Morgunblaðið - 14.05.2016, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 14. MAÍ 2016
SVIÐSLJÓS
Guðmundur Magnússon
gudmundur@mbl.is
Hálf öld er liðin frá því að Hótel
Loftleiðir á Reykjavíkurflugvelli hóf
starfsemi. Það er nú rekið undir
nafninu Icelandair Hótel Reykjavík
Natura. Fyrrverandi starfsmenn
komu saman um síðustu helgi og
fögnuðu afmælinu og voru mynd-
irnar sem hér birtast þá teknar.
Tilkynnt var um áformin um
byggingu hótelsins vorið 1964. Átti
að ljúka framkvæmdum á fimmtán
mánuðum. Þótti það til vitnis um
mikinn stórhug, en kom kannski
ekki á óvart því að á bak við verk-
efnið voru eldhugarnir í flugfélaginu
Loftleiðum. Vaxandi ferða-
mannastraumar var til Ísland á
þessum tíma og önnuðu þau gistihús
sem fyrir voru engan veginn eftir-
spurninni. Fyrsta nútímagistihúsið í
Reykjavík, Hótel Saga, var opnað
1962 og Hótel Holt var í byggingu
þegar tilkynnt var um áformin.
Flugstöð átti að rísa
Upphaflega stóð til að Loftleiðir
reistu skrifstofubyggingu og nýja
flugstöð á Reykjavíkurflugvelli.
Skrifstofuhúsið reis og var tekið í
notkun 1964. En ekkert varð af því
að lokið yrði við flugstöðina. Nýjar
Rolls Royce-flugvélar félagsins gátu
ekki lent í Reykjavík og því varð að
flytja flugreksturinn til Keflavíkur.
Kjallari flugstöðvarinnar var kom-
inn, en hvernig átti að nýta hann eft-
ir þetta? Niðurstaðan varð sú að
reisa hótel á staðnum og skyldi það
opnað vorið 1966. Var Gísla Hall-
dórssyni arkitekt falið að teikna
bygginguna í samræmi við kröfur
nýs tíma. Framkvæmdir hófust í
janúar 1965. Verkið tók fimmtán og
hálfan mánuð. Fyrstu gestirnir
komu 29. apríl 1966. Hótelið, sem
var með 108 herbergjum og 216
rúmum, þótti sérlega glæsilegt og
var mikið um það skrifað í blöðin á
þessum tíma. Opnunarhátíð ar hald-
in 30. apríl og sóttu hana 800 til 900
manns.
Vinsæll samkomustaður
Hótel Loftleiðir hefur ekki aðeins
verið gistihús heldur haft opna veit-
inga- og samkomusali sem hafi verið
fjölsóttir í gegnum tíðina. Fjöl-
breytni hefur einkennt þessa starf-
semi. Mikilla vinsælda nutu til dæm-
is þjóðakvöldin sem haldin voru um
árabil, en þá voru á boðstólum réttir
mismunandi þjóða og skemmtiatriði
í stíl.
Mikill fjöldi fólks hefur starfað á
Hótel Loftleiðum í þá hálfu öld sem
það hefur verið rekið. Nokkur
undanfarin ár hafa fyrrverandi
starfsmenn haldið hópinn og komið
saman einu sinni á ári til að gleðjast
og rifja upp minningar frá starfs-
tíma sínum. Ein slík samkoma var
haldin um síðustu helgi og sóttu
hana á annað hundrað manns.
Morgunblaðið/Ólafur K. Magnússon
Hótel Loftleiðir Húsið nokkru eftir að það var tekið í notkun árið 1966. Síðar reis viðbygging á auða svæðinu við hlið flugturnsins. Lengst til hægri er skrifstofubyggingin.
Fögnuðu hálfrar aldar afmæli
 Fyrrverandi starfsmenn Hótels Loftleiða á Reykjavíkurflugvelli fjölmenntu í veislufagnaðinn
Gaman F.v. Sigurður Sumarliðason, Berta Johansen, Elín Bachmann, Hilm-
ar B. Jónsson, Emil Guðmundsson, Anna Lilja Kvaran og Úlfar Eysteinsson.
Afmælistertan Emil Guðmundsson, fyrrum hótelstjóri, og Friðrik Gíslason,
fyrrum veitingastjóri, skáru fyrstu sneiðarnar af veglegri tertunni.
Veislugestir Meðal fyrrverandi starfsmanna í hófinu voru f.v. Anna Lilja
Kvaran, Huld H. Göthe, Margrét Fredreksen og Sylvia Lockeye.
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Fjarðargötu 8 · 710 Seyðisfjörður
Sími: 472-1111 · austfar@smyril-line.is
Taktu
bílinn með
til Færeyja og Danmerkur 2016
Færeyjar
2 fullorðnir með fólksbíl
Netverð
á mann frá 34.500
Danmörk
2 fullorðnir með fólksbíl
Netverð
á mann frá 74.500
Bókaðu
núna!
Bókaðu
snemma til aðtryggja þér pláss.Þegar orðið fullt ísumar ferðir
í sumar.