Morgunblaðið - 02.10.2015, Síða 46

46 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 2. OKTÓBER 2015
 


   
  
   
  

 




 
  

! 
"#
$
$
$"$
!%
%"
#
# $
&'()* (+(

  
 
,-&.&+/0 -'+(1(23& 45+(2/5
!
 
$ "
%!
$%!#
$
!%!
%"
 !#
#%$
"
!!#
"#
%#
$%
$
!%""
%"#
  
##$
 %
Skannaðu kóð-
ann til að sjá
gengið eins og
það er núna á
● Heildarviðskipti með hlutabréf í
Kauphöll Íslands námu í september
38,6 milljörðum króna. Er það 123%
aukning frá sama mánuði í fyrra. Mest
voru viðskipti með bréf Icelandair
Group eða 6,6 milljarðar en þar á eftir
kom Marel með rétt rúma 6 milljarða.
Úrvalsvísitalan hækkaði í mánuðinum
um 5,9% frá fyrra mánuði og stóð í lok
mánaðarins í 1.680 stigum. Á aðal-
markaði var hlutdeild Landsbankans
mest í viðskiptum eða 28,9%. Í sept-
ember námu viðskipti með skuldabréf
228 milljörðum, sem samsvarar 10,4
milljarða veltu á dag. Felur það í sér
34% aukningu frá sama mánuði 2014.
Umsvif jukust í Kaup-
höllinni í september
● Forsvarsmenn Starwood, sem á
meðal annars W-hótelkeðjuna, eru
áhugasamir um að finna tækifæri á ís-
lenska markaðnum, að því er fram kem-
ur á vefnum turisti.is. Fjárfestahópurinn
sem stendur að byggingu hótels við
Hörpu átti á sínum tíma í viðræðum við
forsvarsmenn W-hótelanna. Í sumar var
hins vegar tilkynnt að hótelið yrði rekið
undir merkjum Marriott Edition.
Starwood á og rekur nokkrar alþjóð-
legar hótelkeðjur, þar á meðal
Sheraton og Westin, auk W.
Eigandi W-hótelanna
hefur áhuga á Íslandi
STUTTAR FRÉTTIR ...
BAKSVIÐ
Margrét Kr.Sigurðardóttir
margret@mbl.is
„Við fyrstu sýn virðist okkur þessi
útfærsla vera töluvert meira íþyngj-
andi en gerist í löndunum í kringum
okkur og teljum við óvíst að þetta sé
rétt innleiðing á tilskipuninni,“ segir
Marta Guðrún Blöndal, lögfræðing-
ur hjá Viðskiptaráði Íslands.
Í ViðskiptaMogganum í gær var
greint frá því að óheimilt verður að
greiða út arð á grundvelli reiknaðs
hagnaðar, ef nýtt frumvarp um árs-
reikninga, sem leggja á fyrir Alþingi
á næstunni, verður samþykkt
óbreytt. Nú er heimilt að færa virðis-
breytingar á eignum til hagnaðar
sem er reiknuð stærð en með fyrir-
huguðum breytingum verður inn-
leystur hagnaður að vera lagður til
grundvallar útgreiðslu arðs.
Mest áhrif á fasteignafélögin
Marta segir að þær breytingar
sem gera á hafi mest áhrif á fast-
eignafélögin. „Þetta snýst um ólíkar
heimildir til ráðstöfunar hagnaðar
vegna matsbreytinga, annars vegar
á fastafjármunum og hins vegar á
fjárfestingareignum. Áhrifin eru
mikil á fasteignafélögin þar sem
matsbreytingar á fasteignum hjá
þeim eru verulegur hluti af þeirra
rekstrargrundvelli. Félögin meta
hækkun á gangvirði fasteigna sinna
og greiða arð meðal annars á þeim
grundvelli. Það gæti því orðið að arð-
greiðslur þeirra muni lækka veru-
lega þótt reksturinn sé áfram arð-
bær. Félögin þurfa þá að selja eignir
til þess að geta greitt út arð á grund-
velli virðisbreytinga.“
Hún segir að athugasemdum verði
komið til atvinnuvegaráðuneytisins.
„Við hvetjum ráðuneytið til að skoða
þetta betur og munum í okkar um-
sögn benda á fleiri þætti sem við ger-
um athugasemdir við,“ segir Marta
en meðal þess eru breytingar á við-
urlagaákvæðum sem frumvarps-
drögin kveða á um, þar sem skuli
krefjast gjaldþrotaskipta ef félag
hefur ekki skilað inn ársreikningi
innan átta mánaða.
Tekur ábyrgð af stjórnum
„Það er óskiljanlegt af hverju þarf
að vera aukin forræðishyggja hvað
þetta varðar í íslensku viðskiptaum-
hverfi, frekar en í því viðskiptaum-
hverfi sem við ætlum að bera okkur
saman við. Ég get alls ekki séð af
hverju íslensk löggjöf á að ganga
