Morgunblaðið - 02.10.2015, Page 48

AFP
Annar tónn Jeremy Corbyn, nýr formaður Verkamannaflokksins, hugsi á
flokksþinginu í Brighton. Með honum hefur flokkslínan færst til vinstri.
Karl Blöndal
kbl@mbl.is
Sjónarmið róttækra vinstri manna
voru áberandi á flokksþingi breska
Verkamannaflokksins í Brighton, en
ummæli Jeremys Corbyns, nýkjörins
leiðtoga flokksins, um að hann myndi
ekki beita kjarnorkuvopnum Breta
yrði hann forsætisráðherra vöktu þó
mesta athygli og deilur innan flokks
og utan.
Andrúmsloftið á fundinum bar
vitni þeirri vinstrisveiflu, sem orðið
hefur innan flokksins. „Á Spáni er
Podemos, Syriza í Grikklandi, Bernie
Sanders í Bandaríkjunum og fólk leit
til Englands og spurði hvar viðhorf
vinstri manna kæmu fram,“ sagði
ungur maður, Julian Kett, við AFP
þar sem hann seldi marxistablöð fyrir
utan ráðstefnuhöllina.
Mun fleiri sóttu fundi þar sem rót-
tækustu stefnumálin voru á dagskrá á
flokksþinginu heldur en hjá hugveit-
um nær miðjunni frá tíma Tonys
Blairs.
Tími kalda stríðsins liðinn
Kjarnorkumálin voru ekki í brenni-
depli á þinginu. Corbyn er á móti
kjarnorkuvopnum og andvígur því að
kjarnorkuvarnir Breta verði endur-
nýjaðar, en endurnýjun Trident-
flauganna er á stefnuskrá flokksins.
Umræðu og atkvæðagreiðslu um
málið var afstýrt á flokksþinginu í
Brighton, en Corbyn tjáði sig hins
vegar í viðtali við breska ríkisútvarp-
ið, BBC.
Þegar hann var spurður hvor hann
myndi nokkurn tímann leyfa að
kjarnorkuvopnum yrði beitt yrði
hann forsætisráðherra var svarið
stutt: „Nei.“
Síðan bætti hann við: „Við erum
ekki lengur á tímum kalda stríðsins,
því lauk fyrir löngu. Ég er á móti
notkun kjarnorkuvopna. Ég er á móti
því að vera með kjarnorkuvopn. Ég
vil heim án kjarnorkuvopna. Ég held
að það sé hægt.“
Corbyn sagði að það væri siðlaust
að eiga eða nota kjarnorkuvopn.
„Kjarnorkuvopnin sem Bandaríkin
eru með, hundruð ef ekki þúsundir
kjarnaodda, komu að engu gagni 11.
september,“ sagði hann. „Málið snýst
um ógnir vegna órökrænna athafna
einstaklinga.“
Hann teldi að ekki ætti að verja 100
milljörðum punda (19,3 billjónum
króna) í að endurnýja Trident-flaug-
arnar. „Það er fjórðungur af útgjöld-
um okkar til varnarmála,“ sagði hann.
„Margir í hernum vilja ekki endur-
nýjun Trident vegna þess að þeir líta
á flaugarnar sem úreltar og óþarfar.“
Viðbrögðin létu ekki á sér standa.
Maria Eagle, flokkssystir hans og
skuggaráðherra varnarmála, sagði að
yfirlýsing Corbyns hjálpaði ekki til.
Hann væri að grafa undan „tilraunum
okkar til að koma stefnumótun af
stað“.
Andy Burnham, sem er skugga-
ráðherra innanríkismála og sóttist
eftir formennsku í Verkamanna-
flokknum, sagði að erfitt yrði að vera
áfram í „skuggaráðuneyti“ flokksins
ef ákveðið yrði að endurnýja ekki Tri-
dent-flaugarnar.
Íhaldsflokkurinn hélt að sér hönd-
um í málinu fyrir utan yfirlýsingu frá
Michael Fallon varnarmálaráðherra,
sem sagði að Corbyn væri í raun að
segja að hann hygðist draga úr vörn-
um Bretlands. „Fælingarvopn virka
ekki ef þú ert ekki tilbúinn að nota
þau,“ sagði hann. „Að vera með kjarn-
orkuvopn og að óvinir okkar viti að
við erum tilbúnir að nota þau í sjálfs-
vörn við ýtrustu aðstæður er lífsnauð-
synlegt til að tryggja öryggi lands-
ins.“
„Ógn við þjóðaröryggi“
David Cameron hafði hins vegar
sagt fyrir flokksþingið að Corbyn
væri „ógn við þjóðaröryggi“.
Corbyn sagði sjónvarpsstöðinni
ITN síðar um daginn að ákvæði flokk-
urinn að endurnýja kjarnorkuvopnin
myndi hann verða að „lifa með því,
einhvern veginn“.
Corbyn fékk ágætar undirtektir
við ræðu sinni á þinginu, en fremur
óvægna útreið í fjölmiðlum. The Sun,
útbreiddasta blað landsins, sem
studdi Íhaldsflokkinn í síðustu kosn-
ingum, sagði að ræða Corbyns hefði
verið „samhengislaus, óheiðarlegur,
marklaus, aumkunarverður þvætt-
ingur“. Í The Guardian, sem hallast
til vinstri, sagði að hann hefði áunnið
sér tilkall til að hlustað yrði á hann, en
ekki haft betur í rökræðunni. „Þessi
ræða var ekki fyrir áheyrendur fyrir
utan tjald Verkamannaflokksins,“
sagði í leiðara í blaðinu.
Corbyn hafnar kjarnorkuvopnum
 Róttæk öfl áberandi á flokksþingi breska Verkamannaflokksins  Yfirlýsing nýs formanns um að
hann myndi aldrei beita kjarnorkuvopnum vakti deilur  Sakaður um að veikja varnir Breta einhliða
48 FRÉTTIRErlent
MORGUNBLAÐIÐ FÖSTUDAGUR 2. OKTÓBER 2015
Tony Abbott, fyrrverandi for-
sætisráðherra Ástralíu, hefur
viðurkennt að það hafi verið
„óskynsamlegt“ af honum að
beita sér fyrir því fyrr á árinu að
Filippus drottningarmaður yrði
sæmdur riddaratign.
Abbott tilkynnti á þjóðhátíðar-
degi Ástralíu 26. janúar að hann
hefði ákveðið að leggja til við El-
ísabetu Bretadrottningu að eigin-
maður hennar yrði sæmdur
riddaratign. Ákvörðunin sætti
harðri gagnrýni í Ástralíu og
ríkisstjórn landsins hyggst endur-
skoða þá ákvörðun Abbotts á síð-
asta ári að taka að nýju upp það
fyrirkomulag að forsætisráð-
herrann geti tilnefnt menn til
riddaratignar. Lýðveldissinnar í
Ástralíu eru andvígir þessu fyrir-
komulagi og segja það úrelt. Eft-
irmaður Abbotts, Malcolm Turn-
bull, varð forsætisráðherra eftir
að hafa sigrað hann í leiðtoga-
kjöri stjórnarflokksins í síðasta
mánuði.
ÁSTRALÍA
„Óskynsamlegt“
að slá Filippus
til riddara
AFP
Tony Abbott, fyrrv. forsætisráðherra
(t.v.), og Filippus drottningarmaður.
Vilt þú vita hvers virði
eignin þín er í dag?
Pantaðu frítt söluverðmat án skuldbindinga!
HRINGDU NÚNA 820 8080
Sylvía
Löggiltur fasteignasali
sylvia@fr.is
Brynjólfur
brynjolfur@fr.is