Morgunblaðið - 14.05.2016, Blaðsíða 22

22 FRÉTTIRErlent
MORGUNBLAÐIÐ LAUGARDAGUR 14. MAÍ 2016
Bogi Þór Arason
bogi@mbl.is
Michel Temer, bráðabirgðaforseti
Brasilíu, hefur myndað nýja ríkis-
stjórn sem nýtur stuðnings margra
frammámanna í viðskiptalífi lands-
ins. Stjórnmálaskýrendur telja þó að
mjög erfitt verði fyrir nýju stjórnina
að leysa vandamál sem stuðluðu að
falli Dilmu Rousseff sem þurfti að
láta af störfum í allt að hálft ár eftir
að þingið samþykkti málshöfðun á
hendur henni til embættismissis.
Temer kvaðst ætla að leggja
áherslu á að bæta rekstrarskilyrði
fyrirtækja til að auðvelda þeim að
fjárfesta, auka framleiðsluna og
skapa ný störf með það að markmiði
að blása lífi í efnahaginn eftir mesta
samdrátt í landinu í rúma þrjá ára-
tugi. Margir fréttaskýrendur efast
þó um að stjórnin hafi burði til að
knýja fram nauðsynlegar efnahags-
umbætur og útlit er fyrir mikla ólgu í
stjórnmálum landsins næstu mánuði
eftir að þrettán ára valdatíma
Verkamannaflokksins lauk.
Ráðherrar sakaðir
um spillingu
Rousseff var ákærð til embættis-
missis fyrir að hagræða ríkisreikn-
ingum en hún neitar sök og segir að
stjórn sín hafi beitt reikningsskila-
aðferðum sem hafi lengi viðgengist í
Brasilíu og geti ekki réttlætt máls-
höfðun til embættismissis. Margir
fréttaskýrendur hafa tekið undir
þetta og telja að flestir þingmann-
anna sem studdu málshöfðunina hafi
í raun lagst gegn henni vegna mik-
illar óánægju almennings með efna-
hagsóstjórn hennar og spillingu sem
hefur gegnsýrt stjórnkerfið.
Rousseff er sökuð um að hafa
reynt að hindra rannsókn á spilling-
unni, meðal annars mútugreiðslum
til stjórnmálamanna Verkamanna-
flokksins og fleiri flokka, þeirra á
meðal þingmanna sem greiddu at-
kvæði gegn henni. Temer hefur ekki
sætt rannsókn vegna spillingar en
hermt er að vitni hafi sagt saksókn-
urum að hann sé viðriðinn mútu-
greiðslurnar. Nokkrir ráðherrar í
stjórn hans eru á meðal þeirra sem
spillingarrannsóknirnar beinast að.
Sakaður um hentistefnu
Temer hefur verið leiðtogi mið-
vinstrihægriflokksins PMDB í fimm-
tán ár en nýtur ekki mikillar lýðhylli.
Í nýlegri könnun sögðust aðeins 2%
myndu kjósa hann í forsetakosning-
um. Flokkurinn hefur lengi verið í
oddastöðu á þinginu og hefur verið
þekktur fyrir að haga seglum eftir
vindi til að auka pólitísk áhrif sín. Te-
mer var t.a.m. forseti neðri deildar
þingsins í forsetatíð Fernando
Henrique Cardoso á árunum 1995 til
2002 þegar hann stóð fyrir einka-
væðingu ríkisfyrirtækja og mark-
aðsumbótum. Þegar Verkamanna-
flokkurinn komst til valda undir
forystu Luiz Inacio Lula da Silva og
síðar Rousseff gegndi Temer mikil-
vægu hlutverki í því að koma efna-
hagsstefnu þeirra í framkvæmd,
einkum eftir að hann varð varafor-
seti í janúar 2011. Ásakanir um
hentistefnu og mútugreiðslur til
þingmanna flokksins kynda undir
efasemdum um að Temer sé rétti
maðurinn til að stjórna landinu.
Temer 75 ára lögfræðingur, sonur
kristinna hjóna sem fluttu búferlum
til Brasilíu frá Líbanon nokkrum ár-
um eftir fyrri heimsstyrjöldina.
Hann sérhæfði sig í stjórnlagafræði,
hefur skrifað bækur um stjórnar-
skrána og einnig ljóðabók sem var
gefin út fyrir nokkrum árum.
Veikur forseti
og bendlaður
við spillingu
 Michel Temer er ekki talinn hafa
burði til að leysa vanda Brasilíu
Íbúafjöldi: 204 milljónir
Brasilía
Heimild :WorldBank/IMF/UN/TransparencyInternational/BrazilBusiness
Sao
Paulo
Rio de
Janeiro
Efnahagur
Hagvöxtur í%
-3,8
2016
Spá
3,2
2005
6,1
2007
-0,1
2009
7,5
2010
3,0
2013
10
Fjöldi kvenna sem eiga sæti
á þingi landsins í%
Kína
83
Mest
spilling
Minnst
spilling
Brasilía er í 76. sæti á lista alþjóðasamtakanna Transparency
International þar sem lagt er mat á spillingu*
*168 ríki
eru á listanum
Landsframleiðsla á mann
11.727$ (1.444.414 kr.)