lengra hvað þetta varðar heldur en
nágrannalönd okkar,“ segir Guðjón
Auðunsson, forstjóri fasteigna-
félagsins Reita, um frumvarpsdrög-
in.
Hann segir margt í þessum breyt-
ingum ekki ganga upp. „Það er auð-
vitað mjög sérstakt að menn telji það
nauðsynlegt að taka þessa ábyrgð og
þetta hlutverk af stjórnum félaga.
Þær eiga að standa skil á gjörðum
sínum þegar kemur að því að greiða
út arð til hluthafa. Það gilda um þetta
ákveðnar reglur í hlutafélagalögum
en þarna á að gera breytingar á lög-
um um ársreikninga. Þau lög fjalla
um upplýsingaskyldu en eru ekki
löggjöf um hvað má og ekki má í
meðferð fjármuna þeirra fjárfesta
sem setja peningana sína í hluta-
félög.“ Guðjón segir að það sé langur
vegur frá því að fasteignafélög geti
ekki skilað verðmætum til hluthafa
þó þessi breyting sé óneitanlega
þröskuldur. „Að greiða út arð er bara
ein aðferð til að skila verðmætum til
hluthafa, það er hægt að kaupa eigin
bréf eða hreinlega greiða út eigið fé.“
Þarf stöðugleika og gagnsæi
Guðjón kallar eftir stöðugleika og
gagnsæi í því regluverki sem at-
vinnugrein hans eigi að vinna eftir.
„Ég hélt að stjórnvöld væru á þeim
stað að einfalda regluverk og hafa
leikreglur skýrar hvað varðar þenn-
an atvinnuvettvang. En menn virðast
vera mjög áfjáðir í að breyta sífellt
leikreglunum, hvort sem varðar
þetta eða breytingarnar sem gerðar
voru á fasteignagjöldunum sem
höfðu mjög íþyngjandi áhrif á eig-
endur atvinnuhúsnæðis. Það er mál
að linni,“ segir Guðjón.
Gætu þurft að selja eignir
til þess að greiða út arð
Morgunblaðið/ Ómar
Arður Takmarkanir á arðgreiðslum sem fylgja nýju frumvarpi geta haft mikil áhrif m.a. á skráð fasteignafélög.
 Viðskiptaráð telur drög að frumvarpi um ársreikninga óþarflega íþyngjandi
Nefnd um heildarendurskoðun á lög-
um um Seðlabanka Íslands skilaði
lokaskýrslu sinni til fjármála- og
efnahagsráðherra í gær. Meðal þess
sem þar kemur fram er að Seðla-
bankinn lagði til við nefndina að
starfsmönnum hans yrði tryggð frið-
helgi gegn hugsanlegum málsóknum
sem stofnað kann að verða til gegn
þeim vegna starfa þeirra í þágu
bankans. Nefndin vísar þessari til-
lögu til skoðunar í fjármála- og efna-
hagsráðuneytinu.
Í umfjöllun nefndarinnar um beiðni
bankans er bent á að Seðlabankinn
hafi í ákveðnum tilvikum veitt þeim
sem vinna störf í þágu hans skaðleysi
án þess að sérstaklega sé kveðið á um
það í lögum. Vísar nefndin sérstak-
lega til þess þegar formaður banka-
ráðs Seðlabankans skuldbatt stofn-
unina til að bera kostnað af mála-
ferlum seðlabankastjóra við bankann.
Vísar nefndin í umfjöllun sinni til
svarbréfs Ríkisendurskoðunar frá 30.
júní en þar kom fram það álit að
bankaráðið hefði valdheimildir til að
skuldbinda bankann með þeim hætti
sem gert var.
Nefndin gerir enn fremur grein
fyrir því að óalgengt sé að friðhelg-
isákvæði, eins og bankinn kallar eft-
ir, séu lögfest. Dæmi finnist þó um
það, m.a. í neyðarlögunum svoköll-
uðu þar sem kveðið var á um að for-
stjóri, starfsmenn og stjórnarmenn
Fjármálaeftirlitsins væru ekki
skaðabótaskyldir vegna ráðstafana
sem heimilar voru til fjárveitinga úr
ríkisskjóði.
Nefndin, sem skipuð er þeim
Þráni Eggertssyni og Friðriki Má
Baldurssyni, bendir á að samkvæmt
meginreglu um vinnuveitenda-
ábyrgð þarf almennt mikið að koma
til að starfsmenn bankans beri per-
sónulega ábyrð í störfum sínum, svo
sem að þeir fari verulega út fyrir
starfsvið sitt eða valdi tjóni af stór-
felldu gáleysi.
Morgunblaðið/Ómar
Lög Nefnd um endurskoðun laga um
Seðlabankann hefur lokið störfum.
Starfsmenn SÍ
njóti friðhelgi
 Bankinn hefur
veitt skaðleysi án
lagaheimildar
mbl.is/askriftarleikur