Morgunblaðið - 02.10.2015, Page 25

FRÉTTIR 25Innlent
MORGUNBLAÐIÐ FÖSTUDAGUR 2. OKTÓBER 2015
Helgi Bjarnason
helgi@mbl.is
„Íslenska skyrið hefur sérstöðu og
á sér mikla sögu á Íslandi. Við nýt-
um það í markaðssetningunni,“
segir Miikka Eskola sem er upp-
hafsmaður skyrævintýrsins í Finn-
landi ásamt félaga sínum, Mika
Leppäjärvi. Þeir segja mikilvægt í
markaðsstarfi að finna góðar sögur
til að koma á framfæri. „Við höfum
sanna sögu að segja,“ segir Mika
og vísar til skyrhefðarinnar á Ís-
landi og þeirrar góðu vöru sem
Mjólkursamsalan útvegar þeim.
Finnar hafa tekið skyrinu ótrú-
lega vel og hefur salan aukist stór-
lega á hverju einasta ári, síðustu
fimm ár, á meðan fyrirtæki Mi-
ikka, Mika og félaga, Skyr Finland
oy, hefur starfað. „Ætli það sé ekki
þetta sígilda, að gera rétta hluti á
réttum tíma,“ segir Miikka þegar
leitað er skýringa á árangrinum.
Þeir eru sjálfir hugfangnir af
vörunni. Félagarnir reka markaðs-
fyrirtæki í Helsinki og höfðu að-
eins fengist við innflutning þegar
Miikka ferðaðist um Ísland fyrir
rúmum fimm árum og heillaðist af
skyrinu. Hann segist hafa borðað
skyr allan hringinn þegar hann ók
hringveginn með þáverandi kær-
ustu sinni.
Segja sögu skyrsins
Þeir nýta markaðsrannsóknir
mikið við sölu skyrsins. Framan af
höfðu þeir enga fjármuni til að
fara út í dýrar markaðsherferðir
eða auglýsingar en nýttu þau tæki-
færi sem buðust, sérstaklega þar
sem margt fólk kom saman. Þá
voru þeir mættir til að gefa smakk,
segja hvað skyr er og hvers vegna
fólk ætti að kaupa það.
Þeir sögðust hafa haft hugmynd
um það hvaða bragðtegundir af
skyri myndu falla Finnum vel í
geð. Í upphafi hafi þeir fengið
sömu vörur og MS var með á
heimamarkaði. Þeir hafa síðan tek-
ið þátt í vöruþróun MS. Þakka MS
fyrir að hafa trú á sér og að fá að
koma hugmyndum sínum að.
Nú eru sextán bragðtegundir af
skyri í hillum stórmarkaða í Finn-
landi auk óbragðbætts skyr, alls
sautján vörur. Til samanburðar má
geta þess að innan við tíu bragð-
tegundir eru á markaðnum á Ís-
landi. Raunar nýtir MS finnska
markaðinn til að reyna nýjar teg-
undir. Fyrirtækið hefur þegar haf-
ið framleiðslu á skyri sem fer vel í
Finnann og sett í sölu hér á landi
og fleiri bragðtegundir eru vænt-
anlegar.
Samkeppni stækkar markað
Þegar Skyr Finland oy hóf inn-
flutning á skyri var engin slík vara
á markaðnum. Finnland er mikið
mjólkurneysluland og ekki leið á
löngu þar til stór finnsk mjólkur-
samlög og alþjóðleg fóru að bjóða
jógúrt með lítilli fitu. Það hefur
ekki dregið úr sölu á skyri, heldur
aukið við markaðinn. Nú síðast hóf
sænski mjólkurrisinn Arla að selja
vöru merkta sem skyr á finnska
markaðnum og víðar. Mika og
Miikka segja litla reynslu komna
af nýjustu samkeppninni því innan
við mánuður sé liðinn frá því Arla-
skyrið kom á markaðinn. Þeir
segja þó að Arla-skyrið bragðist
ekki eins og íslenskt skyr og ekk-
ert sé að óttast á meðan svo sé.
Vöxtur í sölu á íslensku skyri
hefur verið ævintýralegur þessi
fimm ár. Mika telur að enn sé rými
á markaðnum til að auka söluna en
vöxturinn verði væntanlega ekki
jafn hraður og til þessa. Miikka
telur engar líkur á að vörur sem
innihalda litla fitu, eins og skyr,
gefi eftir á markaðnum. Frekar
séu líkur á að þær sæki í sig veðr-
ið.
Segja alvöru sögur af skyri
 Upphafsmenn skyrævintýrisins í Finnlandi vísa mikið til uppruna og sögu íslenska skyrsins við
markaðssetningu  Fleiri bragðtegundir af skyri í hillum verslana í Finnlandi en á Íslandi
Morgunblaðið/Helgi Bjarnason
Kraftaverkamenn Stofnendur og starfsmenn Skyr Finland oy hafa unnið ötullega að útbreiðslu skyrs í Finnlandi og unnið góðan markað fyrir vöruna.
„Skur“ eða „skiir“
» Þótt skyr sé heiti á þessari tilteknu vöru
í Finnlandi, eins og á Íslandi, er framburð-
urinn ólíkur. Finnar kannast ekkert við
„skyr“ þegar þeir eru spurðir en allir vita
hvað „skur“ er.
» Miikka og Mika telja raunar að finnski
framburðurinn á orðinu skyr sé réttur en
Íslendingar séu á rangri braut þegar þeir
kalli skyrið alltaf „skiir“.