Morgunblaðið - 25.02.2016, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 25. FEBRÚAR 2016
Ómar Friðriksson
omfr@mbl.is
Miklar framkvæmdir standa fyrir
dyrum við endurnýjun flugbraut-
anna á Keflavíkurflugvelli, sem
fram eiga að fara næsta sumar og
sumarið 2017. Verkið krefst mikils
undirbúnings og skipulagningar
vegna mikillar og og sívaxandi flug-
umferðar um alþjóðaflugvöllinn svo
ekki verði tafir á flugi eða flugvélar
þurfi frá að hverfa á meðan fram-
kvæmdir standa yfir á flugbraut-
unum.
30,5% fleiri flugtök og lend-
ingar í janúarmánuði
Flugumferðin um Keflavíkur-
flugvöll hefur farið ört vaxandi. Í
seinasta mánuði voru 5.467 flugtök
og lendingar á vellinum, sem er
30,5% aukning frá sama mánuði í
fyrra. Á hverjum sólarhring áttu sér
því stað að meðaltali 176 flugtök og
lendingar á vellinum í janúar.
Rúmlega 290 þúsund farþegar
fóru um Keflavíkurflugvöll í sein-
asta mánuði og fjölgaði þeim um
25,9%.
Í fyrra jókst umferð um völlinn
mikið frá árinu á undan. Þá voru
flugtök og lendingar í millilandaflugi
39.210 talsins og fjölgaði um 15,1%
frá árinu á undan. Eru þá ótaldar
tugþúsundir flughreyfinga um völl-
inn vegna flugs innanlands.
Sjaldgæft á sumrin að aðeins sé
hægt að nota aðra brautina
Álagið á flugbrautirnar tvær á
Keflavíkurflugvelli er mest yfir
sumarmánuðina en sá tími er valinn
til endurnýjunar flugbrautanna
vegna þess að þá eru minnstar líkur
á sterkum vindi, sem valdið gæti því
að önnur brautin lokaðist, sam-
kvæmt upplýsingum Isavia.
Flestar komur og brottfarir eru í
júlí og ágúst en sjaldgæft er yfir
sumartímann að eingöngu sé hægt
að lenda á annarri flugbrautinni
vegna veðurs.
Yfir mestu álagstímana er yfir-
leitt um 21 lending á klukkustund á
Keflavíkurflugvelli og mun þessi
fjöldi haldast óbreyttur yfir fram-
kvæmdatímann, að sögn Guðna Sig-
urðssonar, upplýsingafulltrúa
Isavia. Gert er ráð fyrir að aukning
flugumferðarinnar í áætlunarflug-
inu verði um 25-30% nú í sumar frá
síðasta sumri.
Útboð vegna endurnýjunar flug-
brautanna hefur verið auglýst.
Brautirnar tvær, norður-suður
brautin og austur-vestur brautin,
eru þriggja kílómetra langar og 60
metra breiðar.
Verkið felst í að fræsa og malbika
báðar brautir vallarins, byggja upp
nýjar hraðakstursbrautir, grafa
skurði og leggja dráttarröralagnir
með brautum að aðflugsljósum,
fræsa og fleira.
Að sögn hans var mikil vinna lögð
í að meta allar aðstæður sem upp
geta komið til að tryggja öryggi og
að flugumferð gangi sem best með-
an á endurbótunum stendur. Gerðar
voru áhættumatsskýrslur og farið
yfir tölur um veðurfar, vind og
skyggni síðustu árin.
Ólíklegt að beina þurfi flug-
vélum annað vegna veðurs
Framkvæmdirnar næstu tvö
sumrin munu standa yfir frá júní og
fram í september. Næsta sumar
verður eingöngu unnið á norður-
suður brautinni. Á önnur flug-
brautin því alltaf að vera í notkun þó
unnið sé á hinni. Því kemur afkasta-
geta ekki niður á flugbrautunum að
sögn Guðna en hann segir að þær
aðstæður geti þó skapast ef hlið-
arvindur verður of mikill á flugvell-
inum að ekki sé hægt að lenda en
gagnagreining sýni að ólíklegt sé að
slíkt ástand yrði langvinnt.
Guðni segir að þegar byggt er á
greiningu á veðurgögnum sé ólík-
legt að þær veðuraðstæður skapist
að beina þurfi flugvélum annað.
Sömu gögn gefi til kynna að lang-
stærstan hluta framkvæmdatímans
á næsta sumri verði hægt að nota
austur-vestur flugbrautina en engar
framkvæmdir verða á henni í sumar.
,,Sumarið 2017 þarf að malbika
brautamót beggja brautanna og
verða þá tvær 2.000 metra brautir í
notkun sem mun líklega draga úr af-
kastagetu en nákvæmir útreikn-
ingar liggja ekki fyrir á þessari
stundu,“ segir Guðni.
Malbikað
undir þéttari
flugumferð
 Endurnýjun flugbrauta á Keflavík-
urflugvelli á sem minnst að trufla flug
Ljósmynd/Isavia
Flugbraut Á Keflavíkurflugvelli eru tvær þriggja kílómetra flugbrautir
sem liggja í norður-suður og austur-vestur. Endurnýjun hefst í sumar.
Ljósmynd/Isavia
Keflavíkurflugvöllur Búast má við enn meiri flugumferð í sumar en í fyrra.
Yfir mestu álagstímana er yfirleitt um 21 lending á hverri klukkustund.
