Morgunblaðið - 14.05.2016, Blaðsíða 21

FRÉTTIR 21Viðskipti | Atvinnulíf
MORGUNBLAÐIÐ LAUGARDAGUR 14. MAÍ 2016
„Miðað við okkar forsendur höfum
við væntingar um að raforkuverðið
hækki umtalsvert. En það mun ráð-
ast af þróun á mörkuðum fyrir raf-
orku og ál hversu mikil sú hækkun
mun verða á tímabilinu,“ segir Hörð-
ur Arnarson, forstjóri Landsvirkjun-
ar, um samkomulag fyrirtækisins og
Norðuráls um endurnýjun á raforku-
samningi fyrirtækjanna. Samkvæmt
samkomulaginu, sem greint var frá í
gær, verður orkuverðið tengt við
markaðsverð raforku á Nord Pool
raforkumarkaðnum og kemur það í
stað álverðstengingar í gildandi
samningi.
Samkomulagið er til fjögurra ára
og hljóðar upp á 161 MW, sem er
tæplega þriðjungur af orkuþörf
Norðuráls. Endurnýjaður samning-
ur tekur gildi í nóvember 2019, þeg-
ar núgildandi samningur rennur út,
og gildir til loka árs 2023.
Spurður hvers vegna samið sé ein-
ungis til fjögurra ára, segir Hörður
að hér sé um dæmigerðan markaðs-
tengdan samning að ræða sem auð-
velt sé að framlengja ef vilji er fyrir
hendi. „Í gegnum tíðina höfum við
verið að bjóða fyrirsjáanleika og þá
eru gerðir samningar til lengri tíma.
En það hentaði ekki í þessu tilviki.“
Að sögn Harðar getur þessi samn-
ingur mögulega orðið fyrirmynd
annarra samninga Landsvirkjunar í
framtíðinni. „En mjög margir við-
skiptavina okkar, sérsaklega þeir
sem eru að byggja nýjar verksmiðj-
ur, vilja hins vegar fá fast verð í
ákveðinn tíma.“
Hörður segir að það hafi verið
stefna fyrirtækisins að draga úr
tengingu við álverð. „Þegar það fór
hæst árið 2009 voru um 65% af
tekjum Landsvirkjunar tengd ál-
verði. Eftir að þessi samningur tek-
ur gildi verða það rúm 20%.“
sn@mbl.is
Morgunblaðið/Árni Sæberg
Norðurál Orkuverðið verður tengt
Nord Pool raforkumarkaðnum.
Landsvirkjun og
Norðurál semja
 Samningsverðið tengt markaðsverði
Stefán E. Stefánsson
ses@mbl.is
Sextán prósent þeirra erlendu ferða-
langa sem nýta sér þjónustu hvala-
skoðunarfyrirtækja koma frá
Þýskalandi, en aðeins níu prósent
þeirra sem sækja Ísland heim á
hverju ári koma frá landinu. Þá eru
Frakkar 10% þeirra sem nýta sér
þjónustuna en ferðamenn af því
þjóðerni eru aðeins 6% af heild-
arfjölda ferðamanna sem landið
sækja heim. Þetta kemur fram í
nýrri skýrslu sem Deloitte hefur
unnið fyrir Hvalaskoðunarsamtök
Íslands og byggist hún á tölum frá
aðildarfyrirtækjum samtakanna árið
2014.
Þessi mikli áhugi einskorðast þó
ekki við löndin tvö. Þannig sýna töl-
urnar að áhugi ferðamanna á hvala-
skoðun, flokkað eftir þjóðerni, er
langsamlega mestur meðal íbúa í
Suður- og Mið-Evrópu. Ferðamenn
frá þeim ríkjum sem fylla þann flokk
eru um 24% af heildarfjölda þeirra
sem hingað leggja leið sína en sami
hópur stendur að baki 48% allra við-
skipta erlendra ferðamanna við
hvalaskoðunarfyrirtækin íslensku.
Í fyrrnefndri skýrslu er bent á að
Evrópubúar hafa langtum meiri
áhuga á hvalaskoðun en fólk annars
staðar frá. Um 80% allra þeirra sem
sóttu hvalaskoðun árið 2014 komu
frá Evrópu. Evrópubúar voru hins
vegar rétt tæp 60% allra þeirra sem
heimsóttu Ísland á sama tíma.
Þannig telja skýrsluhöfundar að
óplægðan akur sé að finna í hópi
ferðamanna annars staðar frá en
Evrópu. Sá hópur sé ríflega 40% af
heildarfjöldanum en að þeir svari að-
eins til 20% allra þeirra sem sæki
hvalaskoðun meðan á dvöl þeirra
hérlendis stendur.
Nokkra athygli vekur að Banda-
ríkjamenn virðast hafa hlutfallslega
mjög lítinn áhuga á hvalaskoðun.
Þannig eru þeir um 16% allra þeirra
sem hingað koma en aðeins 6%
þeirra sem fara í hvalaskoðun. Hið
sama má segja um Norðmenn. Þeir
eru 6% erlendra ferðalanga hér en
aðeins 1% þeirra sem skoða hvali í
skipulögðum ferðum.
Frakkar og Þjóðverjar
sækja í hvalaskoðun
 Hlutfall Bandaríkjamanna mjög lágt og einnig Norðmanna
Ferðamenn eftir búsetu og áhuga á hvalaskoðun
Ferðalangar (hlutfall af heildarfjölda) Viðskiptavinir hvalaskoðunarfyrirtækja
Heimild: Deloitte og fyrirtæki í Hvalaskoðunarsamtökum Íslands.
Norður-Ameríka Önnur lönd Skandinavía
Bretland Mið- og Suður-Evrópa
24%
48%
20%
8%
21%
12%
16%
15%
19%
17%
Fallegt fyrir
heimilið
Laugavegi 99 – Sími 777 2281
(gengið inn frá Snorrabraut) aff.is
Concept store