Morgunblaðið - 25.02.2016, Síða 50

50 FRÉTTIRErlent
MORGUNBLAÐIÐ FIMMTUDAGUR 25. FEBRÚAR 2016
Bogi Þór Arason
bogi@mbl.is
Bandaríski auðkýfingurinn Donald
Trump sigraði í forkosningum
repúblikana í Nevada í fyrradag
með meiri mun og víðtækari stuðn-
ingi en búist var við.
Trump fékk tæp 46% at-
kvæðanna í Nevada og meira en 20
prósentustigum meira fylgi en
tveir helstu keppinautar hans,
öldungadeildarþingmennirnir
Marco Rubio frá Flórída og Ted
Cruz frá Texas. Úrslitin eru mikið
áfall fyrir þá báða og benda til þess
að mjög erfitt verði fyrir þá að
koma í veg fyrir að Trump verði
forsetaefni repúblikana nema ann-
ar þeirra dragi sig í hlé. Líkurnar
á að það gerist eru taldar mjög litl-
ar.
Þetta er þriðji sigur Trumps í
röð því að hann hafði áður sigrað í
New Hampshire og Suður-
Karólínu. Áður lenti hann í öðru
sæti á eftir Cruz í Iowa. Hann hef-
ur því sigrað í einu íhaldssömu
suðurríkjanna, einu frjálslyndari
ríkjanna í norðaustanverðu landinu
og nú í einu vesturríkjanna þar
sem kjósendahóparnir eru mjög
fjölbreyttir.
Skoðanakannanir sem CNN
gerði fyrir utan kjörstaði í Nevada
benda til þess að Trump hafi feng-
ið mest fylgi í öllum aldurshópum
og öllum þjóðernishópum, jafnt
meðal karla sem kvenna, vel
menntaðra kjósenda og þeirra sem
eru með minnsta skólamenntun.
Hafa þarf þó í huga að vikmörkin
eru mikil í þessum könnunum.
Um 9% kjósendanna í forkosn-
ingum repúblikana í Nevada eru af
rómansk-amerískum uppruna og
tæpur helmingur þeirra kaus
Trump, ef marka má kannanir.
Hann hafði þó reitt marga þeirra
til reiði í byrjun kosningabarátt-
unnar með því að lýsa ólöglegum
innflytjendum frá Mexíkó sem
nauðgurum og glæpamönnum.
Trump var einnig með mest fylgi
meðal kjósenda úr evangelískum
söfnuðum og þeirra sem skilgreina
sig sem „mjög íhaldssama“. Um
fjórir af hverjum tíu þeirra kusu
hann.
Reiðir út í stjórnmálamenn
Í könnununum sögðust nær sex
af hverjum tíu repúblikönum í Ne-
vada vera reiðir út í stjórnmála-
mennina í Washington og vilja að
einhver frambjóðandi „utan stjórn-
málanna“ yrði næsti forseti Banda-
ríkjanna. Um 70% þeirra sögðust
hafa kosið Donald Trump.
Marco Rubio var með meira fylgi
en Trump meðal þeirra kjósenda
sem gerðu upp hug sinn síðustu
dagana fyrir forkosningarnar í Ne-
vada. Trump fékk hins vegar rúman
helming atkvæða þeirra sem
ákváðu fyrir mörgum vikum hvern
þeir ætluðu að kjósa.
Trump gat því verið stoltur þegar
úrslit forkosninganna í ríkinu lágu
fyrir. „Menn bjuggust ekki við of
miklu af okkur og nú erum við að
sigra, sigra, sigra í landinu. Og
bráðum fer landið að byrja að sigra,
sigra, sigra,“ sagði hann. „Við sigr-
uðum meðal evangelískra kjósenda.
Við sigruðum meðal ungs fólks og
gamla fólksins. Við sigruðum meðal
vel menntaðra og illa menntaða
fólksins. Mér þykir vænt um þá
sem eru illa menntaðir. Við erum
snjallasta fólkið. Við erum trygg-
asta fólkið.“
Sjónvarps- og útvarpskonan Mel
Robbins gekk svo langt að fullyrða í
grein á fréttavef CNN að barátt-
unni væri í raun lokið og Trump
yrði næsta forsetaefni repúblikana.
Hún sagði að hvorki Rubio né Cruz
ættu möguleika á að sigra Trump.
Cruz væri „of ógnvekjandi fyrir
hófsama repúblikana og óháða kjós-
endur“ og þegar Trump og Cruz
hefðu fengið sinn hluta af þeim
kjósendum sem hafa ekki enn gert
upp hug sinn væri of lítið eftir fyrir
Rubio til að hann gæti átt mögu-
leika á sigri.
Með forskot í mörgum ríkjum
Robbins skírskotaði til þess að
margir forystumenn repúblikana
telja Cruz vera enn verra forseta-
efni en Trump vegna mjög íhalds-
samra og einstrengingslegra skoð-
ana hans í samfélagsmálum. Þeir
vona að Rubio geti sameinað flokk-
inn fyrir kosningarnar í nóvember
og fengið nógu mikið fylgi meðal
miðjumanna og óháðra kjósenda til
að sigra forsetaefni demókrata.
Úrslitin í Nevada eru mikið áfall
fyrir Rubio og Cruz, að mati frétta-
skýrenda The Washington Post.
Margir stjórnmálaskýrendur
vestanhafs telja að forskot Trumps
sé svo mikið eins og staðan er núna
að hvorki Cruz né Rubio sé líklegur
til sigra hann nema annar hvor
þeirra dragi sig í hlé. Mjög ólíklegt
er að það gerist vegna þess að þeir
koma hvor úr sinni fylkingunni í
flokknum.
