Orð og tunga - 01.06.2014, Blaðsíða 171

Ráðstefnur 2013
Málþing um tungumál og alþjóðavæðingu í háskólastarfi
Málþing um tungumál og alþjóðavæðingu í háskólastarfi fór fram í sal
Þjóðminjasafnsins í Reykjavík dagana 18.-20. júlí 2013. Þingið fór að mestu
fram á ensku undir yfirskriftinni Languages and Internationalization in Higlier
Education: ldeologies, Practices, Alternatives. Um 40 sérfræðingar víða að tóku
þátt í þinginu.
Málþingið var einkum helgað kostum og göllum þeirrar þróunar að
enska verður stöðugt útbreiddari sem kennslutungumál á háskólastigi og
sem tungumál fræðilegrar útgáfu hvarvetna í heiminum. Norðurlöndin
voru í brennidepli en auk þess komu fyrirlesarar úr mjög mörgum áttum, s.s.
frá Aserbaídsjan, Indlandi, Irlandi, Kanada, Kasakstan, Kýpur, Lúxemborg,
Mexíkó, Spáni og Þýskalandi. Sem fyrr segir var sérstök áhersla á umfjöllun
um Norðurlönd og norræna háskóla enda var málþingið sérstaklega tengt
undirbúningi bókarinnar English at Nordic universities: ideologies and prnctices
(ritstj. Anna Kristina Hultgren, Frans Gregersen og Jacob Thogersen) sem er
væntanleg frá John Benjamins 2014 í ritröðinni Studies in World Language
Problems. Meðal frummælenda var Ari Páll Kristinsson sem kynnti vænt-
anlegan bókarkafla um hugmyndafræðilega þætti íslenskrar málverndar og
samspil þeirra við dulda og ljósa málstefnu íslenskra háskóla.
Málþingið var haldið að frumkvæði The Center for Research and Docu-
mentation on World Language Problems, í Rotterdam, sem einnig annaðist
fjármögirunina og naut framlaga frá Esperantic Studies Foundation og frá
John Benjamins Publishing Company. Samstarfsaðilar á Islandi voru Stofnun
Áma Magnússonar í íslenskum fræðum, Islensk málnefnd og Stofnun Vig-
dísar Finnbogadóttur í erlendum tungumálum. Ari Páll Kristinsson kynnti
fyrir málþingsgestum starfsemi Árnastofnunar og Guðrún Kvaran starf Is-
lenskrar málnefndar.
The Center for Research and Documentation on World Language Prob-
lems stendur af og til fyrir alþjóðlegum málþingum af þessu tagi um mál-
stefnu og málnotkun í alþjóðlegu samhengi. Málþingaröðin er kennd við
japanska menntafrömuðinn og diplómatann Inazo Nitobe (1862-1933).
Ari Páll Kristinsson