Morgunblaðið - 25.02.2016, Page 93

Þórunn Kristjánsdóttir
thorunn@mbl.is
Kínverska iðnaðarborgin Wuhan er kveikjan að
plötunni Grey Mist of Wuhan, nýrri plötu eftir
tónlistarmanninn Arnar Guðjónsson. Platan
hverfist um borgina sem Arnar hefur tvisvar
sinnum heimsótt. Í fyrra skiptið var hann á tón-
leikaferðalagi ásamt Barða Jóhannssyni og fleir-
um úr hljómsveitinni Bang Gang og í seinna
skiptið sem var fyrir rúmu ári var hann í tón-
leikaferð með hljómsveit sinni Leaves.
„Mér fannst borgin áhugaverð og einhvern
veginn þá þróaðist þetta verk út frá því,“ segir
Arnar sem lýsir borginni Wuhan sem grárri,
þungri og hrikalegri á margan hátt. Mikið er um
háar blokkir og víða er grjót í görðum og meng-
unarský umlykur borgina sem er hvort tveggja
myndrænt og sérstakt. „Það er ekki hægt að
segja að borgin sé beint falleg en hún vakti ein-
hverjar skrítnar tilfinningar,“ segir Arnar sem
segist gera tilraun til að koma þessum tilfinn-
ingum og upplifun sinni til skila á plötunni.
„Ég hugsaði þetta eins og ég væri að gera
soundtrack [hljóðmynd] við bíómynd. Hún er
byggð upp þannig en það er engin bíómynd
heldur borg. Mér fannst skemmtilegt að vinna
með það konsept,“ segir Arnar. Platan er undir
áhrifum kvikmyndatónlistar og nefnir Arnar
kvikmyndina Blade Runner sem eina af áhrifa-
völdum. Hann hefur áður gert tónlist fyrir heim-
ildar- og bíómynd auk ýmiss konar auglýsinga-
tónlistar.
Á plötunni vinnur Arnar mest með gamaldags
hliðræna syntha eða hljóðgervla og í kringum
það eru sinfónísk hljóðfæri. „Ég byrjaði með
einn syntha og þá kom einhver tónn og ég ákvað
að fylgja honum. Þetta gerðist frekar hratt og
var spontant. Þetta var ekki eitthvað útpælt
heldur mikill performans og svo vinn ég í kring-
um það,“ segir Arnar um sköpunarferlið. Hann
handspilaði grunninn og byggði svo ofan á það.
„Ég reyndi að setja mér einhverjar reglur um
hvernig ég vildi vinna þessa plötu. En það er
skemmtilegt til að reyna að finna nýjan tón,“
segir Arnar. Reglan var sú að leyfa sér ekki að
taka grunninn oft upp. Hann fór þá leið að eyða
ekki löngum tíma í að semja lögin áður en hann
tók upp, heldur tók hann fyrst upp og samdi svo
lögin út frá þessum tón sem hann hafði þegar
fundið.
Það má segja að Arnar hafi lifað og hrærst í
tónlistarheiminum frá árinu 1992 en þá tók hann
þátt í Músíktilraunum með dauðarokk-hljómsveit
sinni Inflammatory sem náði þriðja sætinu.
Hann er menntaður í klassískum söng og tók sjö
stig þó hann hafi farið sparlega með þann hæfi-
leika í gegnum tíðina. Hlustendur geta vonandi
notið sönghæfileika hans innan tíðar en á þessu
ári er fyrsta sólóplatan hans væntanleg, að
minnsta kosti eitthvert efni af henni. Spurður
hvort sólóplatan sem er í smíðum sé í svipuðum
stíl og Grey Mist of Wuhan, segir hann ekki svo
vera. „Ég vinn meira með sjálfan mig þar og
kafa inn í mig,“ segir hann af stóískri ró.
Arnar starfar sem upptökustjóri og verkefnin
eru fjölbreytt. „Maður er heppinn að hér á Ís-
landi hefur maður tækifæri til að vinna mörg
ólík verkefni og ég er því alltaf með marga bolta
á lofti,“ svarar Arnar, spurður hvað honum líki
best við í tónlistinni.
