsteypt hús undir hótelrekstur á reitnum. Með nýjum meirihluta í borginni í ársbyrjun 2008 var fallið frá þeim áformum.
Teikningar/GP arkitektar/Birt með leyfi borgarinnar