Viðar Guðjónsson
vidar@mbl.is
Vinna 15 yfirmanna í álverinu í
Straumsvík við útskipun var stöðvuð
af verkfallsvörðun verkalýðsfélags-
ins Hlífar rétt fyrir hádegi í gær.
Höfðu yfirmennirnir gengið í störf
hafnarverkamanna og flutt um 200
tonn af áli um borð þegar vinnan var
stöðvuð. Tólf hafnaverkamenn sem
tilheyra verkalýðsfélaginu Hlíf
lögðu niður störf á miðnætti í fyrra-
dag og nær verkfallið til útflutnings
á áli frá álverinu.
Ólafur Teitur Guðnason, upplýs-
ingafulltrúi Rio Tinto Alcan, tók þátt
í útskipuninni og segir aðspurður að
fyrirfram hafi verið gert ráð fyrir
því að vinnan yrði stöðvuð. „Það
kom okkur ekkert á óvart þó að við
teldum okkur hafa ótvíræðan rétt til
þess að sinna þessu,“ segir Ólafur.
Hann segir að með þessu sé komin
forsenda til þess að láta á aðgerðir
yfirmanna reyna fyrir dómi. Enn sé
þó ekkert ákveðið varðandi næstu
skref í málinu. Útskipun fer alla
jafna fram tvo daga vikunnar og eru
flutt út um 4.000 tonn á viku að sögn
Ólafs. Um 500 tonnum hafði verið
umskipað þegar vinnan var stöðvuð.
Vinnustöðvunin var átakalaus að
sögn Ólafs. „Það voru hreinar línur
af beggja hálfu að öryggi manna
yrði ekki stefnt í tvísýnu,“ segir
Ólafur.
Í fullum rétti
Fulltrúar frá ASÍ komu á staðinn
þegar vinna yfirmannanna var
stöðvuð. „Það var niðurstaða Fé-
lagsdóms í gærkvöldi (fyrrakvöld)
að þetta væri löglega boðuð aðgerð
og við erum í fullum rétti að fylgja
henni eftir,“ segir Gylfi Arnbjörns-
son, forseti ASÍ
Samninganefndir álversins og
starfsmanna funduðu stuttlega hjá
ríkissáttasemjara í gær en án árang-
urs. Ekki hefur verið boðað til nýs
fundar.
Stöðvuðu vinnu yfirmanna
Morgunblaðið/Ómar
Straumsvík Verkfallsverðir stöðv-
uðu vinnu yfirmanna álversins.
 Látið verði á að-
gerðir yfirmanna
reyna fyrir dómi
Ferðafólk skilar í
auknum mæli
ferðaáætlunum til
Slysavarnafélags-
ins Landsbjargar
(SL) og leitar
ráða áður en lagt
er af stað í ferðir
um landið.
„Við sjáum
merki þess að for-
varnavinna okkar
og fleiri er að skila sér,“ sagði Jónas
Guðmundsson, verkefnisstjóri SL.
„Fólk gengur þvers og kruss um
landið allan ársins hring. Við fáum
stóran hluta þessa fólks til að skilja
eftir ferðaáætlanir og leigja af okkur
neyðarsenda. Það sem af er þessu ári
er 200% aukning í innsendum ferða-
áætlunum miðað við sama tíma í
fyrra. Þær eru að stórum hluta frá
fólki sem er að fara í gönguferðir upp
á hálendið.“ Slysavarnafélagið
Landsbjörg er með á annan tug neyð-
arsenda til leigu og þarf að fjölga
þeim fyrir sumarið. Allir sendar eru í
útleigu á mesta annatímanum á
sumrin og nokkrir eru í útleigu yfir
veturinn. Auk þess eiga margir ferða-
menn sína eigin neyðarsenda.
Fleiri útköll vegna ferðafólks
Útköllum vegna ferðamanna hefur
fjölgað allan ársins hring með aukn-
um ferðamannastraumi. Undanfarin
tvö ár hefur atvikum vegna óhappa
eða meiðsla ferðamanna sem koma til
kasta hálendisvaktar SL fækkað
hlutfallslega miðað við fjölgun ferða-
manna, að sögn Jónasar.
„Síðasta sumar var óvenjulegt. Það
var svo miklu meiri snjór á hálendinu
en oft áður og vegir þar opnuðust
mun seinna en venjulega. Það var því
minni umferð á hálendinu en árin á
undan,“ sagði Jónas. „Við verðum
tilbúin með hálendisvaktina um mán-
aðamót júní/júlí og ætlum að halda
henni að mestu leyti út ágúst.“
Jónas reiknar ekki með að sjálf-
boðaliðum hálendisvaktarinnar verði
fjölgað í sumar. Reynslan undanfarin
ár sýnir að það færist í vöxt að ferða-
menn slasist eða meiði sig í hálend-
isferðum. Því verður lögð aukin
áhersla á að í hópum hálendisvakt-
arinnar verði alltaf einhverjir sem
hafa lokið námskeiðinu Fyrsta hjálp í
óbyggðum. Það er efsta stig nám-
skeiða SL um fyrstu hjálp. Nám-
skeiðið er alþjóðlega viðurkennt og
stendur í átta daga. Þeir sem ljúka
eru vel í stakk búnir að veita fyrstu
hjálp á vettvangi. gudni@mbl.is
Meiri
meiðsl
og slys
 Sjálfboðaliðar SL
þjálfaðir í fyrstu hjálp
Jónas
Guðmundsson