Verðbólga
9,9%
Atvinnuleysi
6,8%
0,1
2014
76
S-Afríka
61
Bandaríkin
16
Argentína
107
Rússland
119
Trúarbrögð
%
Kaþólskir
64,6
Mótmælendur
22,2
Aðrir
13,2
BRAS IL ÍA
BRASILÍA
Stærð:
8,36 milljónir ferkm
1.000 km
AFP
Ólga Stuðningsmenn Dilmu Rousseff mótmæla í borginni Sao Paulo eftir að
þingið samþykkti málshöfðun á hendur forsetanum til embættismissis.
Stjórn hvítra karla
» Í nýrri ríkisstjórn Brasilíu
undir forystu Michels Temers
eru 24 ráðherrar og þeir eru
allir hvítir karlmenn. Tæp 48%
íbúa landsins eru hvítir.
» „Þetta er í fyrsta skipti frá
einræði hersins [1964-85] sem
ekki ein einasta kona á sæti í
stjórninni. Þetta er mikið
áhyggjuefni,“ hefur fréttaveit-
an AFP eftir brasilíska stjórn-
málaskýrandanum Ivar Hart-
mann.
» Dilma Rousseff, sem lét af
störfum sem forseti, var fyrsta
konan til að gegna embættinu
og skipaði alls 15 konur í
stjórnina á valdatíma sínum.
Þúsundir manna söfnuðust saman í
Beirút, höfuðborg Líbanons, í gær til
að fylgja helsta herforingja samtak-
anna Hizbollah til grafar eftir að
skýrt var frá því að hann hefði látið
lífið í Sýrlandi. Mustafa Amine Ba-
dreddine beið bana í mikilli spreng-
ingu nálægt flugvellinum í Damas-
kus, höfuðborg Sýrlands, að sögn
samtakanna.
Leiðtogar Hizbollah, samtaka
sjíta í Líbanon, hafa sent þúsundir
liðsmanna þeirra til Sýrlands þar
sem þeir hafa barist með hermönn-
um einræðisstjórnar landsins ásamt
hermönnum klerkastjórnarinnar í
Íran. Stjórnvöld í Bandaríkjunum
sögðu í fyrra að Badreddine hefði
stjórnað öllum hernaðaraðgerðum
Hizbollah í Sýrlandi frá árinu 2011.
Ákærður fyrir
morðið á Hariri
Ekki var vitað í gær hverjir urðu
Badreddine að bana. Í fyrstu frétt
sjónvarpsstöðvar í Líbanon um fall
hans var sagt að hann hefði beðið
bana í sprengjuárás Ísraelshers. Í
tilkynningu sem Hizbollah gaf út
skömmu síðar til að staðfesta dauða
Badreddine var hins vegar ekki
minnst á herinn í Ísrael.
Í tilkynningu Hizbollah segir að
hann hafi gegnt mikilvægu hlutverki
í starfi samtakanna frá árinu 1982.
Baddreddine var 55 ára og tók við
foringjahlutverkinu af bræðrungi og
mági sínum, Imad Mughniyeh, sem
lét lífið í sprengjuárás í Damaskus
árið 2008. Samtökin sökuðu Ísr-
aelsher um þá árás. Frændurnir
tveir eru sagðir hafa unnið saman að
sprengjuárás á bækistöðvar banda-
rískra hermanna í Beirút í október
1983 þegar 241 beið bana.
Baddreddine var einnig ákærður
ásamt fleiri liðsmönnum Hizbollah
fyrir að hafa myrt Rafik Hariri, fyrr-
verandi forsætisráðherra Líbanons,
árið 2005.
Helsti herforingi
Hizbollah fallinn
 Stjórnaði liði samtakanna í Sýrlandi
AFP
Útför Mustafa Amine Badreddine
borinn til grafar í Beirút.
Askalind4,Kópavogi
Sími 564 1864
www.vetrarsol.is
w
w
w
.h
el
iu
m
.is
Sláuvél með dri
B&S 450E mótor
Hækkun í einu handfangi
55 lítra graskassi
Frábær heimilisvél
Lúxus sláuvél með dri
B&S 625E mótor, auðveld gangsetning
Tvískiptur sláuhnífur, slær 2svar
70 lítra kassi, "notendavænn"
Frábær vél í estan slá
Sga Collector 46 SB Sga TwinClip 50 SB
Sjálfskiptur lúxus sláutraktór
Kawazaki FS600V mótor, þrýssmurður
Notendavænt sæ og stýri
320 lítra graskassi
Frábær traktór í stærri svæði
Sga Estate 7102 H
Léttu þér lífið
með Stiga sláttuvél