Kínversk borg kveikjan
 Platan Grey Mist of Wuhan eftir Arnar Guðjónsson  Byggð upp eins og
hljóðmynd við bíómynd en Wuhan, grá iðnaðarborg, er í hlutverki bíómyndar
Morgunblaðið/Styrmir Kári
Tónlistarmaðurinn „Ég hugsaði þetta eins og ég væri að gera soundtrack [hljóðmynd] við bíómynd.
Hún er byggð upp þannig en það er engin bíómynd heldur borg,“ segir Arnar um tilurð plötunnar.
MENNING 93
MORGUNBLAÐIÐ FIMMTUDAGUR 25. FEBRÚAR 2016
Á hinum árlegu
Tibet House-
tónleikum í
Carnegie Hall í
New York í
fyrrakvöld, sem
tónskáldið Philip
Glass skipulegg-
ur, kom Iggy Pop
fram og minntist
vinar síns Davids
Bowie með því að
flytja ásamt hljómsveit Patti Smith
lög hans Jean Genie og Tonight.
Þetta var í 26. skipti sem tónlist-
armenn komu saman að styðja sjálf-
stæðisbaráttu Tíbeta og var Bowie
fastagestur þar um árabil.
Pop minntist Bo-
wie í Carnegie Hall
Iggy Pop
„Frelsi“ kallar myndlistarkonan
Edda Þórey Kristfinnsdóttir sýn-
ingu sem hún opnar í Artóteki
Borgarbókasafns í Grófinni í dag,
fimmtudag klukkan 17.
Edda Þórey sýnir bæði málverk
og skúlptúr. Hún segir í tilkynn-
ingu að á vinnustofunni mótist
verkin, „á leiðinni breytast þau.
Fréttir og umhverfi hafa áhrif á
gerð verkanna.
Nýjustu málverkin eru nýþornuð
á meðan önnur hafa ferðast til ann-
arra landa. Skúlptúrinn hefur beðið
síns tíma. Fyrirmyndirnar eru ljós-
myndir af svönum flestar teknar á
Tjörninni, sumar unnar áfram í
tölvu. Frelsið og ferðalagið er mér
hugleikið.“
Edda Þórey er fædd árið 1956,
hefur numið myndlist og hönnun og
haldið 14 einkasýningar og tekið
þátt í fjölda samsýninga.
Svanur Hluti verks á sýningu Eddu Þór-
eyjar í Borgarbókasafninu í Grófinni.
Edda Þórey opnar sýninguna Frelsi
Frá
morgni
líkama
og sál
fyrir alla
fjölskylduna í
þínu
hverfi t i l kvölds
Sími: 411 5000 • www.itr.is
Fyrir
líkama
Laugarnar í Reykjavík
ZOOLANDER 2 5:50, 8, 10:20
DEADPOOL 5:40, 8, 10:25(P)
ALVIN & ÍKORNARNIR 5:50 ÍSL.TAL
THE BOY 10:10
LAUGARÁSBÍÓ Sýningartímar
Miðasala og nánari upplýsingar
POWERSÝNING
KL. 10:25 -T.V., Bíóvefurinn
Boðið er til djassveislu á Akureyri
Backpackers í kvöld, fimmtudag,
föstudags- og laugardagskvöld.
Rakel Sigurðardóttir, 23 ára gömul
söngkona frá Akureyri, mun ríða á
vaðið í kvöld ásamt gítarleikar-
anum Matta Saarinen. Á föstudags-
kvöld mun Jazztríó Matta Saarinen
leika en það skipa þeir Matti, sem
leikur á gítar og semur, Stefán Ing-
ólfsson á bassa og Halldór G.
Hauksson trommuleikari. Veislunni
lýkur svo með tónleikum Equally
Stupid á laugardagskvöldið en það
er framsækið og kraftmikið djass-
tríó sem leikur ryþmíska og hraða
tónlist.
Djassveisla næstu þrjú kvöld á Akureyri
Engin regla Jazztríó Matta Saarinen.