Trump á þó enn langt í land með
að tryggja sér tilskilinn fjölda kjör-
manna sem velja forsetaefnið form-
lega á landsfundi í júlí. Staðan ætti
að skýrast á þriðjudaginn kemur
þegar kosið verður í mörgum ríkj-
um. Kannanir benda til þess að
Trump sé með mest fylgi í öllum
nema tveimur þeirra ríkja, þ.e. Ark-
ansas og Texas. Hann er t.a.m. með
forskot í íhaldssömum ríkjum á
borð við Alabama, Georgíu og
Alaska og frjálslyndari ríkjum eins
og Minnesota og Massachusetts. Í
síðastnefnda ríkinu er forskot hans
50 prósentustig.
Með víðtækari stuðning en talið var
 Trump sigraði með miklum mun í
Nevada og fékk meira fylgi en keppi-
nautarnir í nær öllum kjósendahópum
Heimild: NALEO, samtök bandarískra embættismanna af rómönskumættum
Bandarískir ríkisborgarar, 18+
Rómansk-amerískum kjósendum fjölgar
Skráðir
kjósendur
Áætlaður heildarfjöldi fólks
af rómansk-amerískum uppruna
1988 1992 1996 2000 2004 2008 2012
1980
14,6
1990
22,3
2000
35,3
2010
50,5 2012
53,0
50
40
30
60 milljónir
20
10
Kosningaár
Talið er að 13,1 milljón manna af rómansk-amerískumættum taki þátt í
kosningunum í ár, nær tveimur milljónum fleiri en fyrir fjórum árum
13,7
23,3
AFP
Á sigurbraut Stuðningsmenn Trumps taka myndir af honum eftir sigurinn.
Öruggur sigur
» Trump fékk 45,91% fylgi í
Nevada. Rubio fékk 23,85% at-
kvæðanna og Cruz 21,38%.
» Ben Carson, fyrrverandi
taugaskurðlæknir, fékk 4,81%
og John Kasich, ríkisstjóri
Ohio, 3,60%.
» Trump hefur nú fengið 81
kjörmann en þarf að fá 1.237 til
að ná kjöri. Rubio og Cruz eru
með 17 kjörmenn hvor.
Það er hriktir í stoðum ríkisstjórnar
Danmerkur vegna landbúnaðar-
frumvarps sem hún vill koma í gegn-
um þingið. Íhaldsflokkurinn, sem
styður ríkisstjórn Venstre falli, styð-
ur ekki lengur landbúnaðar-
ráðherrann, Evu Kjer Hansen. For-
maður Íhaldsflokksins, Søren Pape
Poulsen, segir að Hansen hafi veitt
þinginu rangar upplýsingar og sé því
ekki starfi sínu vaxin.
Lars Løkke Rasmussen forsætis-
ráðherra ræddi við leiðtoga stuðn-
ingsflokka minnihlutastjórnar Ven-
stre í gær og lýsti yfir stuðningi við
Hansen. Hann sagði að viðræðunum
yrði haldið áfram í dag.
Deilt hefur verið um landbúnaðar-
frumvarpið vikum saman og er Han-
sen sökuð um að vera viljalaust verk-
færi í höndum samtaka bænda og
nota tölur frá þeim til þess að rétt-
læta samninginn. Með því sé verið að
reyna að láta líta svo út að hann sé
umhverfisvænni en hann er í raun.
Meðal þess er notkun áburðar. Sam-
kvæmt frumvarpinu fá bændur að
nota mun meiri áburð en þeir fá núna
og hefur það vakið spurningar um
áhrif þess á lífríkið. Ráðherrann hef-
ur svarað gagnrýninni fullum hálsi
og segir sérfræðinga ekki vita hvað
þeir séu að tala
um. Að sögn Han-
sen hefðu þeir
fallið á prófi í há-
skólanum ef þeir
hefðu haldið
skoðunum sínum
fram þar.
Þingmenn
Íhaldsflokksins
samþykktu síðan
vantraust á ráð-
herrann í fyrradag. Þrátt fyrir það
ætla þingmenn Íhaldsflokksins að
greiða atkvæði með frumvarpinu.
Lars Løkke Rasmussen, forsætis-
ráðherra og formaður Venstre, átti
fund í fyrrakvöld með leiðtogum
hinna flokkanna í bláu blokkinni, það
er Danska Þjóðarflokksins og
Frjálslynda bandalagsins, auk
Íhaldsflokksins.
Stjórnmálaskýrendur í Danmörku
segja að forsætisráðherrann kunni
að boða til kosninga ef deilan leysist
ekki en hann sagði í gær að það væri
„slæmur kostur“. Hugsanlegt er að
deilan verði leyst með því að Lars
Løkke Rasmussen stokki upp í
stjórninni og færi Hansen í annað
ráðherraembætti.
guna@mbl.is, bogi@mbl.is
Reynt að bjarga
dönsku stjórninni
 Íhaldsflokkurinn vantreystir ráðherra
Eva Kjer
Hansen
lÍs en ku
ALPARNIR
s
FAXAFENI 8, SÍMI 534 2727
alparnir.is
SKÍÐATILBOÐ
Fimmtudag - Föstudag
- Laugardag
Ekkimissa afþessu
Takmarkaðmagn
Snjóbrettapakkar
35-45% afsláttur
Skíðapakkar frá 89.995
Öryggið fyrir öllu
Bakhlífar og hjálmar
30% afsláttur
Skíðaskór, ákveðnar gerðir
40% afsláttur